ဥုံဆိုတာ ဘာလဲ

ကျွန်တော်တို့ ဂါထာတွေရွတ်တဲ့အခါ အရှေ့ကဥုံခံပြီး ရွတ်ကြတာ တွေ့ဖူးကြမယ်ထင်ပါတယ်။တစ်ချို့ဆို ဥုံမပါ ဂါထာမဖြစ်ဆိုပြီးတောင် ပြောဆိုနေကြတာ ကြားဖူးပါတယ်။အဲဒီ့ "ဥုံ" ဆိုတာ ဘာလဲ။သူ့ရဲ့အဓိပ္ပါယ်ကကော ဘာလဲ။


ဥုံဆိုတာ ဘာလဲ။

တကယ်တော့ ဥုံ ဆိုတဲ့စကားလုံးဟာ ကျွန်တော်တို့ ထေရဝါဒ ဗုဒ္ဓဘာသာနဲ့ ဘာမှ မသက်ဆိုင်ပါဘူး။ဥုံ ခံထားတဲ့ဂါထာတွေဟာလည်း ဗြဟ္မဏဝါဒလောင်းရိပ်မကင်းတဲ့ အပယ်ခံဗုဒ္ဓဘာသာဝင်တစ်ချို့ရဲ့ လောကီအစီအရင်ဆိုင်ရာ ဂါထာမန္တန်တွေဖြစ်ပါတယ်။ဥုံ ဆိုတာဟာ ဗုဒ္ဓဘာသာ ပိဋကတ်ကျမ်းစာတွေနဲ့ လားလားမှမသက်ဆိုင်ဘဲ ဟိန္ဒူဗြဟ္မဏဘာသာဝင်တို့ရဲ့ ဝေဒလေးပုံက ထွက်လာတဲ့ အက္ခရာစကားလုံးသက်သက်သာ ဖြစ်ပါတယ်။ဟိန္ဒူဗြဟ္မဏဘာသာဝင်တွေအတွက်ကတော့ ဥုံဟာ တကယ့်ကို အလေးအမြတ်ထားရာ အထွတ်အထိပ် အက္ခရာတစ်ခုပါပဲ။
တစ်ချို့သော စာစောင်တွေမှာ ဥုံ ဆိုတာ ကမ္ဘာဦးနတ်မင်းကြီးသုံးပါးကို ရှိခိုးတဲ့အက္ခရာဖြစ်ကြောင်း၊ဒါကြောင့် အလွန်မြင့်မြတ်တဲ့ အကျိုးထူးကို ခံစားရရှိနိုင်ကြောင်း၊ အမွှမ်းတင် ဖော်ပြထားတာ ဖတ်ရပါတယ်။အဲဒီ့နတ်မင်းကြီးသုံးပါးကတော့ မဟာဗြဟ္မာ၊ဗိဿနိုးနဲ့ ပရမေသွာ တို့ပဲဖြစ်ပါတယ်။ ဒါပေမယ့် ဗုဒ္ဓမြတ်စွာရဲ့တရားတော်အရဆိုရင် လောကမှာ အဲဒီ့နတ်မင်းကြီးသုံးပါးဆိုတာ မရှိတဲ့အပြင် ဒီအယူအဆကို လုံးဝပစ်ပယ်သင့်ကြောင်း အကြိမ်ကြိမ် ဟောကြားခဲ့ဖူးပါတယ်။

ဘာကြောင့် ဒီအယူအဆကို ပစ်ပယ်သင့်ရတာလဲ။
ဘာသာအယူဝါဒတော်တော်များများမှာ ရတနာမြတ်သုံးပါး အယူအဆတွေ ရှိကြပါတယ်။ကျွန်တော်တို့ ဗုဒ္ဓဘာသာမှာဆိုရင် ဘုရား၊တရား၊သံဃာ ဆိုတဲ့ ရတနာမြတ်သုံးပါးပေါ့ဗျာ။ဟိန္ဒူဘာသာမှာဆိုရင် ခုနက နတ်မင်းကြီးသုံးပါးဟာ သူတို့ရဲ့ ရတနာမြတ်သုံးပါးပါ။ခရစ်ယာန်ဘာသာမှာဆိုရင် အဖဘုရားသခင်၊သားတော်သခင်ယေရှု နဲ့ သန့်ရှင်းတဲ့ဝိညာဉ်တော်တို့ဟာ ခရစ်ယာန်တွေရဲ့ ရတနာမြတ်သုံးပါးပဲ ဖြစ်ပါတယ်။
ရတနာမြတ်သုံးပါးချင်း တူပေမယ့် ဗုဒ္ဓဘာသာနဲ့ ကျန်တဲ့ဘာသာတွေရဲ့ အယူအဆကတော့ လုံးလုံးလျားလျား ကွဲပြားတာကိုတွေ့ရပါတယ်။ဟိန္ဒူဗြဟ္မဏဝါဒီတွေက မဟာဗြဟ္မာ၊ဗိဿနိုး၊သီဝ(ပရမေသွာ)တို့ သုံးပါးပေါင်းမှ အတ္တ (ဝါ)အတမန် လို့ခေါ်တဲ့ တစ်ဆူတည်းသော ထာဝရဘုရားလို့ ယုံကြည်ကြပါတယ်။ဟိန္ဒူဗြဟ္မဏဝါဒဟာ လောကမှာ ကိုယ့်ကိုယ်ကို အစဉ်အစိုးရပြီး ဘယ်တော့မှ မဖောက်မပြန် ထာဝရတည်မြဲနေတဲ့ အမာခံ အနှစ်သာရ (အတ္တ) ရှိတယ်လို့ယူဆတဲ့ အတ္တဝါဒ၊တစ်နည်းထပ်ပြောရရင် အဲဒီအတ္တကပဲ လောကကို ဖန်ဆင်းတဲ့ ထာဝရ ဘုရားသခင်ဖြစ်တယ်လို့ယုံကြည်တဲ့ ဣဿရဝါဒပဲဖြစ်ပါတယ်။
ဗုဒ္ဓဝါဒကတော့ လောကမှာ ကိုယ့်ကိုယ်ကို အစဉ်အစိုးရနေပြီးဘယ်တော့မှ မဖောက်မပြန် ထာဝရတည်မြဲနေတဲ့ အမာခံ အနှစ်သာရ(အတ္တ)ဆိုတာ မရှိဘူးလို့ အတ္တကို ငြင်းပယ်တဲ့ အနတ္တဝါဒပဲဖြစ်ပါတယ်။ဒါကြောင့် အတ္တဆိုတာ မရှိလို့ အနိဿရဝါဒ လို့ ဆိုနိုင်ပါတယ်။

ဥုံ ရဲ့အဓိပ္ပါယ်
 
ဟိန္ဒူဗြဟ္မဏတွေရဲ့ အယူအဆအရ လောကရဲ့ဖန်ဆင်းရှင်ဟာ ရဂျစ်(ရာဇဂုဏ်)၊ဆက်တွ(သတွဂုဏ်)၊တမတ်ခ်(တမဂုဏ်) ဆိုတဲ့ ဂုဏ်သတ္တိသုံးပါးနဲ့ ပြည့်စုံတဲ့ အတ္တကြီးပဲဖြစ်ပါတယ်။တစ်နည်းပြောရရင် ဖန်ဆင်းခြင်း၊ထိန်းသိမ်းစောင့်ရှောက်ခြင်း၊ဖျက်ဆီးခြင်းဆိုတဲ့ အစွမ်းသတ္တိတွေနဲ့ ပြည့်စုံပြီး အစဉ်မဖောက်မပြန်တည်မြဲနေတဲ့ ထာဝရဘုရားသခင်ပဲဖြစ်ပါတယ်။အဲဒီဂုဏ်သတ္တိသုံးပါးထဲက တစ်ပါးစီဟာ အခုနက နတ်မင်းကြီးသုံးပါးကို ကိုယ်စားပြုပါတယ်။မဟာဗြဟ္မာက ရဇဂုဏ်ကို ကိုယ်စားပြုပြီး လောကကို ဖန်ဆင်းတယ်။ဗိဿနိုးက သတွဂုဏ်ကို ကိုယ်စားပြုပြီး လောကကို ထိန်းသိမ်းစောင့်ရှောက်တယ်။ပရမေသွာလို့ခေါ်တဲ့ သီဝကတော့ တမဂုဏ်ကို ကိုယ်စားပြုပြီး လောကကို ဖျက်ဆီးဖို့ တာဝန်ယူတယ်။နတ်မင်းကြီးသုံးပါးရယ်လို့ ကွဲပြားနေပေမယ့် တကယ်တော့ ဖန်ဆင်းရှင် ထာဝရဘုရားလို့ခေါ်ဆိုနိုင်တဲ့ မဟာအတ္တကြီးရဲ့ ဂုဏ်အင်္ဂါသုံးရပ်သာဖြစ်ပါတယ်။အဲဒီ မဟာအတ္တကြီးကိုပဲ ပရမအတ္တလို့ခေါ်ပါတယ်။မဟာအတ္တကြီးရဲ့ ဂုဏ်တော်သုံးပါးစလုံးကို တစ်ချိန်တည်းမှာ ရွတ်ဖတ်သရဇ္ဈယ် ပွားများပူဇော်မယ်ဆိုရင်တော့ အ-ဥ-မ ဆိုတဲ့ အက္ခရာသုံးလုံးထဲနဲ့ ပြီးပြည့်စုံနိုင်တယ်ဆိုပြီးတော့ ဟိန္ဒူတို့ရဲ့ ဥပနိသျှဒ်ကျမ်း တွေမှာ ဆိုထားပါတယ်။
အ-ဆိုတာ ဂုဏ်အင်္ဂါအားဖြင့် ရဇဂုဏ်၊အသွင်သဏ္ဍန်အားဖြင့် မဟာဗြဟ္မာကြီးရဲ့ အထိမ်းအမှတ်၊ဥ-ဆိုတာ ဂုဏ်အင်္ဂါအားဖြင့် သတွဂုဏ်၊အသွင်သဏ္ဍန်အားဖြင့် ဗိဿနိုးနတ်မင်းကြီးရဲ့ အထိမ်းအမှတ်၊မ-ဆိုတာ ဂုဏ်အင်္ဂါအားဖြင့် တမဂုဏ်၊အသွင်သဏ္ဍန်အားဖြင့် သီဝနတ်မင်းကြီးရဲ့ အထိမ်းအမှတ်ပဲ ဖြစ်ပါတယ်။ဥုံဆိုတာဟာ အ-ဥ-မ ကို တစ်ဆက်တစ်စပ်တည်း အသံထွက်ပြီး ဂုဏ်တော်သုံးပါးနှင့် ပြည့်စုံတော်မူသော ထာဝရဘုရားသခင်(ခေါ်)မဟာအတ္တကြီးကို ရှိခိုးပူဇော်ပါသည်လို့ အဓိပ္ပါယ်ရပါတယ်။ဟိန္ဒူဗြဟ္မဏဝါဒီတွေအတွက်ကတော့ ဥုံကို ရွတ်ဖတ်ခြင်းဟာ ထာဝရဘုရားသခင်ဆီ သွားရာလမ်းလို့ဆိုရမှာဖြစ်ပါတယ်။
အနတ္တလက္ခဏသုတ်တော်ကို ဟောပြီးလောကမှာ အစဉ်မဖောက်မပြန်ဘဲ မိမိကိုယ်ကို အစိုးရနေတဲ့ အတ္တဆိုတာ မရှိပါဘူးလို့ မြွက်ကြားခဲ့တဲ့ ဗုဒ္ဓဒေသနာနဲ့တော့ ဖြောင့်ဖြောင့်ကြီး ဆန့်ကျင်နေပါတယ်။ဥုံဆိုတာဟာ တစ်ကယ်တော့ အတ္တကို အာရုံပြု လက်ခံယုံကြည်သူတွေ ရွတ်ဆိုရမယ့် အက္ခရာပဲ ဖြစ်ပါတယ်။ဒါကြောင့် ဗုဒ္ဓဟောကြားခဲ့တဲ့ ဘယ်ဂါထာတော်မဆို ဥုံကို ထည့်ပြီး မရွတ်ဖတ်သင့်ပါဘူး။အရှေ့နဲ့ အနောက်လို ဆန့်ကျင်နေတဲ့ အယူအဆနှစ်ခုကို ပေါင်းစပ်လက်ခံပြီး ရွတ်ဖတ်မယ်ဆိုရင် အဓိပ္ပါယ်လည်း ရှိတော့မှာမဟုတ်ပါဘူး။

ဝင်းသိန်းဦး၏ ရှေးဘဝ နောက်ဘဝ ဗုဒ္ဓမဝေဖန်နှင့် ဓမ္မစာစုများ စာအုပ်မှ အပြည့်အစုံဖတ်ရန်

ဘိုးဘိုးအောင်ကိုးကွယ်ခြင်းနဲ့ပတ်သတ်၍(ဆန်နီနေမင်း)

ဘိုးဘိုးအောင်၊ ဘိုးမင်းခေါင် ကိုးကွယ်ခြင်းနဲ့ပတ်သတ်၍ ပို့စ်တွင် သိချင်တာများ ဆက်လက်မေးလာတာကို အားလုံးသိရအောင် ထပ်မံဖြေရှင်းပေးလိုက်ပါတယ်။

မေး။ ။ တပည့်တော် အမေက အဲဒါတွေကို ဘုရားစင်ပေါ်တင်ထားပါတယ်ဘုရား။ တပည့်တော်က ဘုရားရှိခိုးတဲ့အခါ သူတို့က ဘုရားစင်ပေါ်ရောက်နေတယ်ဆိုတော့ သူတို့ကိုပါ ရှိခိုးသလို ပုံစံပေါက်နေပါတယ် ဦးဇင်းဘုရား။ တပည့်တော်စိတ်ထဲမှာတော့ အဲလို ရှိခိုးချင်စိတ် အရှင်းမရှိပဲ မြတ်စွာဘုရားနဲ့ တရားတော် သံဃာတော် ရတနာသုံးပါးကိုသာ ဦးထိပ်ထား ရှိခိုးတာပူဇော်တာပါဘုရား။ ထို့ ကြောင့် အဲလို သူတို့ကို ဘုရားစင်ပေါ်တင်ထားတာဟာ အပြစ်ဖြစ်စေပါသလား။

နောက်တစ်ခါ တပည့်တော်က ပဌာန်းကျမ်း (ကျမ်းစာအုပ် ၅အုပ်) ကို ရွတ်ဖတ်ပူဇော်ပါတယ် ဦးဇင်း။ တပည့်တော်က ရွတ်ဖတ်ပူဇော်ပြီးတဲ့အခါ စာအုပ်ကို ဘုရားစင်ပေါ်တင်ထားခဲ့ပါတယ်။ ဘုရားစင်ပေါ်မှာ ခုနကပြောသလို ဘိုးဘိုးအောင်တို့ ဘာညာသာတကာတွေက ရှိနေတော့ တပည့်တော် ပဌာန်းကျမ်းစာအုပ်များနဲ့ တန်းတူဖြစ်နေခြင်းဟာလည်း မသင့်တော်ဟု တပည့်တော်ယူဆပါသည်။ ထို့ ကြောင့် မည်သို့ ပြုလုပ်သင့်သည်ကို စေတနာရှေ့ထား ရှင်းပြပေးတော်မူပါ ဦးဇင်းဘုရား။

ဖြေ။ ။ ဘယ်ရာမဆို သူ့အဆင့်တန်းနဲ့သူ၊ သူ့နေရာသူ နေရာထားပေးကြတာ လက်တွေ့မျက်မှောက်လောကမှာလည်း တွေ့မြင်ကြမယ် ထင်ပါတယ်။ အဆင့်တန်းကြီးတဲ့သူကို အဆင့်တန်းငယ်တဲ့နေရာမှာ မထားသလို အဆင့်တန်းငယ်တဲ့လူကလည်း အဆင့်တန်းကြီးတဲ့သူရဲ့နေရာကို မထိုင်ရဲကြပါဘူး။

အဲဒီလိုပဲ လောကမှာအမြတ်ဆုံးဖြစ်တဲ့ ရတနာသုံးပါးနဲ့မည်သည့်ပုဂ္ဂိုလ်၊ အရာပစ္စည်းမဆို မထားသင့်ဘူးဆိုတာ သဘောပေါက်နားလည်သင့်ပါတယ်။ မြတ်ဗုဒ္ဓသီတင်းသုံးတဲ့ ဘုရားခန်းမှာ၊ တရားစာအုပ်၊ သံဃာတော်များဓာတ်ပုံ ဒါတွေကတော့ ရတနာသုံးပါးဝင်တွေမို့ အတူတကွ ထားလို့ရပါတယ်။

ကျန်တဲ့ပုဂ္ဂိုလ်များကိုတော့ အတူတကွ မထားသင့်ပါ။ မိမိတို့က ယုံကြည်မှုရှိလို့ ကိုးကွယ်ချင်တယ်၊ ပူဇော်ချင်တယ်ဆိုရင်တော့ တခြားတစ်နေရာမှာ ထားစေချင်ပါတယ်။ မည်လောက်ပင် အစွမ်းတွေရှိနေပါစေ ရတနာသုံးပါးထက်တော့ မသာလွန်နိုင်ဘူးဆိုတာ ထေရ၀ါဒဗုဒ္ဓဘာသာဝင်ဆို သိနားလည်လိမ့်မယ် ထင်ပါတယ်။

မိမိတို့က ရတနာသုံးပါးနဲ့အတူတကွထားမယ်၊ ယုံကြည်ကိုးကွယ်နေမယ်ဆိုရင် ဦးဇင်းရှင်းပြခဲ့တဲ့ ကျမ်းဂန်များအလို အရ ထေရ၀ါဒဗုဒ္ဓဘာသာ ဖြစ်ပါဦးမလားဆိုတာ စဉ်းစားကြည့်ကြပေါ့လေ။

ဦးဇင်းအနေနဲ့ကတော့ မည်သူ့ကိုမျှ မကိုးကွယ်နဲ့၊ မယုံကြည်နဲ့လို့ မပြောလိုပါဘူး။ ဘာဖြစ်လို့လဲဆိုတော့ ဦးဇင်းတို့ရဲ့ မြတ်ဗုဒ္ဓကိုယ်တိုင်က အဲဒီလို မပြောဆိုခဲ့သလို ၀ိဘဇ္ဇ၀ါဒ-ကိုယ်တိုင် ခွဲခြားဝေဖန် လေ့လာစဉ်းစားပြီးမှ ကိုးကွယ်ယုံကြည်ပါလို့ မိန့်တော်မူခဲ့တာကြောင့် ဖြစ်ပါတယ်။ ဒါပေမဲ့ ပိုမိုပြုလုပ်ရမဲ့အရာနဲ့ သဘောလောက်လုပ်ရမဲ့အရာ (အဓိကနဲ့သာမည)ကိုတော့ ခွဲခြားသိစေချင်လို့ ခုလို ပြောဆိုရေးသားပေးနေတာပါ။ ဦးဇင်းသဘောအရတော့ ရတနာသုံးပါးကို ကိုးကွယ်ယုံကြည်ဖို့နဲ့ ရတနာသုံးပါးရဲ့ အဆုံးမတွေကို လိုက်နာကျင့်သုံးဖို့တောင် အကုန်မလုပ်နိုင်သေးသလို လိုက်နာကျင့်သုံးဖို့ အချိန်မလောက်၊ ပြည့်စုံအောင် မလုပ်နိုင်သေးတာကြောင့် ကျန်တဲ့အရာများ ကိုးကွယ်ဖို့၊ လိုက်နာကျင့်သုံးဖို့ဆိုတာ အချိန်မပေးနိုင်ပါ။

ဒါကြောင့် သဗ္ဗေသတ္တာ ကမ္မသကာ၊ အတ္တာဟိ အတ္တနော နာထောဆိုတာလို မိမိကံကို မိမိတို့ပြုလုပ်တဲ့အတိုင်း ခံစားရမှာဖြစ်သလို မိမိကိုယ့်ကို ကိုးကွယ်ရာမို့ မိမိကိုယ်တိုင်က အဓိကနဲ့သာမညမှာ ဘယ်ဟာကို ဦးစားပေး လုပ်ဆောင်သင့်သလဲ၊ ဘယ်ဟာနဲ့ မိမိဘ၀ အချိန်တွေကို ကုန်လွန်စေမလဲဆိုတာ စဉ်းစားကြပေါ့လေ။
မူရင်းပို့စ်
အပြည့်အစုံဖတ်ရန်

ဗုဒ္ဓဘာသာခေါင်းဆောင်းထားသော အရှင်ဒေဝဒတ်၏တပည့်များ(စာအုပ်)

မေတ္တာရှင်(ရွှေပြည်သာ)ရဲ့ ဗုဒ္ဓဘာသာခေါင်းဆောင်းထားသော အရှင်ဒေဝဒတ်၏တပည့်များ ဆိုတဲ့စာအုပ်ပါ။

ဒီမှာ ဒေါင်းပါ။ အပြည့်အစုံဖတ်ရန်

ငရဲပြည်၌ ဒုက္ခခံရပုံ

ငရဲဘုံ​၌ ဖြစ်ရသောသတ္တဝါတို့၏ ကိုယ်ထည်သည် သုံးဂါဝုတ်ပမာဏရှိ၏။မြန်မာတိုင်အားဖြင့် ၄တိုင်နှင့်တာ ၈၀၀ ရှိ၏။ ငရဲထိန်းတို့သည် ထိုမျှခန္တာကိုယ်ကြီးမားသော ငရဲသားကို အလျှံတပြောင်ပြောင် မီးစွဲလောင်သော သံမြေပေါ်၌ ပက်လက်အိပ်စေ၏။ထို့နောက် ညာဘက် လက်ဖဝါး၌ ထန်းလုံးခန့်ရှိ ရဲရဲတောက်သော သံတစို့ကြီးကို ရိုက်နှက်သွင်းကုန်၏။ဘယ်ဘက်လက်ဝါး၌လည်း နည်းတူပင် ရိုက်နှက် သွင်းကုန်၏။ညာဘက်ခြေ၊ ဘယ်ဘက်ခြေ၊ ခါး၊ လက်တို့၌လည်း နည်းတူပင် ရိုက်နှက်သွင်းကုန်၏။

ထို့အတူ မှေက်လျက် အိပ်စေ၍ လည်းကောင်း၊စောင်းလျက် အိပ်စေ၍လည်းကောင်း၊ ငါးပါးသော ဌာနတို့၌ သံတစို့ကြီးများကို ရိုက်နှက်၍ ညှင်းဆဲ နှိပ်စက်ကုန်၏။အကုသိုလ်ကံ မကုန်သေးမချင်း ငရဲသားကား မသေနိုင်။ဤသို့ အညှင်းဆဲခံရသော ငရဲသားသည် ရဲရဲတောက်သော သံမြေပြင်ကို မြင်ရုံမျှဖြင့်လည်း များစွာ စိတ်ဆင်းရဲရ၏။ အလွန်ကြမ်းတမ်းရက်စက်စွာ ကြိမ်းမောင်း ပြောဆိုသော ငရဲထိန်းတို့၏ အသံကို ကြားရ၍လည်း စိတ်ဆင်းရဲရ၏။ သံမြေပြင်ပေါ်၌ အတင်းတွန်းလှဲ သိပ်ခြင်း၊ မီးလောင်ခံရခြင်း၊ သံစို့ နှက်ခံရခြင်းတို့ကြောင့်လည်း အတိုင်းမသိ ကြီးစွာသော ကိုယ်ဆင်းရဲ၊စိတ်ဆင်းရဲတို့ကို ခံစားရ၏။
ထိုသို့သောကာလ၌ ကယ်ပါ၊ သနားပါ၊ ချမ်းသာပေးပါ စသည်ဖြင့် မျက်ရည်ယိုစီး ငို​ကြွေး မြည်တမ်းလျက် တောင်းပန်သော်လည်း မည်သူကမျှ မသနား၊ ချမ်းသာမပေးချေ။မိမဲ့ဖမဲ့၊ဆွေမျိုးမဲ့၊ ဆွေခင်ပွန်းမဲ့၍ တစ်ကိုယ်တည်းသာ ဖြစ်လျက် ညိုးငယ်စွာနှင့် အလွန်ကြီးမားသော ဆင်းရဲတွေကို အော်မြည် ယောင်ယမ်းလျက် မိနစ်စက္ကန့် မခြားဘဲ ခံစား၍ နေရရှာလေတော့၏။ထိုသို့သော ကာလ၌ ဝိပဿနာ အလုပ်ကို အားထုတ်ခွင့် မရနိုင်တော့ချေ။
ထို့ပြင် သံစို့ ငါးချက်နှက်၍ မသေသေးသော ငရဲသားကို ငရဲထိန်းတို့သည် အိမ်မိုးတစ်ဖက်ခန့် ရှိသော တံစည်းပေါက်ပြားကြီးတို့ဖြင့် ရှစ်မြှောင့်ပုံ၊ ခြောက်မြှောင့်ပုံ စသည်ဖြစ်အောင် မျဉ်းပစ်၍ ရွေခုတ်ကြပြန်၏။သွေးတို့သည် မြစ်ဖြစ်၍ စီးလေကုန်၏။ထိုသွေးတို့မှ မီးထတောက်ပြန်၍ ကိုယ်၌ စွဲလောင်လေ၏။အတိုင်းမသိသော ဆင်းရဲကို ခံစားရလေ၏။ထိုစဉ်အခါ၌ ဝိပဿနာအလုပ်ကို အားထုတ်ခွင့် မရနိုင်တော့ချေ။
ထိုမျှဖြင့် မသေသေးလျှင် ဇောက်ထိုး တွဲလဲဆွဲထား၍ ဗန်းကြီးခန့်ရှိပဲကွပ်တို့ဖြင့် ပါးပါးလွှာလျက် ရွေခုတ်ကြပြန်၏။ထိုမျှဖြင့်လည်း မသေသေးလျှင် မီးလျှံရဲရဲတောက်သော သံရထား၌ နွား၊မြင်းတို့ကဲ့သို့ တပ်၍ မီးကျီခဲတောင်ကြီးပေါ်သို့ တက်စေကုန်၏။မတက်ဘဲနေလျှင် ရဲရဲတောက်သော သံတုတ်ကြီးများဖြင့် အပြင်းရိုက်၍ တက်စေကုန်၏။တောင်ထိပ်သို့ ရောက်လျှင် တစ်ဖန်ဆင်းစေကုန်၏။ဤသို့ တက်ချည်ဆင်းချည် အဖန်ဖန် ပြုစေကုန်၏။ထိုမျှဖြင့်လည်း မသေသေးလျှင် ကျိုက်ကျိုက်ဆူပွက်လျက် ရဲရဲတောက်သော လောဟကု မ္ဘီ ခေါ် သံရည်ပူထဲ၌ ရှဲခနဲကျ၍ အမြှုပ်တစီစီထလျက် နစ်မြုပ်သွားရှာလေ၏။
အနှစ်သုံးသောင်းကြာမှ ငရဲအိုး၏ အောက်ဝသို့ ရောက်၏။တစ်ဖန် အနှစ်သုံးသောင်း ကြာမှ ငရဲအိုး၏ အောက်နှုတ်ခမ်းသို့ ရောက်လျက် ပေါ်လာ၏။အရပ်မျက်နှာများသို့လည်း ဖီလာသွား၏။ထမင်းအိုးပွက်သောအခါ၌ ဆန်စေ့ကလေးများကဲ့သို့ပင်တည်း။အတိုင်းမသိသော ဆင်းရဲမှုနှင့် ရင်ဆိုင် တွေ့နေရလေ၏။
ကံမကုန်သေး၍ ထိုမျှဖြင့်မသေပြန်လျှင် သံရည်ပွက်ထဲမှ ငရဲသားကို ထုတ်ယူ၍ ငရဲထိန်းတို့သည် မီးတဟုန်းဟုန်း အမြဲတောက်လောင်လျက် ရှိသော ငရဲကြီးထဲသို့ ပစ်သွင်းလိုက်ကြပြန်၏။ထိုငရဲသည်ကား အလျား၊အနံ၊အမြင့် တစ်ယူဇနာ ရှိလေ၏။လေးထောင့်ညီသော သံသေတ္တာကြီးနှင့်တူ၏။အရှေ့ဘက်နံရံမှ မီးလျှံသည် အနောက်ဘက်နံရံကို ဖောက်ပြီးလျှင် အပြင်ဘက်၌ ယူဇနာ တစ်ရာတိုင်အောင် ပူလောင်၏။အနောက်နံရံ၊တောင်နံရံ၊ မြောက်နံရံကို ဖောက်ပြီးလျှင် အပြင်ဘက်၌ ယူဇနာတစ်ရာတိုင်အောင် ပူလောင်၏။
အနောက်နံရံ၊ တောင်နံရံ၊ အထက်သံမိုး၊အောက်သံမြေပြင်တို့မှ မီးလျှံတို့သည်လည်း နည်းတူချည်း ပူလောင်၏။ထိုငရဲကြီးအတွင်း၌ ထိုမှဤမှ ပြေးလွှား လူးလိမ့် ဟစ်အော် မြည်တမ်းလျက် ကြီးစွာသော ဆင်းရဲဒုက္ခတို့ကို ခံစားရလေ၏။
နှစ်ပေါင်းများစွာကြာသော် တစ်ခါတစ်ရံ၌ ထိုငရဲကြီး၏တံခါးဝဆီသို့ အတင်း ပြေးကြ၏။အချို့မှာလည်း လမ်းခရီးတွင် မောပန်း လူးလိမ့်လျက်ရှိကုန်၏။အချို့မှာ တံခါးဝသို့ ရောက်ကုန်၏။အနှစ်သိန်းပေါင်းများစွာ ကြာလျှင် ထိုတံခါးကြီးသည် ပိတ်သွားလေသည်။ထွက်နိုင်သော ငရဲသားသည်လည်း အပြင်သို့ ရောက်သည်နှင့် တပြိုင်နက် ဘင်ပုပ်ငရဲထဲသို့ ကျသွားလေ၏။မစင်ဘင်ပုပ်ထဲ၌နစ်မြုပ်နေစဉ် ဆင်၏လည်ပင်းခန့်ရှိသော ပိုးလောက်တို့က ကိုက်ခဲစားကြလေ၏။
ထိုဘင်ပုပ်ငရဲမှ လွတ်ပြန်လျှင် ပြာပူငရဲထံသို့ ကျရောက်သွားပြန်၏။ထိုငရဲ၌ အိမ်ထွတ်ခန့်ရှိသော မီးကျီခဲ၊ရဲရဲတောက်သော ပြာပူတို့ဖြင့် လောင်ကျွမ်း၍ ဆင်းရဲကြီးစွာကို ခံစားရပြန်၏။
ထိုငရဲမှ လွတ်ပြန်လျှင် လက်ပံတောငရဲသို့ ရောက်ပြန်၏။လက်ပံပင်တို့မှာ ၁၆လက်မရှည်သော ဆူးရှိကုန်၏။ငရဲထိန်းတို့က ရိုက်နှက်၍ ထိုလက်ပံပင်တို့၌ တက်ချည်ဆင်းချည် ပြုလုပ်စေ၏။လက်ပံဆူးတို့သည် တက်သောအခါ၌ အောက်ကို လှည့်၍နေကုန်၏။ဆင်းသောအခါ၌ အထက်သို့ လှည့်၍ နေကုန်၏။ကြောက်လန့်တကြား လျင်စွာတက်ရ ဆင်းရသော ငရဲသားတို့၏ ကိုယ်သည် ထိုလက်ပံဆူးတို့ဖြင့် ထိုးမိ၍ စုတ်ပြဲလျက် ရှိလေ၏။
ထိုငရဲမှ လွတ်ပြန်လျှင် သံလျက်တောငရဲသို့ ရောက်ပြန်၏။ရောက်သည်နှင့်တပြိုင်နက် သံလျက်နှင့်တူစွာ နှစ်သွား ရှိသော အရွယ်တို့သည် ကြွေ၍ ငရဲသား၏ကိုယ်၌ ကျလေကုန်၏။လက်၊ ခြေ၊ နား၊ လျှာ၊ ကိုယ်အင်္ဂါတို့သည် အပိုင်းပိုင်း ပြတ်လေကုန်၏။ထ၍ ပြေးပြန်လျှင် သံမြေပြင်၌ သင်တုံးသွားတို့သည် ထွက်ပေါ်လျက် ရှိလေကုန်၏။ရှေ့မှသံတံတို့လည်း ကာရံလျက် ရှိလေ၏။
ထိုငရဲမှ လွတ်ပြန်လျှင် ဝေတ္တရဏီ မည်သော ကြိမ်ချောင်းငရဲသို့ ကျရောက်ပြန်၏။ထိုငရဲမှာ ကျစ်ကျစ်ဆူသော အရည်အတိပြည့်၏။နွယ်များ၊ကြာရွက်များနှင့်တူသော သင်တုန်းသွားများ ရှိ၏။အောက်မြေပြင်၌ သင်တုံးသွားခင်းလျက် ရှိ၏။ကမ်းပါးတို့၌လည်း သင်တုံးသွားကဲ့သို့ ထက်သော ကြိမ်နွယ်များ သမန်းမြက်များရှိ၏။ငရဲသားတို့သည် ထိုချောင်းကို ဆင်းမိလျှင် မြေပြင်မှ သင်တုန်းသွားရှသောကြောင့်လည်းကောင်း၊အပူရည်ဖြင့်လောင်းခြင်း၊စပ်ခြင်းကြောင့်လည်းကောင်း ဘိုင်းခနဲ လဲလေ၏။လဲလျှင် ကျစ်ကျစ်ဆူလျက် ပူစပ်သော အရည်ထဲ၌ စုန်ချည်ဆန်ချည် မျောနေလေ၏။ကမ်းပါး၌ ရှိသော ကြိမ်သမန်းမြက်တို့ဖြင့်လည်း ရှ၏။ချောင်းထဲ၌ရှိသော ကြာရွက်တို့ဖြင့်လည်း ရှ၏။ငရဲသားတို့၏ကိုယ်သည် အစုတ်စုတ်အပြတ်ပြတ် ဖြစ်လေ၏။
စုန်ချည်ဆန်ချည် မျောလျက် အတိဒုက္ခရောက်နေသော ထိုငရဲသားကို ငရဲထိန်းတွေ့လျှင် ငါးမျှားချိတ်ကြီးဖြင့် ဆွဲတင်၍ ဘာအလိုရှိသလဲ ဟုမေး၏။ထမင်းဆာသည်ဟုဆိုလျှင် ရဲရဲတောက်နေသော အတုံးအခဲဖြင့် ပြည့်သော သံခြင်းတောင်းကြီးကို ယူလာကုန်၏။ငရဲသားသည် ကြောက်လှသောကြောင့် ပါးစပ်ကြီး အတင်းပိတ်၍ ထားလေ၏။ထိုအခါ ငရဲထိန်း တစ်ယောက်က ပေါက်ချွန်ကြီးနှင့် အတင်းပေါက်၍ ပါးစပ်ကို ဖွင့်၏။အခြားငရဲထိန်းကလည်း နည်းတူပင် တစ်ဖက်မှ ပေါက်၍ ဖွင့်၏။ထိုသို့ ဖွင့်၍ ပါးစပ်ဟင်းလင်းပွင့်နေသောအခါ၌ ရဲရဲတောက်နေသော ထိုသံတုံးသံခဲတို့ကို တစ်ခုပြီးတစ်ခု ပစ်ထည့်၍ ကျွေးကြလေ၏။ထိုသံတုံးသံခဲတို့သည် နှုတ်ခမ်း၊လျှာ၊အာခေါင်၊လည်ချောင်း၊အူတို့ကို လောင်ကျွမ်းပြီးလျှင် အောက်ဒွာရမှ ထွက်သွားကုန်၏။
ရေငတ်သည်ဟုဆိုပြန်လျှင် ကျိုက်ကျိုက်ဆူပွက်သော သံရည်တို့ကို လောင်းထည့်၍ ပေးကုန်၏။ထိုသံရည်ပူတို့သည်လည်း နည်းတူပင်လောင်ကျွမ်း၍ အောက်ဒွာရမှ ထွက်သွားကုန်၏။ငရဲသားသည် မလှုပ်နိုင်ဘဲ ဆင်းရဲကြီးစွာကို ခံစားရလေသည်။ကံမကုန်၍ မသေသေးပြန်လျှင် ထိုငရဲသားကို ငရဲကြီးထဲသို့ တစ်ဖန် ပစ်သွင်းလိုက်ပြန်လေ၏။

(မဟာစည်ဆရာတော်ဘုရားကြီး၏ ဝိပဿနာ ရှုနည်း အကျဉ်းချုပ် စာအုပ်မှ)
အပြည့်အစုံဖတ်ရန်

အနတ္တဆိုတာ ဘာတွေလဲ၊ဘာကြောင့် ဘာဖြစ်လို့ အနတ္တမည်တာလဲ

ဒကာ။ ။ဗုဒ္ဓဘာသာဝင်တိုင်း အနတ္တ အနတ္တနဲ့ ပါးစပ်က ပြောကြတယ်။အနတ္တဆိုတာ ဘယ်ဟာတွေလဲ။ဘာကြောင့် ဘာဖြစ်လို့ အနတ္တ ခေါ်တာလဲ။တိုတိုနဲ့ နားလည်အောင် ရှင်းပြပေးပါဦးဆရာတော်။
(ပန်းမောင်-သုဓမ္မဝတီ)

ဆရာ။ ။သဗ္ဗေ ဓမ္မာ အနတ္တာ-တဲ့။ဘယ်ဟာမဆို ဘာမဆို ရှိသမျှဟာ အနတ္တချည်းပဲ။ကုန်အောင်စုံ တရားဓမ္မတွေဟာ အနတ္တတွေသာဖြစ်တယ်လို့ မှတ်ရမယ်။

၁။အ သာရကတ္တေန အနတ္တာ။ ။အနှစ်သာရ အခိုင်အမာ အားထားမှီခိုစရာ တစ်တိုတစ်စမျှမရှိသောကြောင့် မရှိလို့ အနတ္တ ခေါ်တယ်။
၂။အ ဝသဝတ္တနတော အနတ္တော။ ။ငါလည်း မဟုတ်၊ ငါ့ဥစ္စာလည်း မရှိ၊ငါ့အလိုမလိုက်၊ငါ့အကြိုက်မပါ၊ငါလိုရာမပြီး အချည်းနှီး အပျက်သဘောကိုသာဆောင်နေသောကြောင့်၊ အနတ္တခေါ်တယ်။
၃။အ နိဿရေန အနတ္တာ။ ။စိုးရပိုင်ဆိုင် ကိုယ်ပိုင်ဆိုတာ ဘာတစ်ခုမျှ မရှိသောကြောင့်၊ မရှိလို့ အနတ္တခေါ်တယ်။
၎။ယံ ဒုက္ခံ တံ အနတ္တော။ ။ဆင်းရဲဒုက္ခ အစု အစုသဘောတွေမှန်သမျှ အားလုံးကုန်အနတ္တချည်းပဲ။အနတ္တလို့ခေါ်တယ်မှတ်။
အဲဒါ အတိုဆုံး အသိရလွယ်နိုင်ဆုံးအဖြေပဲ၊သဘောပေါက်ကြပါ။မြတ်ဘုရားကိုခံတိုက်တဲ့အထဲမှာ အနတ္တမကြိုက်တဲ့သူတွေဟာ အများဆုံးပဲ။နေရာတကာ အတ္တချည်းယူနေကြတာ ဒကာကြီးတို့ရဲ့။

နိဗ္ဗာန်ဟာ နိစ္စ သုခရှိနေတဲ့ အတ္တလော

ဒကာ။ ။သည်လိုဆို အနှစ်သာရ အခိုင်အမာ နိစ္စ သုခသဘောကိုဆောင်ပြီး မပျက်မစီးဘဲ အမြဲတစေ ငြိမ်းအေးချမ်းသာနေတဲ့ နိဗ္ဗာန်တရားဟာ အတ္တမည်တာပေါ့ ဆရာတော်။ဘယ်လိုယူဆပါသလဲ။
ဆရာ။ ။နိဗ္ဗာန်တရားမြတ်ဟာ နိစ္စ-မြဲသော၊သုခ-ငြိမ်းအေးချမ်းသာတာတော့အမှန်ပဲ။ဒါပေမယ့် ဒကာကြီးတို့ပိုင်ဆိုင်တဲ့ ကိုယ်ပိုင်ပစ္စည်း အတ္တဟုတ်ကဲ့လား။သူ့ကို အစိုးတရ ရယူသုံးခံစားနိုင်သလား။
အကယ်၍ ငါ့ဥစ္စာ၊ငါ့ဟာပိုင် အစိုးတရအနေနဲ့ ဆွဲယူသုံးစွဲနိုင်တဲ့ အတ္တဖြစ်ရင် အခုပဲ နိဗ္ဗာန်ကိုထုတ်ယူပြီး သုံးစွဲခံစားပြစမ်းပါ ဒကာကြီးတို့။ဆရာတော် ကြည့်ချင်လို့ပါ။

နောအတ္တ-ငါမဟုတ်လို့၊နမေ သိယာ-ငါ့ဟာမဖြစ်တာပေါ့။ဒါကြောင့် သဗ္ဗေ ဓမ္မာ အနတ္တာ လို့ ဟောတာလို့မှတ်ရမယ်။
ဒကာ။ ။မှန်ပါ့။သဘောပေါက်ပါပြီ ဆရာတော်။

(အရှင်ဩဘာသာဘိဝံသ၏ သုတေသန သမ္မာမဂ္ဂင်္ဂပဥှာကျမ်းမှ) အပြည့်အစုံဖတ်ရန်

ဘာသာခြားတောင် ကျေးဇူးတင်ယုံကြည်လာအောင် ဖြေပေးခဲ့တဲ့အဖြေလေး (ဆန်နီနေမင်း)

မေး။ ။ တပည့်တော်မသိချင်တာလေးမေးပါရစေဘုရား။ စာရှည်သွားရင်လည်း သည်းခံဖတ်တော်မူပါဘုရား။တပည့်တော်မ၏ မိတ်ဆွေတစ်ယောက်သည် အမည်မသိရောဂါတစ်မျိုး ခံစားနေရပါသည်ဘုရား။ သူ့မိသားစု၏ အပြောအရ သူများပြုစားသည်ဟုဆိုပါသည်ဘုရား။ သူတို့က ဘာသာခြားကိုးကွယ်သူတွေပါဘုရား။ ထိုသူ၏ရောဂါခံစားနေရပုံမှာ သူ့ပတ်ဝန်းကျင်အား ကြမ်းတမ်းစွာပြောဆို ဆက်ဆံခြင်း၊ တုတ် ဓါး ဆွဲ ၍ရန်ရှာခြင်း၊ အစာလုံးဝမစားခြင်း၊ နေ့ညမအိပ်ခြင်း၊အနီးအနားရှိလူများထံမှ ပစ္စည်းများလုယူခြင်းတို့ကို ပြုလုပ်နေပါသဖြင့် လှောင်အိမ်တွင်ထည့်၍ သော့ခတ်ထားရပါသည်ဘုရား။
အမြဲတမ်းထိုသို့ဖြစ်နေခြင်းမဟုတ်ပါ။ ကောင်းနေသည့်အခါ အားလုံးကိုမှတ်မိ၍ လူကောင်းအတိုင်းပါဘုရား။ ပယောဂ ဆရာပေါင်းစုံဖြင့် ကုသသော်လည်းပျောက်ကင်းသက်သာခြင်းမရှိသဖြင့် သူ့မိသားစုမှ ဗုဒ္ဓဘာသာနည်းဖြင့် ကုသလျှင်ရမရမေးလာပါသည်ဘုရား။ မည်သို့ဖြေကြားရမည်ကိုမသိသဖြင့် အရှင်ဘုရားအား မေးလျှောက်ရခြင်းဖြစ်ပါသည်ဘုရား။ ရောဂါခံစားနေရသူအားသနားသဖြင့်
ဖြေကြားတော်မူပါဘုရား။

ဖြေ။ ။ ဒကာမရေးထားတာကို ဖတ်ကြည့်တဲ့အခါ အဲဒီလူဟာ ဘုန်းကံနိမ့်နေလို့ တခြားလူရဲ့ ပြုစားခြင်းကို ခံနေရတာနဲ့ တူနေတယ်။  
လူတစ်ယောက်ဟာ ဘုန်းကံနိမ့်နေရင် ပညာတတ်တဲ့ စုန်းကဝေတို့ရဲ့ လုပ်ခြင်းကို ခံရသလို စုန်းကဝေတတ်သူတို့ရဲ့ အစားအစာကို စားမိရင်လည်း ခံစားရပါတယ်။ 
 မြတ်ဗုဒ္ဓလက်ထက်က ရဟန်းတော်တစ်ပါးလည်း မိန်းကလေးတစ်ယောက်ရဲ့ ချစ်ခင်ကိုခံရတဲ့အတွက် အဲဒီမိန်းကလေးက စုန်းပညာနဲ့ရဟန်းတော်ကိုလောင်းတဲ့ ဆွမ်းထဲမှာ စုန်းပညာနဲ့ ထည့်လောင်းလိုက်တယ်။ 
အဲဒီရဟန်းဟာ စုန်းပညာကြောင့် မလူးမလဲခံစားရတာကို မြတ်ဗုဒ္ဓသိတဲ့အခါ ထွန်တုန်းခဲက မြေကြီးကို ရေနဲ့ဖျော်တိုက်လိုက်တာ ကောင်းသွားတယ်။ အဲဒီတော့ အခုဖြစ်နေတဲ့လူကိုလည်း ပထမဦးဆုံး မြတ်ဗုဒ္ဓနည်းလမ်းအတိုင်း စုန်းကဝေလုပ်တာ ဟုတ်မဟုတ်သိရအောင် လယ်ထွန်တဲ့ထွန်တုံးခဲက မြေကြီးကိုယူပြီး အဲဒီမြေကြီးကို ရေနဲ့ရောတိုက်ပေးလိုက်ပါ။ 
 မြေကြီးအနည်းငယ်ဖြစ်တဲ့ ရွံ့ကို ရေနဲ့သောက်လို့ ဘာမှမဖြစ်ပါဘူး။ ရွံ့ကို ဦးဇင်းတို့ငယ်တုန်းကလည်း ပါးစပ်ထဲမှာ ရောက်ခဲ့တာ အများကြီးပါ။

ပထမဦးဆုံး ထွန်တုံးခဲရှာပြီး လုပ်ပေးကြည့်ပါ။ အဲဒီလိုမှ မရရင်တော့ စာသင်တိုက်တစ်တိုက်ရဲ့ ကျောင်းဘုန်းကြီးကို အခြေအနေလျှောက်ပြပြီး သံဃာငါးပါးလောက် အိမ်ကိုပင့်ကာ လူနာကို သံဃာငါးပါးရဲ့ အလယ်မှာထားပြီး ပရိတ်တရားများ ရွတ်ပေးခိုင်းပါ။ အဲဒီလိုလုပ်ရင်တော့ သက်သာသွားပါလိမ့်မယ်။ နောက်ပြီး ပရိတ်ရေလည်း တိုက်ပေးလိုက်ပါ။ ဒါဆို စိတ်ချရမဲ့ အခြေအနေ ဖြစ်သွားပါလိမ့်မယ် ဒကာမ။

အခြေအနေထူးရင် စာထပ်ပို့ပေးပါ။ နောက်ထပ် တစ်မျိုးစဉ်းစားပေးပါမယ် ဒကာမ။

အကြောင်းပြန်စာ။ ။ တပည့်တော်မ ရိုသေစွာဖြင့် လျှောက်ထားအပ်ပါသည်ဘုရား။ အရှင်ဘုရားအမိန့်ရှိတဲ့အတိုင်းလုပ်ပေးခဲ့ရာ လူနာမှာသိသာစွာသက်သာလာပါပြီဘုရား။ အရင်လို ဆိုးသွမ်းသောင်းကျန်းမနေတော့ဘဲ တခါတလေ ငိုငိုနေပါတယ်ဘုရား။ သံဃာငါးပါးပင့်၍ ပရိတ်ကမ္မဝါများရွတ်ဖတ်လိုက်သောအခါ အရှင်းပျောက်ကင်းသွားပါတယ်ဘုရား။ သူတို့လည်းဗုဒ္ဓဘာသာကိုသက်ဝင်ယုံကြည်လာပါတယ် ဘုရား။ ငါတို့ဘာသာကဒုက္ခရောက်တဲ့ အခါအားကိုးလို့ မရဘူး။ နင်တို့ဘာသာကဒုက္ခရောက်တဲ့အခါ အားကိုးလို့ရတယ်လို့ ပြောပါတယ်ဘုရား။ အရှင်ကို မေးလျှောက်ခဲ့သည်ကိုပြောပြသည့်အတွက် ကျေးဇူးတင်ကြောင်းလျှေက်ပေးပါဟု ဆိုပါသည်ဘုရား။ တပည့်တော်မလည်း အရှင်ဘုရားအားကျေးဇူးတင်စွာဖြင့် လက်အုပ်ချီမိုး ရှိခိုးလိုက်ပါသည်ဘုရား။
credit to www.sanninaymin.com
အပြည့်အစုံဖတ်ရန်

ဥပုသ်နေ့နဲ့ပတ်သတ်သမျှ သိကောင်းစရာများ

ဥပုသ်ဆိုသည်မှာ ဥပေါသထ-ဟူသောပါဠိကို ဥပုသ်-ဟု မြန်မာပြန်ထားကြတာပါ။ ဥပ-ညစာမစားခြင်း၊ မေထုန်ရှောင်ခြင်းစတဲ့ ကောင်းသော အကျင့်များနဲ့ ပြည့်စုံစွာ ၀သထ-နေထိုင်ခြင်းလို့ အဓိပ္ပါယ်ရပါတယ်။

ကိုယ်ကျင့်သီလမပျက်အောင် စောင့်ထိန်းကျင့်သုံးတာကို ဥပုသ်စောင့်တယ်လို့ ခေါ်တာပါ။ ဥပုသ်စောင့်ဖို့ အတွက် နေ့ရက်များကို ဘုရားပွင့်တော်မမူမီကပင် သူတော်ကောင်းတို့ သတ်မှတ်ခဲ့ကြပါတယ်။ ဥပုသ်သီလဆောက်တည်ရန်အတွက် ရှေးအစဉ်အလာကပင် ရက်သတ်မှတ်ထားတာကို အောက်ပါ အတိုင်း တွေ့ရပါတယ်။

တစ်လကို (၁) အဋ္ဌမီ လဆန်း၊ လဆုတ်(ရှစ်ရက်မြောက်နေ့)ဥပုသ်။
             (၂) စတုဒ္ဒသီ (ရက်မစုံလအတွက် (၁၄)ရက်မြောက်လကွယ်နေ့) ဥပုသ်။
             (၃) ပန္နရသီ (၁၅)ရက်မြောက် လပြည့်၊လကွယ်နေ့)ဥပုသ်။
             (၄) ပါဋိဟာရိက (အကြိုအပို) ဥပုသ်ဟု အကျဉ်းအားဖြင့် (၄)မျိုးရှိကြောင်း ကျမ်းဂန်များ တွင် ဖော်ပြထားကြပါတယ်။


ပါဋိဟာရိက-အကြိုဥပုသ်နဲ့ အပိုဥပုသ်ဆိုတာကတော့ ထို(၃)ရက်မရောက်မီ ကြိုတင်စောင့်ရတဲ့ (၇)ရက်မြောက်၊ (၁၃)ရက်မြောက်၊ (၁၄)ရက်မြောက်ဥပုသ်တို့ ဖြစ်ပါတယ်။ အပိုဥပုသ်ဆိုတာကတော့ ထို(၃)ရက်နောက်တွင် အပိုဖြည့်စွက်ပြီး စောင့်ရသော (၉)ရက်၊ လပြည့်ကျော်(၁)ရက်၊ လဆန်း(၁)ရက်ဥပုသ်၊ ၀ါတွင်းမှာဆိုရင်တော့ (၁၅)ရက်ဖြစ်စေ၊ တစ်ဝါတွင်းလုံးဖြစ်စေ စောင့်ထိန်းကြတဲ့ ဥပုသ်များလည်း ရှိပါတယ်။ အဲဒီလို ဥပုသ်စောင့်ရက်ကို ရှေးရှေးက သတ်မှတ်ထားကြပါတယ်။

ဘာဖြစ်လို့ ဒီလိုရက်ရှည်ကာလများစွာ ဥပုသ်သီလဆောက်တည်ကြတာလဲဆိုတော့ လူများရဲ့ စိတ်အစဉ်မှာ ကိလေသာမြူတွေ နေ့စဉ်တင်နေတဲ့အတွက် ထိုကိလေသာမြူတွေကို ဥပုသ်သီလ စောင့် ထိန်းပြီး ဆေးကြောသုတ်သင်ကြဖို့ ဖြစ်ပါတယ်။ မြတ်ဗုဒ္ဓကိုယ်တိုင်ကလည်း ဥပုသ်စောင့်ခြင်းကို ဦးခေါင်းလျှော်ခြင်းနဲ့ ဥပမာပြပြီး ၀ိသာခါကျောင်းအမကြီးကို ဒီလိုဟောကြားပေးခဲ့ပါတယ်။ လဆန်း (၁)ရက်နေ့ဆို နေရောင်ရှိလို့ ဆံပင်ခြောက်သွေ့မည်ကိုမြင်တဲ့ အမျိုးသမီးဟာ ရေချိုးခေါင်းလျှော်ကြတယ်။ အဲဒီလို ခေါင်းလျှောက်လိုက်တော့ ဦးခေါင်းမှာ အညစ်အကြေးသန့်ရှင်းလိုက်တဲ့အခါ ဆံပင်လည်း သွေ့ခြောက်သွားလို့ ဦးခေါင်းဟာ သန့်ရှင်းပြီးပေါ့ပါး သွားတယ်။ ဒါပေမဲ့ နောက်ရက်များမှာ ဦးခေါင်းပေါ်ဝယ် မြူမှုန်ကျခြင်း၊ အတွင်းက အညစ်အကြေးများ ဦးခေါင်းပေါ်ထွက်လာတဲ့အခါ (၇)ရက်လောက်ကြာတော့ ဦးခေါင်းဟာ လေးလံလာပြန်တယ်။ အဲဒါနဲ့ တစ်ပါတ်လောက်ကြာတဲ့ အခါ နောက်တစ်ကြိမ် ခေါင်းလျှော်ရတယ်။

အဲဒီလိုပဲ လူတို့ရဲ့စိတ်မှာ နေ့စဉ် စီးပွားရှာတဲ့အခါဖြစ်စေ၊ ပျော်ပါးတဲ့အခါဖြစ်စေ၊ ပုံစံမျိုးစုံနဲ့နေထိုင် သွားလာလှုပ်ရှားနေရင်း ရာဂ၊ ဒေါသစတဲ့ ကိလေသာမြူမှုန်တွေဟာ ကပ်ငြိနေတယ်။ သံသရာတစ်လျှောက်လုံးကလည်း ဘ၀မျိုးစုံနဲ့ ကပ်ငြိလာခဲ့ကြတယ်။ အဲဒါကြောင့် မိမိတို့သန္တာန်မှာ ကိလေသာတွေဟာ မရေတွက်နိုင်အောင် များနေတယ်။ တစ်ဦးနဲ့တစ်ဦး တရားထူးရတာချင်း မတူတာ၊ တရားအသိမတူတာ၊ အကျိုးပေးမတူတာတွေဟာ မိမိတို့ရဲ့ ကျင်လည်ခဲ့ရတဲ့ဘ၀တွေမှာ ကိလေသာတွေ ဘယ်လောက်ညစ်ကြေးလာအောင် ပြုလုပ်ခဲ့သလဲဆိုတာ မသိရတဲ့အတွက် မတူကြတာပါ။

တချို့က သူများလို ခဏလေးနဲ့တရားမှတ်ရင် တရားသိမယ်ထင်တယ်။ သူများလို ကောင်းတာလေး တစ်ခုလောက်လုပ်ရင် အကျိုးပေးမယ်ထင်နေတာလေ။ မိမိမှာ ဘ၀များစွာက ကောင်းမှု၊ မကောင်းမှုကို မသိလို့ဖြစ်စေ၊ သိလျက်နဲ့မိုက်ခဲ့လို့ဖြစ်စေ ပြုလုပ်ခဲ့တဲ့ ကိလေသာအညစ်ကြေးတွေက ဘယ်လောက်များ သလဲဆိုတာ မသိရဘူးလေ။ ဒါကြောင့် မိမိတို့က မိမိတို့သန္တာန်မှာရှိတဲ့ ကိလေသာအညစ်ကြေးတွေကို များများပယ်သတ်နိုင်အောင် ကြိုးစားမှ ကိလေသာကင်းရာကိုရောက်မှာဖြစ်သလို မရောက်ခင်မှာလည်း ကိလေသာနည်းတဲ့ အကျိုးပေးကောင်းမှုတွေကို ခံစားရမှာပါ။

အဲဒီလို မိမိတို့ရဲ့စိတ်အစဉ်မှာ ကပ်ငြိမ်နေတဲ့ ကိလေသာမြူမှုန်တွေ သန့်ရှင်းအောင် အိမ်ရာအလုပ်တွေကို အနားပေးပြီး မကောင်းမှုများကိုလည်း ရှောင်ကြဉ်ကာ ဥပုသ်သီလဆောက်တည်ခြင်းနဲ့ ဆေးကြောပေးရပါတယ်။ တစ်ပါတ်တစ်ခါလောက် မိမိသန္တာန်မှာရှိတဲ့ ကိလေသာညစ်ကြေးတွေ မသန့်ရှင်းနိုင်၊ မလျှော့ပါးနိုင်သေးလို့ အကြိုရက်၊ အပိုရက်များမှာပါ ဥပုသ်သီလ စောင့်ထိန်းပေးရခြင်း ဖြစ်ပါတယ်။ ဒီဘက်ခေတ်မှာဆိုရင်တော့ ရုံးပိတ်ရက်များဖြစ်တဲ့ စနေ၊ တနင်္ဂနွေနေ့များကို ဥပုသ်နေ့များလို့သတ်မှတ်ပေးပြီး စောင့်ထိန်းကြရင် ပိုမိုကောင်းမွန်ပါလိမ့်မယ်။ တစ်ပါတ်ရဲ့ အစဆုံးနေ့ဖြစ်တဲ့ တနင်္ဂနွေနေ့မှာ တစ်ခါသန့်ရှင်းထားလိုက်ပြီး တစ်ပါတ်ရဲ့အဆုံးဖြစ်တဲ့ စနေနေ့မှာ ထပ်သန့်ရှင်းလိုက်မယ်ဆိုရင် ကိလေသာတွေဟာ ကပ်လိုက်၊ လျှော့လိုက်နဲ့ဆိုတော့ ခံသာသေးတာပေါ့လေ။ အဲဒီလိုမဟုတ်ဘဲ တစ်ပါတ်တစ်ခါလောက်ဆို ကိလေသာကပ်တာကပိုများပြီး လျှော်တာကနည်းနေရင် ကိလေသာက ဘယ်တော့မှ ကင်းမှာမဟုတ်တော့ဘူး။ ပြောသာ ပြောရတာပါ။ ခုခေတ်က တစ်ပါတ်တစ်ခါမပြောနဲ့ ၀ါတွင်းလေး(၃)လကိုတောင်မှ တစ်ပါတ်တစ်ခါ ကိလေသာမလျှော်တဲ့လူတွေက များနေတာပါလေ။

အဓိကကတော့ မိမိစောင့်ထိန်းနိုင်တဲ့ရက်ကို စောင့်ထိန်းရင် အကောင်းဆုံးပါပဲ။ ကောင်းမှုကုသိုလ်ဖြစ်တဲ့ သီလစောင့်ထိန်းမှုကို မြတ်ဗုဒ္ဓက ဘယ်နေ့မှ စောင့်ထိန်းရမယ်လို့ သေချာမပြောခဲ့ဘဲ အနည်းဆုံးတစ်ပါတ်တစ်ခါလောက်တော့ ဦးခေါင်းလျှော်သလို စောင့်ထိန်းသင့်တယ်လို့ပဲ ပြောခဲ့ပါတယ်။ မိမိတို့က နေ့စဉ်စောင့်ထိန်းနိုင်လေ ကောင်းလေပါပဲ။ ငါးပါးသီလကတော့ လူသားတွေ စောင့်ထိန်းရမဲ့ အရာပါ။ ရှစ်ပါးသီလဥပုသ်သီလကတော့ အရိယာသူတော်ကောင်းဖြစ်အောင် စောင့်ထိန်းတဲ့ သီလပါ။ အဲဒီတော့ မိမိက လူသားတစ်ယောက်ဖြစ်ချင်ရင် ငါးပါးသီလကို နေ့စဉ်စောင့်ထိန်းရမယ်။ အရိယာသူတော်ကောင်းတစ်ယောက်ပါ ဖြစ်ချင်ရင်တော့ ရှစ်ပါးသီလဥပုသ်သီလကို နေ့စဉ် စောင့်ထိန်း ရမယ်။ ဒါမှမဟုတ် မိမိက တစ်ပါတ်တစ်ခါပဲ အရိယာသူတော်ကောင်းဖြစ်ချင်တယ်ဆိုရင်တော့ တစ်ပါတ်တစ်ခါ ဥပုသ်သီလ စောင့်ထိန်းပေါ့။ ဘယ်တော့မှမဖြစ်ချင်ဘူးဆိုရင်တော့ ဘယ်တော့မှဥပုသ် မစောင့်နဲ့ပေါ့လေ။

အဲဒီတော့ ရှစ်ရက်၊ လပြည့်၊ လကွယ်နေ့များကို ဥပုသ်နေ့ဟု သတ်မှတ်ကြတာဟာ လူသားတွေရဲ့ အချိန်အခါအခြေအနေကိုကြည့်ပြီး သတ်မှတ်ကြတာပါ။ ဥပုသ်သီလကို မြတ်ဗုဒ္ဓအလိုကျဆိုရင် အနည်းဆုံးတော့ တစ်ပါတ်တစ်ခါတော့ စောင့်ထိန်းပေးရမှာဖြစ်ပြီး မိမိစောင့်ထိန်းနိုင်ရင် မိမိစောင့်ထိန်းတဲ့နေ့ဟာ ဥပုသ်နေ့ဖြစ်တာမို့ စောင့်ထိန်းနိုင်လေ ကောင်းလေးဆိုတာပဲ မှတ်သားထားကြပါလေ။

တစ်ခါ ဥပုသ်စောင့်တဲ့အခါ ညစာမစားရခြင်းနဲ့ပတ်သတ်ပြီး မြတ်စွာဘုရားရှင်လက်ထက် စတင်ဖြစ်ပေါ်လာပုံကို ပြောပြပေးပါမယ်။ မြတ်စွာဘုရားရှင်လက်ထက်က အစပထမပိုင်းမှာ ရဟန်းသံဃာများပင် ညနေစာအတွက် ဆွမ်းခံထွက်စားခဲ့ကြပါတယ်။ ဒါပေမဲ့ မြတ်စွာဘုရားရှင် ၀ိနည်းသိက္ခာပုဒ်များပညတ်ရာ မြတ်ဗုဒ္ဓ၀ါတော်(၂၀)လွန်တဲ့နောက်ပိုင်းမှာတော့ ၀ိကာလဘောဇန သိက္ခာပုဒ်လည်း ပညတ်ဖို့ရန် အကြောင်းဖြစ်ပေါ်လာတာကြောင့် ပညတ်ခဲ့ရပါတယ်။

ပညတ်ရခြင်းအကြောင်းကတော့ (၁) ရဟန်းတော်တစ်ပါး ညပိုင်းဆွမ်းခံထွက်တဲ့အခါ အိမ်တစ်အိမ်ရှေ့ဆွမ်းခံသွားရပ်ရာ အိမ်ရှင်မက ရဟန်းတော်ရဲ့ သင်္ကန်းရောင်ကိုမြင်ပြီး ရဟန်းတော်ကို အစိမ်းသရဲ၊ မြေပုံဘီလူးလို့ထင်တဲ့အတွက် ဆန်ဆေးရည်နဲ့ ပတ်ခဲ့မိပါတယ်။ အဲဒီတော့ ရဟန်းသံဃာတွေ ညနေဆွမ်းခံတာဟာ လူတွေအတွက် အပြစ်ဖြစ်ကြတယ်။ (၂) ညနေပိုင်းမှာ ရဟန်းတော်များဆွမ်းခံသွားတဲ့ အခါ နွားအုပ်တွေရွာထဲသွင်းချိန်မို့ နွားရောင်နဲ့သင်္ကန်းရောင် ရောနှောနေတဲ့အတွက် လူတွေက ရဟန်းတွေကို နွားတွေထင်ပြီး နွားတွေနဲ့ရောနှော ပြစ်မှားမိကြပါတယ်။ အဲဒီလိုပြစ်မှားမိရင် လူတွေမှာ အပြစ်ဖြစ်ကြရတယ်။ (၃) ရဟန်းတော်များ ညနေပိုင်းမှာ ဆွမ်းခံသွားရခြင်း၊ ဆွမ်းစားပြီးသား သပိတ်တို့ကို ဆေးကြောသန့်ရှင်းရခြင်းစတဲ့ ဗာဟိယအလုပ်တွေကြောင့် ရဟန်းတော်များရဲ့ ပရိယတ္တိ စာသင်၊ စာချ၊ ပရိပတ္တိ တရားအားထုတ်မှုတို့ အချိန်လျှော့နည်းသွားတယ်။ အဲဒီလို အချိန်လျှော့နည်းနေမယ်ဆိုရင် တရားထူးရဖို့ရန် ခက်ခဲမှာဖြစ်သလို သံဃာ့ဝေယျာဝစ္စ၊ လူတွေအား တရားဟောသွန်သင်ပေးဖို့ကိစ္စ၊ စာချ၊ စာသင်ကိစ္စတွေပါ နောင့်နှေးမှုများဖြစ်တာမို့ ညစာမစားကြ ရန် မြတ်ဗုဒ္ဓက မိန့်တော်မူခဲ့ခြင်း ဖြစ်ပါတယ်။

အဲဒီလိုပဲ လူတွေမှာလည်း အရိယာသူတော်ကောင်းတစ်ယောက်ဖြစ်အောင်၊ ကိလေသာများကပ်ငြိနေတာ ကို လျှော့ပါးသွားအောင်ပြုလုပ်တတ်တဲ့ ဥပုသ်ရှစ်ပါးသီလ ဆောက်တည်တဲ့အခါမှာ ညစာမစားခိုင်းခြင်းဟာ အလုပ်ရှုပ်သက်သာပြီး သမထ၊ ၀ိပဿနာတရားများ ပိုမိုပွားများအားထုတ်နိုင်အောင်၊ အစာစားလျှင် အိပ်ချင်စိတ်လျင်မြန်စွာဖြစ်ခြင်း၊ အိပ်ချင်စိတ်နောက်ကနေ ဗိုက်ထဲမှာအစာပြည့်နေရင် ကိလေသာစိတ်တွေ ဖြစ်ပေါ်လာခြင်းတို့ကြောင့် ဥပုသ်သီလဆောက်တည်တဲ့ရက်လေးမှာ ညစာ မစားရခြင်း ဖြစ်ပါတယ်။

အစာစားလျှင် ကိလေသာစိတ်ဖြစ်တယ်၊ ကိလေသာကိုပိုမိုအားပေးတယ်ဆိုတာကို ဦးဇင်းအရင်ကလည်း အမေးအဖြေများမှာ ဖြေပေးထားတာရှိသလို အွန်လိုင်းမှာတင်ထားတဲ့ တရားခွေထဲမှာ လည်း ပြောထားပါတယ်။ ညစာစားထားလို့ရှိရင် စိတ်ကမကောင်းမှုဘက်ကို အာရုံရောက်သွားတတ်ပါ တယ်။ တချို့ဆို ညပိုင်းမှာ ကိလေသာစိတ်တွေ စိတ်တိုင်းကျဖြစ်ပြီး စိတ်တိုင်းကျပျော်ပါးဖို့အတွက် စားသောက်ဆိုင်များမှာ ရှယ်သွားစားကြတာမျိုးတောင် ရှိကြပါတယ်။ ကောင်းစွာစားပြီး ကောင်းစွာပျော်ပါး ချင်ကြလို့ ဖြစ်မှာပါ။ ဒါကြောင့်လည်း တချို့စားသောက်ဆိုင်တွေမှာ နေ့နဲ့ညဆို ညမှာပိုရောင်း ရပြီး နေ့စာထက်ညစာက ပိုမိုတန်ဖိုးများနေတာလည်း ရှိပါတယ်။

နောက်တစ်ခုက မိမိတို့ခန္ဓာကိုယ်ထဲက အစာအိမ်ဟာ နေ့စဉ်စားသောက်သမျှကို အစာချက်နေရတဲ့အတွက် အနားမယူရသလို အညှီအနှောက်၊ အသိုးအပုပ်တွေနဲ့ အမြဲလိုလိုဖြစ်နေလို့ အစာအိမ်ဟာ မနားရတဲ့အပြင် အစာအိမ်လည်း သန့်ရှင်းမှုမရှိဘဲ ဖြစ်နေတာကြောင့် ကျန်းမာရေးလည်း ထိခိုက်ပါတယ်။ ခုလို တစ်ပါတ်တစ်ခါ ဥပုသ်စောင့်တဲ့နေ့မှာ ညစာမစားတဲ့အခါကျတော့ အစာအိမ်လည်း နားရတယ်။ အသိုးအပုပ်တွေလည်း သန့်ရှင်းပေးရာရောက်တာကြောင့် အစာအိမ်ကောင်းတဲ့အတွက် ကျန်းမာရေးလည်း ကောင်းမွန်မှုအကျိုးရလာဒ်တွေ ရရှိပါတယ်။ ဒါဟာ ဥပုသ်စောင့်ရခြင်း မျက်မှောက်ရရှိတဲ့ အကျိုးရလာဒ်ပါ။

ဥပုသ်သီလဆောက်တည်တဲ့နေ့ရက်မှာ ၀ိကာလဘောဇနသိက္ခာပုဒ်-ညစာနဲ့ပတ်သတ်ပြီး သိသင့်ထားတဲ့ အချက်အလက်တွေကို ရေးသားပေးရမယ်ဆိုရင် နေ့မွန်တည့်ချိန်မှစပြီး နောက်နေ့နံနက် လစဉ်အလိုက် အရုဏ်တက်ချိန်ထိအတောအတွင်း ဘောဇဉ် (၅)မျိုးဖြစ်တဲ့ ဆွမ်း၊ မုယောမုန့်၊ ပဲမုန့်လုံး၊ ငါး၊ အသားတွေနဲ့ ခဲဖွယ်ဖြစ်တဲ့ ယာမကာလိက၊ သတ္တာဟကာလိက၊ ယာဝဇီဝိကအစာတွေကို မစားရပါ။ နေမွန်တည့်ချိန်မှ အရုဏ်တက်သည့်အချိန်ထိလို့ ၀ိကာလဘောဇနသိက္ခာပုဒ်က ပြောဆိုထားတဲ့အတွက် နေမွန်တည့်သည် ဆိုတာနဲ့ ဘာမှစားလို့မရတော့ပါ။ စားနေဆဲဖြစ်ရင်လည်း ကားဘရိတ်အုပ်သလို ဘရိတ်အုပ်ပြီးသကာလ ပါးစပ်ထဲရောက်နေတာကို ထွေးထုတ်ပစ်ရပါမယ်။ နေ့မွန်တည့်ကျော်သွားပါလျက် ပါးစပ်ထဲကစားစရာ ကို ထွေးမထုတ်ဘဲ မျိုချလျှင်လည်း အပြစ်ဖြစ်ပါတယ်။ ၀ိကာလဘောဇနသိက္ခာပုဒ်က နေ့မွန်တည့်လျှင်ကို ဘာမှမျိုချလို့ မရတော့ပါ။

နေမွန်တည့်ချိန်မမြင်ရရင် သူ့နိုင်ငံအလိုက် သတ်မှတ်ထားတဲ့ နေမွန်တည့်ချိန်ကို ယူရပါမယ်။ အရုဏ်တက်ချိန်ကိုလည်း နိုင်ငံအလိုက်၊ လအလိုက်ယူရပါမယ်။ အကောင်းဆုံးနည်းကတော့ မိမိနေထိုင်ရာနိုင်ငံမှာရှိတဲ့ နေ့တည့်တည့်အချိန်(၁၂)နာရီနဲ့ မနက်(၆)နာရီအတွင်း ၀ိကာလဘောဇန သိက္ခာပုဒ်ကို စောင့်ထိန်းတာဟာ အကောင်းဆုံးပါပဲ။ မနက်အရုဏ်တက်ချိန်ကတော့ တချို့လတွေမှာ မနက်(၄)နာရီကျော် အရုဏ်တတ်တာလည်းရှိပါတယ်။ မိမိက ဥပုသ်သီလယူထားလို့ မနက်စောစော ဗိုက်စာနေတဲ့အတွက် မနက်စာကို စောစောစားချင်တယ်ဆိုရင် အရုဏ်တက်ချိန်ကို လေ့လာပြီး စားကြပါလေ။ ခုပြောခဲ့တဲ့ နေမွန်တဲ့ချိန်နဲ့မနက်အရုဏ်တက်ချိန်အတွင်းကလွဲရင် ကျန်တဲ့အချိန် ဘယ်ချိန်ပဲစားစား စားသောက်ပြီးသကာလ ဥပုသ်သီလဆောက်တည်နိုင်ပါတယ်။

ခဲဖွယ်များဖြစ်တဲ့ ယာမကာလိကဆိုသည်မှာ အရုဏ်မတက်မီ မိုးသောက်ယံတိုင်အောင် သောက်ကောင်း တဲ့ သပြေသီး၊ သရက်သီး၊ မုဒရက်သီး၊ စပျစ်သီး၊ ဖက်သက်သီး၊ သစ်မည်စည်သီး၊ တောငှက်ပျောသီး၊ အိမ်ငှက်ပျောသီး၊ ကြာစွယ်တို့ရဲ့ ဖျော်ရည်နဲ့မန်ကျည်း၊ ဆီး၊ ရှောက်ဟူသော အနုလောမဖျော်ရည် များ ဖြစ်ပါတယ်။

သတ္တာဟကာလိကဆိုသည်မှာ (၇)ရက်လုံးလုံးထားပြီးစားသုံးနိုင်တဲ့ ထောပတ်၊ ဆီဦး၊ ဆီ၊ ပျား၊ တင်းလဲ၊ ထန်းလျက်၊ ကြံသကာ၊ သကြားဆိုတဲ့ ဆေးငါးမျိုးကို သတ္တာဟကာလိကလို့ ခေါ်ပါတယ်။

ယာဝဇီဝိကဆိုသည်မှာ တစ်သက်ပတ်လုံးစားကောင်းတဲ့ ဆား၊ ဂျင်း၊ ဆီးဖြူ၊ ဖန်ခါးစတဲ့ ဆေးဖက်ဝင် အမြစ်၊ အရွက်၊ အသီး၊ အခေါက်များ ဖြစ်ပါတယ်။

ရဟန်းတော်များအတွက် ပညတ်ထားတဲ့ (ဝိ၊ ၂၊ ၁၁၂) ၀ိကာလဘောဇနသိက္ခာပုဒ်မှာတော့ အထက်ပါ ယာမကာလိက၊ သတ္တာဟကာလိက၊ ယာဝဇီဝိက(၃)မျိုးကို ရဟန်းတော်များ အလှူခံရင်ဖြစ်စေ၊ စားသောက်ရင်ဖြစ်စေ ပါစိတ်အာပါတ်မသင့်ဘဲ ဒုက္ကဋ်အာပါတ်သာ သင့်တယ်လို့ အပြစ်လျှော့ပါး သွားတာကို တွေ့ရပါတယ်။ ဒါပြင် မနေနိုင်အောင် ဆာလောင်မွတ်သိပ်လို့ဖြစ်စေ၊ အနာရောဂါ ကျန်းမာရေးကြောင့်ဖြစ်စေ အထက်ပါ ခဲဖွယ်(၃)မျိုးကို အဆာပြေ၊ ကျန်းမာရေးသက်သာရုံ စားသောက်ရင် အပြစ်မရှိပါပေ။ ရူးသွတ်နေသူများလည်း အပြစ်မရှိပါ။

အဲဒီတော့ လူတွေမှာလည်း ဥပုသ်သီလ ၀ိကာလဘောဇနသိက္ခာပုဒ်ကို စောင့်ထိန်းတဲ့ရက်မှာ မနေနိုင်အောင် ဆာလောင်တဲ့အခါ၊ အသက်အန္တရာယ်အတွက် ကျန်းမာရေးထိခိုက်နိုင်တဲ့အခါမျိုး ဆိုရင်တော့ အထက်ပါ ခဲဖွယ်(၃)မျိုးကို အဆာပြေ၊ ကျန်းမာရေးသက်သာရုံ စားသောက်နိုင်ပါတယ်။ အစာပြေမဟုတ်ဘဲ အ၀စားလျှင်၊ ကျန်းမာရေးသက်သာရုံမဟုတ်ဘဲ လွန်လွန်ကဲကဲတော့ မပြုလုပ်ရပါ။ ဆာလောင်မှုလည်းမဖြစ်၊ ကျန်းမာရေးလည်းကောင်းနေရင်တော့ ဘာမှမစားသောက်ရပါ။ စားသောက် လျှင် သီလသိက္ခာပုဒ် မကျိုးပေါက်နိုင်သော်လည်း သီလအကျိုးပေးတော့ လျှော့ပါးနိုင်ပါတယ်။

ဒီလောက်ဆိုရင်တော့ ဥပုသ်နေ့နဲ့ပတ်သတ်သမျှ ပြည့်စုံလိမ့်မယ်ထင်ပါတယ်။ ဥပုသ်နေ့နဲ့ဆိုင်တဲ့ တချို့အကြောင်းအရာများကို လူတော်လူကောင်းဆောင်းပါးတွင် သီလအဓိပ္ပါယ်အခန်းမှာ သီလနဲ့ ပတ်သတ်တာများ ရေးထားတာတွေရှိတဲ့အတွက် သိချင်သူများ ၀င်ရောက်လေ့လာနိုင်ပါတယ်။

စာဖတ်ပရိတ်သတ်အားလုံး ကိုယ်စိတ်နှစ်ပါးချမ်းသာပြီး လိုရာဆန္ဒပြည့်ဝကာ သူတော်ကောင်း များဖြစ်အောင် ပြုလုပ်နိုင်ကြပါစေလို့ ဆန္ဒပြုလျက်….။
credit to www.sanninaymin.com အပြည့်အစုံဖတ်ရန်

ဗုဒ္ဓဘာသာအပေါ် ကမ္ဘာကျော်လူပုဂ္ဂိုလ်များ၏ အတွေး အမြင် နှင့် မှတ်ချက်များ

(၁) ဗုဒ္ဓဘာသာဟာ လူသားတိုင်း အတွက်ဖြစ်ပေမယ့်။
လူသားအားလုံးက ဗုဒ္ဓဘာသာမဖြစ်ခဲ့ကြဘူးတဲ့။
(အိုင်စတိုင်းလ် - Albert Einstein)

(၂) ဗုဒ္ဓသည် ဘာသာပြောင်းသူများကို အနိုင်ယူရန် တရားဟောခြင်းမဟုတ်ဘဲ၊ တပည့်သာဝကတို့ကို အသိညဏ်အလင်းရရှိစေရန် တရားဟောခြင်းဖြစ်သည်။
(စာရေးဆရာတစ်ဦး)


(၃) ဗုဒ္ဓနှင့် သာမန်လူသားတစ်ဦး၏ ကွဲပြားချက်မှာ လူကောင်းနှင့် အရူးကွဲပြားသကဲ့သို့ပင် ဖြစ်သည်။
(စာရေးဆရာတစ်ဦး)

(၄) အကယ်၍ ခေတ်သစ်သိပ္ပံပညာလိုအပ်ချက်များနှင့် ဖက်ပြိုင်သည့် ဘာသာရေးတစ်ခု ရှိခဲ့သည်ဆိုလျှင် ၎င်းသည် ဗုဒ္ဓဘာသာ ဖြစ်ပေလိမ့်မည်။
(အိုင်စတိုင်းလ် - Albert Einstein)

(၅) သတ်ပစ်လိုက်
ခန္ဓာကိုယ်ကို သတ်ပစ်ခြင်းသည် အကျိုးမရှိပါ၊ ခန္ဓာကိုယ်က အပြစ်ကျူးလွန်ခြင်းကိစ္စမှာ တာဝန်မရှိပါ၊ မသိမိုက်မဲစိတ်ကသာ အပြစ်ကို ကျုးလွန်၍ တာဝန်ရှိသူဖြစ်တယ်၊ မသိမိုက်မဲမှုလျင် လူသတ်သမားအစစ်ဖြစ်ပါတယ်။
ဒါ့ကြောင့် မသိမိုက်မဲမှုကိုသာ သတ်ပစ်ရမယ်၊ ကြိုးပေးရမယ်၊ ဘယ်လိုသတ်ဖြတ်ကြိုးပေးရမလဲ?
လူသတ်သမားကို သစ္စာ ပညာ ဗုဒ္ဓဒေသနာတရား ဟောကြားပြီး မိုက်မဲမှု မသိမှုကို ပယ်သတ်ပြစ်နိုင်တယ်။
(မဟတ္တမဂန္ဒီ - Ghandi)

(၆) အနာဂါတ်ဘာသာတရားက သဘာဝလောကဓာတ်တခွင်လုံးအတွက် အဖြေပေးစွမ်းနိုင်သော အယူဝါဒတစ်ရပ်သာဖြစ်ရလိမ့်မည်။ အနှီးဘာသာသည် ပုဂ္ဂလအဓိဌာန်အယူအဆဖြင့် ဖန်တီးတီထွင်ထားသော ဖန်ဆင်ရှင်တရားနှင့် မသက်ဆိုင်စေသင့်။ တစ်ယူသန်အစွဲအလမ်းများနှင့် ယင်တို့မှ ပေါက်ဖွားခဲ့သော အကိူးအကြောင်းဆက်ပညာကိုလည်း ကျော်လွှားလွန်မြောက် ရလိမ့်မည်။
ထိုဘာသာတရားသည် သာဘာဝလောကဓာတ်(ရုပ်တရား)နှင့်တကွ နာမ်တရာများကို လွှမ်းခြုံ၍ ဒိဌဓမ္မဖြင့် အဓိပ္ပါယ်ပြည့်ဝသော ပေါင်းစည်းညီညွတ်မှုကို ဖော်ဆောင်နိုင်စွမ်းရှိရပေလိမ့်မည်။ ဗုဒ္ဓဘာသာသည် ထိုအရည်အချင်းများနှင့် ပြည့်စုံသည်ကို တွေ့ရ၏။ မျက်မှောက်ခေတ် သိပ္ပံပညာ၏ လိုအပ်ချက်များကို ဖြည့်ဆည်းပေးနိုင်စွမ်သောဘာသာတရားတစ်ခုရှိသည်ဆိုပါလျင် ထိုဘာသာတရားက ဗုဒ္ဓဘာသာဖြစ်လိမ့်မည်။
(အိုင်စတိုင်းလ် - Albert Einstein)


(၇) ကမ္ဘာပေါ်တွင် မည်သည့်ဘာသာသည် ကြီးကျယ်မြင့်မြတ်သော ဘာသာဖြစ်သည်ဆိုခြင်းကို မပြောလျှင်မဖြစ်ပြောပါဟု သင်ကကျွနုုပ်အား တိုက်တွန်းခဲ့သော် ကျွနုုပ်စိတ်ပါလက်ပါစာနာထောက်ထားသောအားဖြင့် "ဗုဒ္ဓဘာသာသည် ကြီးကျယ်မြင့်မြတ်သော ဘာသာဖြစ်သည်" ဟု မဆိုင်းမတွ အဖြေပေးရမည်ဖြစ်ပါသည်။
(ရာဘင်ဒြာနတ်တဂိုးလ် - Rabindranath Tagroe)


(၈) ဗုဒ္ဓ၏ကြီးမားသော အနစ်နာခံမှု၊ စွန့်လွတ်မှုနှင့် ဘဝ၏သန့်ရှင်းစင်ကြယ်မှုတို့ဖြင် ဟိန္ဒူဝါဒအပေါ်တွင် မပျက်ပြယ်နိုင်သည့် အမှတ်တံဆိပ်တစ်ခုကို ထားရစ်ခဲ့ပြီး ဟိန္ဒူဝါဒသည် ထိုမြတ်သောဆရာအား အနန္တကျေးဇူးကြွေးများ ပေးဆပ်ရန် ရှိနေပေသည်။ (မဟတ္တမဂန္ဒီ - Ghandi)

(၉) အကယ်၍ ပြဿနာတစ်ခုခုဖြေရှင်းဖွယ်ရာရှိခဲ့လျှင် ဗုဒ္ဓဟောကြားခဲ့သည့် လမ်းစဉ်ဖြင့် ငြိမ်းချမ်းစွာ ဒီမိုကရေစီကျကျ စဉ်းစားဆင်ခြင်ရပေသည်။
(နေရူး - Nehru)

(၁၀) ဗုဒ္ဓ၏ အဆုံးအမများသည် ဟိန္ဒူဝါဒတွင် တစ်စိတ်တစ်ဒေသအားဖြင့် ပါဝင်အကျုံးဝင်နေသည်ဟု ကျွနုုပ်ဆင်ခြင်ယူဆမိပါသည်။ အိန္ဒိယနိုင်ငံရှိ ဟိန္ဒူဝါဒအပေါ် ဂေါတမဗုဒ္ဓ က မည်ကဲ့သို့ ကြီးမားစွာ ပြောင်းလဲစေခဲ့သည်ကို မည်သို့မျှ ပြန်လည်စူးစမ်းရှာဖွေရန် မဖြစ်နိုင်တော့ချေ။
(မဟတ္တမဂန္ဒီ - Ghandi)

(၁၁) သန့်ရှင်းသော နည်းနာနိဿယနှင့် မြင့်မြတ်သောသင်ကြားမှုများမှာ တစ်စုံတစ်ရာသော အယူဝါဒကြီး တစ်ခုကမျှ အလွမ်းသင့်အောင် မဆောင်ရွက်နိုင်သဖြင့် ဗုဒ္ဓဘာသာမှ ကူးယူကြရပေသည်။
(အိပ်ခ်ျဂျီဝဲလ် - H.G. Wells - ဗြိတိသျှသမိုင်းပညာရှင်)

(၁၂) ရှင်တော်ဗုဒ္ဓ --- အရှင်ဘုရားဟောကြားတဲ့ ဒေသနာမှာရှိတဲ့ တခြားအရာတွေထက် အကြောင်းအရာ တစ်ခုအတွက်နှင့်ပဲ တပည့်တော် အရှင်ဘုရားရဲ့ တရားဒေသနာတော်ကို လေးစားမြတ်နိုးလှပါသည်။ အဲဒီအကြောင်းအရာဟာ ဘာလဲဆိုရင် တရားဒေသနာမှာ ပါတဲ့ အရာဝတ္ထုအားလုံးဟာ ပြတ်သားနေခြင်းဖြစ်ပါတယ်။ သူ့အလိုလိုပင် ထင်ရှားနေခြင်း ဖြစ်ပါတယ်။ (ဟာမန်ဟက်စ် - ၁၈၈၇ - ၁၉၆၂ )

(၁၃) ပြစ်မူကျူးလွန်သူသည် ဘုရားသခင်ထံ တောင်းပန်အသနားခံရန် ဆုတောင်းဝတ်ပြုကြိုးစားမူတို့ဖြင့် အကုသိုလ်ဆိုးကျိုးမှ လွတ်မြောက်နိုင်သည်ဟု ဗုဒ္ဓဝါဒီတို့က မယုံကြည်ချေ။
(ဂျွန်ဝေါလ်တားစ် - John Walters)

(၁၄) စိတ်ချမ်းတာစေတာက
ကျွနုုပ်တို့ တတွေသည် ရုပ်ဝတ္ထုကြွယ်ဝမူ ဝိုင်းဝိုင်းလည်နေသည့် ကြားတွင် စိတ်ဓာတ်ရေးရာအားဖြင့် ချွတ်ခြုံကျနေကြရပါသည်။ ရုပ်ဝတ္ထုကြွယ်ဝသော်လည်း စိတ်ချမ်းသာမူ ကင်းသော အခြေအနေတွင် စိတ်၏ချမ်းသာမူ အမှန်တကယ်ရရန်အတွက် ဗုဒ္ဓ၏ကျင့်စဉ်ကိုကျင့်ကြံအားထုတ်ကြည့်ဖို့သင့်လှပါသည်။ ဗုဒ္ဓကျင့်စဉ်သည် စိတ်ချမ်းသာမူကို အမှန်တကယ်ဖြစ်စေနိုင်သည်။ (ဂျွန်ဝေါလ်တားစ် - John Walters)

(၁၅)သက်ရှိသတ္တဝါများကို မညှင်းဆဲရန် နတ်ဘုရားများထံဝယ် ဆုတောင်းပတ္တနာပြုခြင်း၊ ဘုန်းတော်ဘွဲ့များရွတ်ဆိုခြင်း၊ ယစ်ပူဇော်ခြင်းများကို မပြုလုပ်ရန် ဗုဒ္ဓသည် လူ့သမိုင်းတွင် အဦးဆုံး အပြစ်ပြ၍ ဆုံးမပဲ့ပြင်ခဲ့သည်။
(Prof. Phys Davids)

(၁၆) ဗုဒ္ဓ၏တရားတော်သည် ကမ္ဘာပေါ်ဝယ် အနုမြူဗုံးများ၊ ဟိုက်ဒရိုဂျင်ဗုံးများ ရှိနေသည်ထက်ပို၍လိုအပ်သောအချိန်ဖြစ်သည်။
(နေရူး - Nehru)

(၁၇) ကမ္ဘာပေါ်ရှိ ဘာသာတရားတီထွင်သူ ခေါင်းဆောင်အများစုမှာ မဟာခရီးသည်များဖြစ်ကြသည်။ ဘာသာတရားခေါင်းဆောင် ဓမ္မနာယကများထဲတွင် အကျင့်သိက္ခာ၊ ပညာဥာဏ်၊စဉ်းစားဥာဏ်၊ စိတ်နေသဘောထားအရာတို့၌ အမြင့်မြတ်ဆုံးဖြစ်သည့် ဗုဒ္ဓသည် ခရီးသည်ဘုရင် ဖြစ်သည်။
(ရာဟုလာသံ ကစ္စည်း)

(၁၈) လူမှုဒုက္ခ သုက္ခအရှုပ်အထွေးများအတွက် ဗုဒ္ဓ၏ ငြိမ်းချမ်းရေးတရားဒေသနာတော်သည် အတိတ်ကထက် ယနေ့တွင် ပို၍လိုအပ်ပေသည်။
(နေရူး - Nehru)

(၁၉) ဗုဒ္ဓမြတ်စွာတွင် ဒေါသအလျှံ ထွက်သောအခါဟူ၍ မည်သည့်အခါမျှ မရှိချေ။ ဘုရားရှင်၏ နှုတ်တော်မှ အကြင်နာမဲ့သောစကားထွက်ပေါ်လာသည်ဟူ၍ မည်သည့်အခါမျှ မရှိပေ။
(Dr. S. Radhakrishnan)

(၂၀) ရှည်လျားလှသည့် သမိုင်းကြောင်းတစ်လျှောက်တွင် ဗုဒ္ဓဘာသာဝင်များအနေဖြင့် အခြားဘာသာဝင်များကို ညှင်းပန်းနှိပ်စက်မှုဟူသော မှတ်တမ်းမှတ်ရာ တစ်စုံတစ်ရာမျှ မရှိပါပေ။
(ပါမောက္ခရီးစ်ဒေးဗစ် - Prof. Rhys Davids )

(၂၁) ဘာသာကို ကျုပ်လက်ခံယုံကြည်နိုင်ခြင်း မရှိပါ၊ သို့သော် ကမ္ဘာ့ဘာသာကြီးများအနက်တစ်စုံတစ်ခုသော ဘာသာကို လက်ခံရန် အကြောင်းများပေါ်ပေါက်လာခဲ့သော် မိမိလက်ခံနိုင်မည့် ဘာသာတရားမှာ " ဗုဒ္ဓဘာသာ" ဖြစ်ပါသည်။
(Bertrand Russell, English Philosopher)

(၂၂) ဗုဒ္ဓဝါဒသည် ယုံကြည်မှုထက် သိမှုနှင့် ရှုမြင်မှုကိုသာ အဓိကထားသည်။ ဗုဒ္ဓ၏ သွန်သင်ဆုံးမမှု (တရားတော်) များသည် "ဧဟိ ပဿိကော လာလှည့် ရှူလှည့်" ဟုဖိတ်ခေါ်ခြင်းကိုသာ ပြု၍လာပြီး ယုံကြည်လော့ ဟုမဆိုပေ။
(ဆရာတော် ဒေါက်တာဝါပိုလာရာဟုလာ - Ven. Dr. W. Rahula)

(၂၃) ဗုဒ္ဓသည် ပုဂ္ဂိုလ်ရေးကိုးကွယ်မှုဆိုင်ရာ ဘုရားသခင် (သို့) နတ်ဘုရားများ၏ ကူညီမှု မြူတစ်စိမျှမပါဘဲ လူတိုင်းကိုယ်တိုင်ရယူနိုင်သည့် လွတ်မြောက်ရေးကို ကမ္ဘာ့သမိုင်းတွင် အဦးဆုံး ထုတ်ဖော်ကြေငြာခဲ့သည်။
(Prof. Eliot)

(၂၄) နှလုံးသားမှာ ချမ်းသာစေတဲ့ တရားမရှိလျှင် စည်းစိမ်ဥစ္စာ မည်မျှပြည့်စုံစေကာမှု ချမ်းသာနိုင်မည်မဟုတ်ပေ။
(ဒလိုင်လားမား - Dalai Lama)

(၂၅) လွတ်လပ်မှု မပေးစွမ်းနိုင်တဲ့ အမိန့်ဟာ ညှင်းဆဲနှိပ်စက်မှု ဖြစ်သွားနိုင်တယ်။ အမိန့်မပါတဲ့ လွတ်လပ်မှုဟာလည်း ဖရိုဖရဲ ဖြစ်သွားနိုင်တာပဲ။ ဒါကြောင့် ကမ္ဘာ့ငြိမ်းချမ်းရေးအတွက် လွတ်လပ်မှုကိုလည်း ပေးစွမ်းနိုင်ရမယ်။ ဖရိုဖရဲဖြစ်မှုကိုလည်း ကာကွယ်နိုင်စွမ်းရှိရမယ်။
(ဒလိုင်လားမား - Dalai Lama)

(၂၆) ဤအရာ လူသားသစ်ပင်မှာ နှစ်ပေါင်းကုဋေ့ကုဋေ့တစ်ကြိမ်သာပွင့်ခဲ့တာ ပညာရနံ့ မေတ္တာပျားရည်စက်များလောကကို ပြည့်ဝစေတာလူသားပန်းတစ်ပွင့်ပါ။
(ဆာအက်ဒွင်အာနိုး - Sir Edwin Arnold)

(၂၇) ဗုဒ္ဓဘာသာနှင့်
ခေတ်သစ်သိပ္ပံပညာသည် အသိပညာဆိုင်ရာ အလွန်နီးကပ်ဆက်စပ်စွာ တည်ရှိနေကြောင်း ကျွန်ုပ်မကြာမကြာ ဆိုခဲ့ပြီး ထပ်ခါတလဲလဲ ပြောဆိုပါဦးမည်။
(ဆာအက်ဒွင်အာနိုး - Sir Edwin Arnold)

(၂၈) ဗုဒ္ဓဝါဒသည် လောကနှင့်ဘဝ ၏ တကယ်ပကတိ အဖြစ်မှန်ကိုသာ ဆင်ခြင်သုံးသပ်ရကား သဘာဝဓမ္မအတိုင်း ရှုမြင်သော ဝါဒဟု ဆိုရပေမည်။
(ဆရာတော် ဒေါက်တာဝါပိုလာရာဟုလာ - Ven. Dr. W. Rahula)

(၂၉) များသောအားဖြင့် ဘာသာရေးဆရာ များသည် ၎င်းတို့၏တပည့်များကို အခြားဘာသာများနှင့် စပ်ဆိုင်သည့် ကျမ်းစာများ၊ အယူဝါဒများ၊စာပေများကို ဖတ်ရှူလေ့လာခွင့် မပြုဘဲတားမြစ်ကြသည်။ ဗုဒ္ဓဝါဒတွင် ဤအဖြစ်မျိုး လွန်စွာနည်းပါးပေသည်။ (ဖရခန္တီပါလော)

(၃၀) စွမ်းရည်သတ္တိ ဘယ်လောက်သိမ်ဖျင်းသူပင်ဖြစ်ပါစေ တရားတော်ရဲ့ တန်ခိုးကြောင့် သတ္တိဗျတ္တိ ပြည့်ဝလာစေပါတယ်။ အညံ့စားလူတစ်ဦးကို အတော်ဆုံးလူဖြစ်လာစေတာဟာ တရားတော်ရဲ့ ဂုဏ်ကျေးဇူးတော်ကြောင့်ပါပဲ။
(ဂိုအင်ဂါ - SN Goenka)
.................................................................
အရှင်သုခမိန္ဒ (စဝ်ဆုခမ်း) နှင့်  အရှင်ဝိဇယ ရေးသားပြုစုထားသော " ဗုဒ္ဓအနု ပညာပြခန်း " စာအုပ်မှ ကူးယူဖော်ပြခြင်း ဖြစ်ပါသည်။
အပြည့်အစုံဖတ်ရန်

လယ်တီဆရာတော်ဘုရားကြီး၏ နိုင်ငံခြားပုစ္ဆာအဖြေပေါင်းချုပ်(စာအုပ်)

လယ်တီဆရာတော်ဘုရားကြီး၏ နိုင်ငံခြားပုစ္ဆာအဖြေပေါင်းချုပ် စာအုပ်ပါ။

အင်္ဂလန်၊ပြင်သစ်၊သီရိလင်္ကာနိုင်ငံများမှ အမေးပုစ္ဆာများကို ရှင်းလင်းဖြေဆိုထားတဲ့ စာအုပ်လေးပါ။
ဒီမှာ ဒေါင်းးပါ။ အပြည့်အစုံဖတ်ရန်

မြတ်ဗုဒ္ဓရဲ့ဆံတော်နဲ့နားရွက်တော် အနေအထား

မေး။ ။ ဗုဒွ၏ဦးခေါင်းထက်မှာ ဆံတော်တကယ်ထုံးတာလား။ ပုံတော်တွေထဲမှာပဲ ရှိတာလား။ ဦးခေါင်းထက်က အဖု့အဖု့လေးတွေက ဘာကြောင့်လဲ။ နားရွက်တော်က လူသာမန်ထက် ဘာကြောင့်ရှည်နေရပါသလဲ။ ဘုရားရှင်က လူသာမန်နဲ့နှိုင်းလို့ မရတာကို လက်ခံပါတယ်။ ဘာသာခြားများက မေးလာလျှင် အကျိုးအကြောင်း ခိုင်ခိုင်လုံလုံ သိချင်လို့ပါဘုရား။

ဖြေ။ ။ ဗုဒ္ဓရဲ့ဆံတော်နဲ့ပတ်သတ်ပြီး ဖြေပေးရမယ်ဆိုရင် မြတ်ဗုဒ္ဓကို အဂ္ဂိဘာရာဒွါဇပုဏ္ဏားနဲ့ သိင်္ဂါရ၀ပုဏ္ဏားတို့က ဦးပြည်းကတုံးစုတ် လို့ နှိပ်ချပြောဆိုခဲ့ဖူးပါတယ်။ ဒါပြင် မြတ်ဗုဒ္ဓကိုယ်တိုင်လည်း ဆံပင်မုတ်ဆိတ်တို့ကိုရိတ်ပြီး ဖန်းရည်ဆိုးအ၀တ်ကိုဝတ်ကာ ရဟန်းပြုခဲ့၏ဟု သစ္စကဆရာကြီးကို မိန့်တော်မူခဲ့ပါတယ်။
ရဟန်းသံဃာများ ဆံပင်ထားခြင်းပတ်သတ်ပြီး ဆဗ္ဗဂ္ဂီရဟန်းတွေ ဆံပင်အရှည်ထားတာမြင်တဲ့အခါ လူအများက ဒီလိုဆံပင်ရှည်ထားရင် လူတွေနဲ့အတူတူဖြစ်နေမှာပေါ့လို့ ပြောဆိုကဲ့ရဲ့ကြတဲ့အတွက် မြတ်ဗုဒ္ဓက ကာလအားဖြင့်(၂)လရှိသောဆံပင်၊ ပမာဏအားဖြင့် လက်နှစ်သစ်ရှိသော ဆံပင်အရှည်ထိသာ ငါဘုရားရှင် ခွင့်ပြုတော်မူ၏လို့ မိန့်တော်မူခဲ့ပါတယ်။

ယခုခေတ် မြန်မာရဟန်းတော်များက များသောအားဖြင့် တစ်ပါတ်တစ်ကြိမ် ရိတ်ကြပါတယ်။ ထိုင်းနိုင်ငံကတော့ လပြည့်၊ လကွယ်နေ့တိုင်း သံဃာအားလုံး ရိတ်ကြတယ်လို့ သိရပါတယ်။ သီရိလင်္ကာ၊ လာအို၊ ကမ္ဗောဒီယားတို့ကတော့ တစ်လလောက်ထိ ဆံပင်အရှည်ထားတဲ့ သံဃာများရှိသလို တစ်ပါတ် တစ်ကြိမ်လည်း ရိတ်ကြပါတယ်။

မြတ်ဗုဒ္ဓရဲ့ညီတော်ဖြစ်တဲ့ ရှင်နန္ဒမထေရ်ဟာ မြတ်စွာဘုရားရှင်နဲ့ အရပ်အမောင်းတူတဲ့အတွက် မြတ်စွာဘုရားသင်္ကန်းကို တစ်ရက်မှာဝတ်ရုံလာတဲ့အခါ သံဃာများက ရှင်နန္ဒမထေရ်ကို မြတ်စွာဘုရားရှင်ဟု အမှတ်မှားခဲ့ကြပါတယ်။ ရဟန်းသံဃာများသာ ခေါင်းရိတ်ရပြီး မြတ်ဗုဒ္ဓက ဦးခေါင်းမရိတ် ဘူးဆိုရင် ရှင်နန္ဒနဲ့မြတ်စွာဘုရားဟာ မှားစရာအကြောင်း မရှိပါဘူး။ ဒါကြောင့် စာပေများတွင် ဖော်ပြထားတာများကို ထောက်ဆကြည့်ပါက မြတ်ဗုဒ္ဓရဲ့ဦးခေါင်းမှာ သာမာန်ရဟန်းများကဲ့သို့ ဆံတော်များပင် ရှိနေမှာပါ။

နှောင်းခေတ်ကျမ်းတွေဖြစ်တဲ့ ဇာတ်အဋ္ဌကထာတို့မှာတော့ မြတ်ဗုဒ္ဓရဲ့ဦးခေါင်းပေါ်မှာ ရစ်ခွေနေတဲ့ လက်နှစ်သစ်လောက် ဆံပင်ရှည်ရှိတယ်။ မုတ်ဆိတ်မွှေးလည်း အနေတော်မျှ ရှိတယ်။ အသက်ထက်ဆုံး ဆံပင်နဲ့မုတ်ဆိတ်တို့ဟာ ထိုထက်ပိုမရှည်ဘဲ ရှိနေကြတယ်လို့ ဖွင့်ဆိုပြထားပါတယ်။

မြတ်ဗုဒ္ဓပုံတူ ဆင်းတုတော်ကို ထုလုပ်ကြတဲ့ ပန်းပုဆရာတွေထဲမှာ တချို့က ဆံပင်ကို ပယ်ထားပြီး တချို့က ညာဘက်ကို ရစ်ခွေနေတဲ့ လက်နှစ်သစ်ဆံပင်ပုံပါတာကို တွေ့ရပါတယ်။ တချို့ဆင်းတုတော်တွေရဲ့ အလယ်တည့်တည့်မှာ မြတ်ဗုဒ္ဓရဲ့ သဗ္ဗညုတဉာဏ်ကို ကိုယ်စားပြုတဲ့အနေနဲ့ ဆံပင်ပေါ်က သန်လျက်ပုံ ရှည်ရှည်မျှောမျှော တစ်ခုပါနေတာကို တွေ့ရပါတယ်။ ဒါကတော့ ပထမမေးခွန်းဖြစ်တဲ့ ဗုဒ္ဓဆံတော်နဲ့ ပတ်သတ်ပြီး သိရှိသမျှကို ဖြေပေးလိုက်တာပါ။

ဒုတိယမေးခွန်းဖြစ်တဲ့ ဗုဒ္ဓရဲ့နားရွက်တော်နဲ့ပတ်သတ်ပြီး ဖြေပေးရမယ်ဆိုရင် မြတ်ဗုဒ္ဓမှာ သာမာန်လူတို့ ခန္ဓာကိုယ်အစိတ်အပိုင်းနဲ့မတူသော လက္ခဏာကြီး(၃၂)ပါးဆိုတာ ရှိပါတယ်။ အဲဒီ(၃၂)ပါးထဲမှာတော့ နားရွတ်တော်ဆိုတာ မပါရှိပါဘူး။ လက္ခဏာတော်(၈၀)ထဲမှာတော့ အာယတ ရုစိရကဏ္ဏတာ-ရှည်ပြီး လှပတင့်တယ်သော နားရွတ်တော်ရှိခြင်းဆိုတာတော့ တွေ့ရပါတယ်။ သာမန်လူတို့ထက် ထူးခြားစွာရှိပေမဲ့ အချိုးအစားကျပြီး ကြည့်ကောင်းရုံ အနေအထားလောက်ပဲ ရှိမှာပါ။ ကြည်လို့မကောင်းအောင် ပခုံးတော်ကိုထောက်နေတဲ့ အနေအထားထိတော့ ရှည်လိမ့်မယ်လို့ မထင်ပါ။ ပန်းပုဆရာတွေက အောက်ကျိုးမကျအောင် နားရွတ်တော်ကို ပခုံးမှာ ထောက်ပေးထားခြင်း ဖြစ်နိုင်ပါတယ်။ တချို့ဆင်း တုတော်တွေဆို နားရွက်တော် အလွန်ကြီးမားတာမျိုးတွေရှိသလို နားရွက်အောက်တည့်တည့်မှာ နားရွက်အနေအထား မရွေ့အောင် သံချောင်းရှည်တွေ ထည့်ထားတာကို တွေ့ရပါတယ်။ ဒါကြောင့် တချို့ဆင်းတုတော်များမှာ မြတ်ဗုဒ္ဓရဲ့ နားရွက်တော် ကြည့်မကောင်းဖြစ်နေတာမျိုးသည် ပန်းပုပညာရှင်များရဲ့ ပညာစွမ်းရည်နဲ့ စိတ်ကူးပိုင်းတို့နဲ့သာ သက်ဆိုင်ပါတယ်လို့ ထင်မြင်မိပါကြောင်း ဖြေကြားပေးလိုက်ပါတယ်။

(မ၊ ၂၊ ၄၂၄။ သုတ္တနိ၊ ၂၉၇။ ၀ိ၊ ၄၊ ၂၄၀။ မ၊ ၁၊ ၃၀၃။ မ၊ ၂၊ ၄၂၄။ ဇာ၊ ဋ္ဌ၊ ၁၊ ၇၄။)တို့တွင် အကျယ်ကြည့်လိုပါက ကြည့်ရှု့နိုင်ပါတယ်။

ဖြစ်နိုင်ချေ အနီးကပ်ဆုံး မြတ်ဗုဒ္ဓပုံတော်ကို တင်ပေးလိုက်ပါတယ်။

စာဖတ်ပရိသတ်အားလုံး ကိုယ်စိတ်နှစ်ပါးချမ်းသာပြီး လိုရာဆန္ဒပြည့်ဝကြပါစေလို့ ဆန္ဒပြုလျက်……။

credit to www.sanninaymin.com အပြည့်အစုံဖတ်ရန်

ရှိခိုးဦးချပုံ ဦးချနည်း

ဘုရားနှင့် သံဃာတော်တို့ထံ ဆည်းကပ်ရှိခိုးသောအခါ ရိုသေစွာ လက်အုပ်ချီပြီးနောက် “နီး၊ ဝေး၊ ရှေ့၊ နောက်၊ မြင့်မောက်၊ လေညာ” ဟူသော အပြစ်ခြောက်မျိုးလွတ်သော နေရာ၌ နေ၍ ရှိခိုးပြီး လျှောက်ထားဖွယ် စကားတို့ကို လျှောက်ထားရမည်။

လျှောက်ထား နာယူပြီးလျှင် ရှိခိုးဦးချ၍ ပြန်ရမည်။ ပြန်သောအခါ ဘုရားရှင်နှင့် သံဃာတော်တို့ကို ကျောပေး၍မပြန်ဘဲ လက်အုပ်ချီကာ လေးငါးလှမ်းခန့် နောက်ဆုတ်ပြန်ရမည်။

“ရှိခိုးခြင်း သုံးမျိုး”

(၁) ထိခြင်းငါးပါးနှင့်အညီ ကိုယ်ဖြင့်ရှိခိုးခြင်း (ကာယ၀န္ဒနာ)၊


(၂) နူတ်ဖြင့် ရွတ်ဆို ရှိခိုးခြင်း (၀စီဝန္ဒနာ)၊

(၃) စိတ်ဖြင့် ရည်မှတ် ရှိခိုးခြင်း (မနောဝန္ဒနာ)။

“ထိခြင်းငါးပါး ရှိခိုးခြင်း”

ဒူးနှစ်ဘက်၊ လက်နှစ်ဘက်၊ နဖူးတို့ကို မြေ၌ သို့မဟုတ် ကြမ်းပြင်၌ ထိစေ၍ ရှိခိုးခြင်းသည် ထိခြင်းငါးပါးနှင့်အညီ ရှိခိုးသည် မည်၏။

ဆောင်ပုဒ် ။ ။ ခြေ လက် နဖူး၊ တံတောင် ဒူး၊ ငါးဦး မြေထိစေ။
“ရပ်လျက်ရှိခိုးခြင်း”

လမ်းတွင် ရဟန်းသံဃာတော်တို့ကို တွေ့ဆုံသောအခါ ဦးထုပ် ဖိနပ်ချွတ်၍ ခြေစုံရပ်ကာ လက်အုပ်ကို ဦးထိပ်၌တင်လျက် ကိုယ်ကို ရှေ့သို့ ညွတ်ကာ ရှိခိုးရမည်။

“ထိုင်လျက် ရှိခိုးခြင်း”

အမျိုးသားဖြစ်လျှင် ဆောင့်ကြောင့်ထိုင်လျက်၊ အမျိုးသမီးဖြစ်လျှင် ကြုံ့ကြုံ့ထိုင်လျက် ထိခြင်းငါးပါးနှင့် အညီ တုပ်ဝပ်လျက် ရှိခိုးရမည်။

ဘုရားရှိခိုးသောအခါ ဦးစွာပထမ ဦးချရမည်။ ဦးချသောအခါ -

ဗုဒ္ဓံ ပူဇေမိ = ဗုဒ္ဓံ - မြတ်စွာဘုရားကို၊ ပူဇေမိ - ပူဇော်ပါ၏ အရှင်ဘုရား။

ဓမ္မံ ပူဇေမိ = ဓမ္မံ - တရားတော်မြတ်ကို၊ ပူဇေမိ - ပူဇော်ပါ၏ အရှင်ဘုရား။

သံဃံ ပူဇေမိ = သံဃံ - သံဃာတော်အရှင်မြတ်ကို၊ ပူဇေမိ - ပူဇော်ပါ၏ အရှင်ဘုရား။

ဟု ဆို၍ ဦးချရမည်။

(မှတ်ချက်။ ။ ပြည်ထောင်စု မြန်မာနိုင်ငံတော် အစိုးရ သာသနာရေးဝန်ကြီးဌာန ဗုဒ္ဓဘာသာ တရားတော် အခြေခံအဆင့် စာအုပ်မှ ထုတ်နုတ်ဖော်ပြထားသည်။) အပြည့်အစုံဖတ်ရန်

မေတ္တာရှင်(ရွှေပြည်သာ)ရဲ့ မေတ္တာဖြင့်စီးပွားရှာနည်း(စာအုပ်)

မေတ္တာရှင်(ရွှေပြည်သာ)ရဲ့ မေတ္တာဖြင့်စီးပွားရှာနည်းစာအုပ်လေးပါ...

*** ဒီမှာဒေါင်းပါ*** အပြည့်အစုံဖတ်ရန်

မိရိုးဖလာဗုဒ္ဓဘာသာဝင်နဲ့ တစ်ကယ့်ဗုဒ္ဓဘာသာဝင်(စာအုပ်)

အရှင်ဇဝနရဲ့ မိရိုးဖလာဗုဒ္ဓဘာသာဝင်နဲ့ တစ်ကယ့်ဗုဒ္ဓဘာသာဝင်ဆိုတဲ့ စာအုပ်လေးပါ။

အရမ်းကောင်းပါတယ်။ဗုဒ္ဓဘာသာဝင်တစ်ယောက်အနေနဲ့ သိသင့်သိထိုက်တာတွေ အတော်များများပါပါတယ်။ဗုဒ္ဓဘာသာဝင်အားလုံး မိရိုးဖလာ ဗုဒ္ဓဘာသာဝင်မှ တစ်ကယ့်ဗုဒ္ဓဘာသာဝင်စစ်စစ် တစ်ယောက်ဖြစ်ပါစေ။
***ဒီမှာ ဒေါင်းပါ***
အပြည့်အစုံဖတ်ရန်

“၀ါဆိုလပြည့် ဓမ္မစကြာအခါတော်နေ့အကြောင်း သိကောင်းစရာ”

ဝါဆိုလပြည့်နေ့ကို ဓမ္မစကြာ အခါတော်နေ့ အထိမ်းအမှတ်အဖြစ် ကျင်းပရခြင်းမှာ ထိုနေ့၌ ဓမ္မစကြာတရားတော်ကို မြတ်စွာဘုရားက ဟောကြားတော်မူသည်ကို အကြောင်းပြု၍ ကျင်းပရခြင်း ဖြစ်ပါသည်။

ဓမ္မစကြာ တရားတော်ကို မြတ်စွာဘုရားသည် အိန္ဒိယနိုင်ငံ ဗာရာဏသီပြည် မိဂဒါဝုန်တော၌ မဟာသက္ကရာဇ် ၁၀၃-ခုနှစ် ၀ါဆိုလပြည့်နေ့ နေ၀င်လထွက်အချိန်၌ ပဉ္စ၀ဂ္ဂီငါးဦးတို့အား ဘုရားအဖြစ်ကို ၀န်ခံသောအားဖြင့် ဟောကြားတော်မူခဲ့ပါသည်။

ဓမ္မစကြာတရားတော်သည် ၀ိနည်းမဟာဝါပါဠိတော်၌ ပဉ္စ၀ဂ္ဂိယ ကထာ-အမည်ဖြင့် လာရှိပါသည်။
ပဋိသမ္ဘိဒါမဂ္ဂ ပါဠိတော်၌ ဓမ္မစက္ကပ၀တ္တန ၀ါရ-အမည်ဖြင့် လာရှိပါသည်။
မဟာဝဂ္ဂသံယုတ် ပါဠိတော်၌ ဓမ္မစက္ကပ၀တ္တန သုတ္တ-အမည်ဖြင့် လာရှိပါသည်။

ဓမ္မစက္ကပ၀တ္တန၏ အဓိပ္ပါယ်မှာ တရားတည်းဟူသော အသိစက်ကို ဖြစ်စေ၊ လည်စေတော်မူခြင်း-ဟု အဓိပ္ပါယ် ရပါသည်။
(ဓမ္မစက္က=တရားတော်။ ပ၀တ္တ=ဖြစ်စေ၊ လည်စေခြင်း။)

ဓမ္မစကြာတရားတော်သည် သစ္စာလေးပါးတရားကို ညွှန်းဆိုဟောကြားသော ဒေသနာဖြစ်၍ ပိဋကသုံးပုံ၏ အနှစ်ချုပ်တရားဟု ဆိုထိုက်ပါသည်။ ဓမ္မစကြာတရားတော်ကို စိစစ်သုံးသပ်ကြည့်ပါလျှင် လမ်းစဉ်မှာ
(အစွန်း ၂-ခု) ကို ရှောင်ကြဉ်ရေး၊ မဇ္ဈိမပဋိပဒါ လမ်းစဉ်မှန်ကို ကျင့်သုံးရေးတို့ကို ညွှန်ကြားထားပြီး သစ္စာလေးပါးတရားကို သိမြင်စေရန် ဟောကြားထားသောကြောင့် ဗုဒ္ဓ၀ါဒ၏ တိကျခိုင်မာသော သဘောတရားကို တွေ့မြင်နိုင်ပါသည်။

ဤကဲ့သို့ အနှစ်သာရပါရှိသော တရားဖြစ်၍ ဗုဒ္ဓဘာသာဝင် ရဟန်းရှင်လူတို့က ဓမ္မစကြာတရားတော်ကို အထူးပင်အာရုံစိုက်၍ ရွတ်ဖတ် သရဇ္ဈာယ်တော်မူကြပါသည်။ အမြို့မြို့ အရွာရွာ၌ ဓမ္မစကြာ အသင်းများ ဖွဲ့စည်းပြီး ပြန့်ပွားအောင် ဆောင်ရွက်လျက်ရှိကြပါသည်။

( ၀ါဆိုလပြည့်နေ့၏ ထူးခြားချက်များ )

မြန်မာ့ရိုးရာ ၁၂-လရှိသည့်အနက် ၀ါဆိုလပြည့်နေ့သည်-
၁။ ဂေါတမဘုရားလောင်း ပဋိသန္ဓေနေသောနေ့ဖြစ်၍ ထူးခြားခြင်း။
၂။ ဂေါတမဘုရားလောင်း တောထွက်တော်မူသောနေ့ဖြစ်၍ ထူးခြားခြင်း။
၃။ ဂေါတမမြတ်စွာဘုရား ဓမ္မစကြာတရား စတင်ဟောတော်မူသောနေ့ဖြစ်၍ ထူးခြားခြင်း။
၎။ ရေမီးအစုံစုံတို့ဖြင့် တန်ခိုးပြာဋိဟာကို ပြတော်မူသောနေ့ဖြစ်၍ ထူးခြားခြင်း။
၅။ ဘုရားအဖြစ်ကို ၀န်ခံတော်မူသောနေ့ဖြစ်၍ ထူးခြားခြင်း။
၆။ တရားရတနာ စတင်ပေါ်သောနေ့ဖြစ်၍ ထူးခြားခြင်း။
၇။ သံဃာရတနာ စတင်ပေါ်သောနေ့ဖြစ်၍ ထူးခြားခြင်း။
၈။ ပုထုဇဉ်ခရီးမှ အရိယာခရီးသို့ စတင် ကူးပြောင်းခွင့်ကြုံသောနေ့ဖြစ်၍ ထူးခြားခြင်း။
၉။ ဧဟိ ဘိက္ခု-ဟူသောစကားကို စတင်ကြားရသောနေ့ဖြစ်၍ ထူးခြားခြင်း။

အထက်ဖော်ပြပါ ၀ိသေသအကြောင်းများကြောင့် ဗုဒ္ဓဘာသာဝင် သူတော်စင်တို့က ဤ၀ါဆိုလပြည့်နေ့၌ ကျောင်းကန်ဘုရားသို့ သွားရောက်၍ ၀ါဆိုပန်းများ ကပ်လှူခြင်း၊ ၀ါဆိုသင်္ကန်း လှူဒါန်းခြင်း၊ ဓမ္မစကြာတရားတော်များကို ရွတ်ဖတ်သရဇ္ဈာယ်ခြင်းအားဖြင့် ၀ါဆိုလပြည့် ဓမ္မစကြာ အခါတော်နေ့-ကို ဆင်နွှဲ ပြုလုပ်ကြပါသည်။
အပြည့်အစုံဖတ်ရန်

ရဟန္တာနှင့် ပုဂ္ဂိုလ်ထူးများ(စာအုပ်)

ရဟန္တာနှင့် ပုဂ္ဂိုလ်ထူးများ စာအုပ်ပါ။***ဒီမှာ ဒေါင်းပါ*** အပြည့်အစုံဖတ်ရန်

အရိမေတ္တေယျ မြတ်စွာဘုရားသမိုင်း(စာအုပ်)

အရိမေတ္တေယျ မြတ်စွာဘုရားသမိုင်း စာအုပ်လေးပါ။ ***ဒီမှာဒေါင်းပါ*** အပြည့်အစုံဖတ်ရန်

နှလုံးသားမိတ္တူ(စာအုပ်)

အရှင်ဆန္ဒာဓိက ရဲ့နှလုံးသားမိတ္တူစာအုပ်ပါ...

***ဒီမှာဒေါင်းပါ*** အပြည့်အစုံဖတ်ရန်

လူပျိုဘုရားလုံးဝမရှိ(စာအုပ်)

အရှင်ဆန္ဒာဓိက ရဲ့ လူပျိုဘုရားလုံးဝမရှိဆိုတဲ့ စာအုပ်ပါ...

***ဒီမှာဒေါင်းပါ*** အပြည့်အစုံဖတ်ရန်

ကောသလမင်းအိပ်မက် ၁၆ချက်(စာအုပ်)

ကောသလမင်းအိပ်မက် ၁၆ချက် စာအုပ်ပါ...

အောက်မှာဒေါင်းပါ
Minus အပြည့်အစုံဖတ်ရန်

သိပ္ပံအမြင်နှင့် ဗုဒ္ဓအဘိဓမ္မာ အမေးအဖြေများ(စာအုပ်)

အရှင်ဇနကာဘိဝံသ၏ သိပ္ပံအမြင်နှင့် ဗုဒ္ဓအဘိဓမ္မာ အမေးအဖြေများစာအုပ်ပါ...

***ဒီမှာဒေါင်းပါ***

အပြည့်အစုံဖတ်ရန်

မြတ်စွာဘုရား၏ စကားပြောနည်းလမ်းညွှန်

အဘယမင်းသားအား မြတ်စွာဘုရားကအောက်ပါအတိုင်းမိန့်ကြား၏။

”မင်းသား၊ မဟုတ်မမှန်၊ အကျိုးစီးပွားနှင့် မစပ်၊ သူတစ်ပါးတို့လဲ မနှစ်သက်။ ထိုစကားမျိုးကို မြတ်စွာဘုရားသည် မပြောမဆို။ ဟုတ်မှန်၏။ အကျိုးစီးပွားနှင့်ကားမစပ်။ သူတစ်ပါးတို့လဲ မနှစ်သက်။ ထိုစကားမျိုးကို မြတ်စွာဘုရားသည် မပြောမဆို။ ဟုတ်မှန်၏။ အကျိုးစီးပွားနှင့်လဲစပ်၏။ သူတစ်ပါးတို့ကား မနှစ်သက်။ ထိုစကားမျိုးကို မြတ်စွာဘုရားသည် အခါအားလျော်စွာပြောဆို၏။ မဟုတ်မမှန်။ အကျိုးစီးပွားနှင့်မစပ်။ သူတစ်ပါးတို့ကား နှစ်သက်၏။ ထိုစကားမျိုးကို မြတ်စွာဘုရားသည် မပြောမဆို။ ဟုတ်မှန်၏။ အကျိုးစီးပွားနှင့်မစပ်။ သူတစ်ပါးတို့ကား နှစ်သက်၏။ ထိုစကားမျိုးကို မြတ်စွာဘုရားသည် မပြောမဆို။ ဟုတ်မှန်၏။ အကျိုးစီးပွားနှင့်စပ် ၏။ သူတစ်ပါးတို့လဲ နှစ်သက်၏။ ထိုစကားမျိုးကို မြတ် စွာဘုရားသည် အခါအားလျော်စွာပြောဆို၏။
(မဇ္ဈိမနိကာယ်၊ မဇ္ဈိမပဏ္ဏာသ၊ အဘယရာဇကုမာရသုတ်)

နေ့စဉ်နှင့်အမျှ လူတို့သည် ကြံတွေးနေကြသည်။ ပြုမူလုပ်ကိုင်နေကြသည်။ ပြောဆိုနေကြသည်။ ကာယကံ ၀စီကံ မနောကံဟူသောကံသုံးပါးရှိရာတွင် ၀စီကံမှုသည် အပြုအများဆုံးသောကံဖြစ်ပါ သည်။ နံနက်အိပ်ရာမှ နိုးထသည် နှင့် ညအိပ်ရာဝင်ချိန် တစ်နေ့တာကာလအတွင်းပြောခဲ့သောစကားတို့ကားမနည်းလှပေ။ ထိုစကားတို့တွင် သတိယှဉ်၍ပြောခဲ့ သောစကားတွေလည်းပါမည်။ သတိလက်လွှတ်ပြီးပြောခဲ့သောစကားတွေလည်းပါမည်။ လိုအပ်ချက်အရပြောသောစကားတွေလည်းပါမည်။ မလိုအပ်ဘဲပြောသောစကားတွေလဲပါမည်။ တည်တည် ကြည် ကြည်လေးလေးနက်နက် ပြောသောစကားတွေ လည်းပါမည်။ ပေါ့ ပေါ့တန်တန်ပြောသောစကားတွေလည်းပါ မည်။ မှန်မှန်ကန်ကန် ပြောသောစကားတွေလည်း ပါ မည်။ လိမ်ညာပြောမိသောစကားတွေလည်းပါမည်။ အကျိုးစီးပွားရှိစေသောစကားတို့လည်းပါမည်။ အကျိုးစီးပွားမဲ့စေသောစကားတို့လည်းပါမည်။

မေတ္တာကရုဏာအရင်းခံလျက် ပြောသောစကားတွေလည်းပါမည်။ မနာလိုဝန်တိုမှုနှင့် မုန်းတီးမှု အရင်းခံလျက် ပြောသောစကားတွေလည်းပါမည်။ လောဘဒေါသအရင်းခံလျက် ပြောသောစကားတွေ လည်းပါမည်။ မုဒိတာအရင်းခံလျက် ပြောသောစကားတွေလည်းပါမည်။ ကြမ်းကြမ်းတမ်းတမ်းပြောသောစကားတွေလည်းပါမည်။ နူးနူးညံ့ညံ့ချို ချိုသာသာပြောသောစကားတွေလည်းပါမည်။ နှလုံးသားမှလာသောခံစားချက်ကိုအရင်းခံလျက် ပွင့်လင်းစွာပြောသောစကားတွေလည်းပါမည်။ နှလုံးသားမှ မြစ်ဖျားခံမလာမူလျက်၊ နှုတ်ဖျားတွင်သာပေါ့ ပေါ့လျှံ လျှံပြောသောစကားတွေလည်းပါမည်။ စိတ် ကောင်းစေတနာကောင်းဖြင့် ပြောသောစကားတွေ လည်းပါမည်။ မကောင်းသောစိတ်စေတနာဖြင့် ပြောသောစကားတွေလည်းပါမည်။ ကြားရသူတို့အဖို့ နှလုံး စိတ်ဝမ်းချမ်းသာစေသော စကားတို့လည်းပါ မည်။ ကြားရသူတို့အဖို့ နှလုံးစိတ်ဝမ်းမချမ်းမြေ့စေ သောစကားတွေလည်းပါမည်။

အဂတိတရားလေးပါးကင်းရှင်းစွာသစ္စာထိုက်သောစကားတွေလည်းပါ မည်။ အဂတိတရားလေးပါးနှင့်ယှဉ်၍ သစ္စာပျက်ယွင်းသောစကားတွေလည်းပါမည်။ ရိုးရှင်းဖြောင့်မတ်စွာပြောသောစကားတွေလည်းပါမည်။ ပရိယာယ်ေ၀၀ုစ် ဖြင့် ကောက်ကျစ်သောစကားတွေလည်းပါမည်။ တစ် ဖက်သူအပေါ် တန်ဖိုးထားလျက် လေးလေးစားစားပြောသောစကားတွေလည်းပါမည်။ တစ်ဖက်သူအပေါ်အပေါ်စီးက နှိမ့်နှိမ့်ချချမောက်မောက် မာမာပြောသောစကားတွေလည်းပါမည်။ လူအမျိုးမျိုးစိတ် အထွေထွေရှိသလိုစကားတွေလည်းအမျိုးမျိုးရှိနိုင် သည်။
ယေဘုယျအားဖြင့်မူလူအများစုသည် ကံသုံးပါးအနက်၊ ၀စီကံကို အရေးကြီးသောကံဟုအသိအမှတ်မပြုတတ်ကြ။ ၀စီကံနှင့်ပတ်သက်လျှင် ပေါ့ပေါ့ ဆဆသဘောထားတတ်ကြပါသည်။

ထို့ကြောင့်လည်းချမ်းမြေ့ရိပ်သာဆရာတော်ကြီးအရှင်ဇနကာဘိဝံသက ”ကာယကံ ၀စီကံ မနောကံသုံးခုအနက်က ၀စီကံဆို တဲ့နှုတ်ပြောဟာမဆင်မခြင် လွှတ်ခနဲလွှတ်ခနဲ ထွက် ထွက်သွားတတ်လို့ သတိထားဖို့ အရေးကြီးပါတယ်” 
ဟုသတိပေးတော်မူခဲ့ခြင်းဖြစ်ပါသည်။
 မြတ်စွာဘုရား က သုစရိုက်တရားဆယ်ပါးကိုဟောကြားတော်မူရာ၌ ကာယသုစရိုက်နှင့် မနောသုစရိုက်တို့ကသုံးပါးစီသာ ပါဝင်ပြီး ၀စီသုစရိုက်က လေးပါးပါဝင်သည်။ ထို့အတူဒုစရိုက်တရားဆယ်ပါးကိုဟောကြားတော်မူရာ၌ ကာယဒုစရိုက်နှင့် မနောဒုစရိုက်တို့ကသုံးပါးစီသာ ပါဝင်ပြီး ၀စီဒုစရိုက်က လေးပါးပါဝင်ပါသည်။ ဤ အချက်ကို လေးလေးနက်နက်သက်ဝင်ဆင်ခြင်လျက် ၀စီကံမှုကို ပေါ့ပေါ့တန်တန်မပြုသင့်။ လွယ်လွယ် မပြုသင့်။ လက်လွှတ်စပယ် မပြုသင့်။ ၀စီကံမှုကို အလေးအနက်ထားလျက် သတိယှဉ်၍ ဆင်ဆင်ခြင်ခြင်ပြုသင့်သည်။ ထိန်းထိန်းသိမ်းသိမ်း ပြုသင့်သည်။
လူအမျိုးမျိုးစိတ်အထွေထွေမှ ပေါ်ထွက် လာသောစကားများမည်မျှများပြားနေစေအထက် ပါ အဆုံးအမတော်အရ မြတ်စွာဘုရားကစကားခြောက်မျိုးသာခွဲခြားတော်မူခဲ့ပါသည်။ ထိုခြောက်မျိုးတွင် ပါဝင်သော စကား၏ အင်္ဂါရပ်များမှာ-
(၁) ဟုတ်မှန်ခြင်း၊ (၂) မဟုတ်မှန်ခြင်း၊ (၃) အကျိုးစီးပွားဖြစ်ထွန်းစေခြင်း၊ (၄) အကျိုးစီးပွားမဲ့စေခြင်း၊ (၅) သူတစ်ပါးတို့ နှစ်သက်ခြင်း၊ (၆) သူတစ်ပါးတို့ မနှစ်သက်ခြင်း တို့ဖြစ်ပါ၏။

အထက်ပါအင်္ဂါရပ်များတွင် ”အကျိုးစီးပွား နှင့်စပ်ခြင်း” ဟူသောအချက်ကို မြတ်စွာဘုရားရှင် နှစ်သက်တော်မူပါသည်။ တန်ဖိုးထားတော်မူပါသည်။ အဘယ့်ကြောင့်ဟူမူ မြတ်စွာဘုရားပြောဆိုတော်မူသောစကားနှစ်မျိုးစလုံး၌ အကျိုးစီးပွားနှင့်စပ်ခြင်းဟူသောအင်္ဂါရပ်ပါဝင်ပြီး မြတ်စွာဘုရားမပြောမဆိုတော်မူသောစကားလေးမျိုးစလုံးတွင် ”အကျိုးစီးပွား နှင့်မစပ်ခြင်း”ဟူသော အချက်ပါဝင်နေသောကြောင့် ဖြစ်ပါသည်။ သို့ဖြစ်၍ မိမိပြောလိုက်သောစကားသည် မိမိနှင့်သူတစ်ပါးအကျိုးရှိစေမည့် စကားဟုတ် ၏၊ မဟုတ်၏ ဟူသည်ကို ကြိုတင်စိစစ်သင့်သည်။

အချို့စကားတို့သည် မိမိရောသူတစ်ပါးကိုပါ အကျိုးကျေးဇူးဖြစ်ထွန်းစေ၏။ ထိုစကားမျိုးကိုပြောအပ်ပါ၏။ အချို့စကားတို့သည် မိမိရောသူတစ် ပါးကိုပါ အကျိုးမဲ့ကို ဖြစ်ထွန်းစေ၏။ ထိုစကားမျိုးမပြောအပ်ပါ။အချို့စကားတို့သည် မိမိ၏အကျိုးစီးပွားကိုမထိခိုက် စေသော်လည်းသူတစ်ပါးအကျိုးစီးပွားကိုထိခိုက်စေ ၏။ ထိုစကားမျိုးကိုမပြောသင့်ပါ။ 

 ဤသည်နှင့်စပ် လျဉ်း၍ ချမ်းမြေ့ရိပ်သာဆရာတော်ကြီးအရှင်ဇနကာ ဘိဝံသ၏ဆောင်ပုဒ်မှာ နှလုံးသွင်းလိုက်နာဖွယ်ကောင်းလှပါ၏။ ထိုဆောင်ပုဒ်မှာအောက်ပါအတိုင်းဖြစ်ပါ၏။

ပြောမည်ကြံလဲသင့်စိတ်ထဲအမြဲဆင်ခြင်ပါ။
မိမိသူတစ်ပါး နှစ်ဦးသားဘယ်သူများထိမည်လဲ။
ထိခိုက်နိုင်ငြားအပြောများမမှားရှောင်ကြဉ်ပါ။
ပြောဆဲမှာလဲသင့်စိတ်ထဲအမြဲဆင်ခြင်ပါ။
မိမိသူတစ်ပါး နှစ်ဦးသားဘယ်သူများထိမည်လဲ။
ထိခိုက်နိုင်ငြားအပြောများမမှားရှောင်ကြဉ်ပါ။
ပြောပြီးပြန်လဲသင့်စိတ်ထဲအမြဲဆင်ခြင်ပါ။
မိမိသူတစ်ပါး နှစ်ဦးသားဘယ်သူများထိမည်လဲ။
ထိခိုက်နိုင်ငြားအပြောများမမှားရှောင်ကြဉ်ပါ။

ပြောလိုက်သောစကားသည် ပြောသူ၏ အကျိုးကိုလည်း ဖြစ်ထွန်းစေမည်။ အခြားသူတို့၏ အကျိုးကိုလည်း ဖြစ်ထွန်းစေမည်ဆိုလျှင် ယင်းစကားသည် ”အကျိုးစီးပွားနှင့်စပ်သောစကား”ဖြစ်သည်။ မြတ်စွာဘုရားနှစ်လိုသောစကားဖြစ်ပါသည်။ ယေဘုယျ အားဖြင့်မူ နှိုင်းနှိုင်းချိန်ချိန်ဖြင့် မေတ္တာစေတနာကရုဏာမုဒိတာအရင်းခံလျက် ပြောသောစကားတို့သည် အကျိုးစီးပွားနှင့်စပ်သောစကားဖြစ်ပါ၏။ သူတစ်ပါးအကျိုးကိုလိုလားသော နှလုံးသားမှ ဖြစ်ဖျားခံလာသောစကား၌ အကျိုးစီးပွားနှင့်စပ်သောဂုဏ်ရည် ထွန်းပပါ၏။ ထို့ပြင် အသိဥာဏ်ဆင်ခြင်တုံတရားအရင်းခံလျက် ပြောသောစကား၌လည်းအကျိုးစီးပွား နှင့်စပ်သော ဂုဏ်ရည်တည်ကိန်းပါ၏။

စကားတစ်ခွန်းတွင် အကျိုးစီးပွားနှင့်စပ်သောဂုဏ်အင်္ဂါပြည့်စုံစေရန် ပြောသူ၏ နှလုံးသားဖြူစင်လှပဖို့လိုသည်။ 
 တွေးခေါ်ဆင်ခြင်နိုင်သောအသိညာဏ်လည်းရှိဖို့လိုသည်။
မြတ်စွာဘုရားသည် ”အကျိုးစီးပွားနှင့်စပ် ခြင်း”ဟူသောအချက်အပြင် ”မှန်ကန်ခြင်း”ကိုလည်း နှစ်သက်တော်မူသည်။ ပဇာကြောင့်ဟူမူ မြတ်စွာဘုရားပြောတော်မူသောစကားနှစ်မျိုးစလုံးတွင် ”ဟုတ်မှန် ခြင်း”ဟူသော အချက်ပါဝင်သောကြောင့်ဖြစ်ပါ၏။ လူသားတို့ နိစ္စဓူဝကျင့်သုံးဆောက်တည်ရမည့် ”ငါးပါးသီလ”တွင် မုသားစကားကိုရှောင်ကြဉ်ခြင်းဟူသော အချက်ပါဝင်နေခြင်းကို ထောက်ရှုလျက် မှန်ကန်စွာပြောဆိုခြင်းကို မြတ်စွာဘုရားမည်မျှ အလေးအနက် သဘောထားတော်မူကြောင်းထင်ထင်လင်းလင်းသိမြင်နိုင်ပါသည်။

စင်စစ် ၀စီကံဟူသည် လူ့အဖွဲ့အစည်းတွင် အရေးကြီးသောကံအမှုဖြစ်ပါ၏။ လူတစ်ဦးနှင့်တစ်ဦးဆက်ဆံရာတွင် မှန်တာကိုပြောဖို့လိုပါသည်။ မှန် တာကိုပြောမှ ကြားနာရသူကမှန်တာကိုသိမည်။ မှန်တာကိုသိမှလည်းယင်းအသိအမှန်အပေါ် တည်မှီ ၍ ဆောင်ရွက်သင့်ဆောင်ရွက်ထိုက်သည်တို့ကိုအကျိုးရှိစွာဆောင်ရွက်နိုင်ပါလိမ့်မည်။ အမှားကိုပြောလိုက် သော် ကြားနာရသူကအမှားတွေကိုသိမည်။ အမှားသိအပေါ် အခြေခံလျက် အမှားတွေကိုဆောင်ရွက် တတ်သည်။ မုသာဝါဒမှ ပေါက်ဖွားလာသောအသိမှားအချက်အလက်မှားသည် အကျိုးမဲ့ကိုသာဖြစ်ပေါ် စေပါလိမ့်မည်။ ကျေးဇူးရှင်ကမ္ဘာအေးတောင်ပုကုဆရာတော်ကြီးက လိမ်ညာပြောခြင်းနှင့်ပတ်သက်၍ ဤသို့ မိန့်တော်မူခဲ့ပါသည်။

”လိမ်ညာခြင်းသည် လှည့်ပတ်ခြင်းပင်ဖြစ် ပါသည်။ လှည့်ပတ်ရာတွင် ဖြစ်ဆဲအကြောင်း၊ ဖြစ်ပြီးအကြောင်း၊ ဖြစ်မည့်အကြောင်းများကိုလှည့်ပတ် တတ်ရာမည်သည့်အကြောင်းပြ၍ လှည့်ပတ်သည် ဖြစ်စေ၊ လိမ်ညာခြင်းပင်ဖြစ်ပါသည်။ ယင်းသို့သောလိမ်ညာခြင်းမျိုးဖြင့် လိမ်ညာခံရ၍ လူမှုရေးဆိုင်ရာကိုယ်ကျင့်တရားများပျက်ပြားကာနောင်တကြီးစွာ ဖြစ်ပေါ်တိုးတက်လာရသောဆင်းရဲသည် ကမ္ဘာစောင့် ငါးပါးတွင် မုသာဝါဒကံ မလုံခြုံမှုကြောင့် ဖြစ်သည် ဟုငါတို့ယုံကြည်ပါသည်။”

သို့ဖြစ်၍ လူပုဂ္ဂိုလ်နှင့်ပတ်သက်၍ဖြစ်စေ၊ လုပ်ငန်းကိစ္စနှင့်ပတ်သက်၍ဖြစ်စေသတင်းအချက် အလက်များနှင့်ပတ်သက်၍ဖြစ်စေ၊ အမှန်ကိုသာတည်တည်ကြည်ကြည်ပြောဆိုသင့်သည်။ မိမိအကြောင်း
ကိုပြောလျှင် အမှန်ပြောသင့်သလိုသူတစ်ပါးအကြောင်းပြောလျှင်လည်းအမှန်ကိုသာပြောသင့် သည်။ မိမိကချစ်သူခင်သူအကြောင်းပြောလျှင် အမှန် ကိုသာပြောသလိုမိမိကမုန်းတီးသူအကြောင်းပြော လျှင်လည်းအမှန်ကိုသာပြောဆိုသင့်သည်။ နှလုံးသားဖြောင့်မတ်သူတို့ကမူမည်သည့်ကိစ္စ၌မဆိုအရှိကိုအရှိအတိုင်းသာပြောလေ့ရှိပါသည်။ အမှန်ဖြစ်၊ အမှန်ရှိထက် ထိမ်ချန်၍လည်းမပြောတတ်၊ ပိုပိုမိုမိုလည်းမပြောတတ်၊ ဤသည်နှင့်စပ်လျဉ်း၍ ကျေးဇူးရှင်မဟာစည်ဆရာတော်ကြီး၏ မိန့်တော်မူချက်မှာများစွာမှတ်သားအပ်ပါ၏။

”လူပဲဖြစ်ဖြစ် ရဟန်းပဲဖြစ်ဖြစ် ပကတိ ရိုးသားဖြောင့်မတ်တဲ့ ပုဂ္ဂိုလ်ကတော့ ဟုတ်သလောက် သာ ရိုးသားစွာပြောလေ့ရှိတယ်။ အပိုအမိုပုံကြီးချဲ့ ပြီးတော့ ပြောလေ့မရှိ။"
သို့သော် မှန်ပင်မှန်စေကာမူ အကျိုးစီးပွားနှင့် မစပ်သောစကားမျိုးကို မပြောသင့်ပေ။
ဥပမာအားဖြင့် ရောဂါဝေဒနာကျွမ်းနေသောကြောင့် အလွန်ဆုံးခြောက်လလောက်သာနေရတော့မည်ဟူသော ဆရာဝန်၏ လျှို့ဝှက်စကားကို မှန်ပင်မှန်စေကာမူကာယကံရှင်လူနာအားဖွင့်ဟ မပြောသင့်ပေ။ ထိုစကားမျိုးကြားရသောလူနာအနေ ဖြင့် စိတ်ဓာတ်အကြီးအကျယ်ထိခိုက်ကျဆင်းကာ ရုပ် ပိုင်းဆိုင်ရာ ဝေဒနာကိုပါမက စိတ်ဝေဒနာ၏ တိုက် ခိုက်ခြင်းကိုပါ ခံရပေလိမ့်မည်။ ထိုအခါ ဆရာဝန် ခန့် မှန်းသည်ထက်ပင် အသက်ပို၍ တိုဖွယ်ရာသာရှိတော့ သည်။ ထို့ကြောင့် ဘုရားရှင်ကဟုတ်မှန်၍ သူတစ်ပါး နှစ်သက်သော်လည်းအကျိုးစီးပွားနှင့်မစပ်သောစကားကိုပြောတော်မမူခြင်းဖြစ်ပါသည်။

မြတ်စွာဘုရားသည် စကားခြောက်မျိုးအနက် စကားနှစ်မျိုးကိုသာပြောဆိုတော်မူရာယင်းမှာလူတို့အတွက် ”စကားပြောနည်းလမ်းညွှန်”ဟုဆို နိုင်ပါသည်။ ထိုစကားပြောနည်းလမ်းညွှန်အတိုင်းကျင့် သုံးလိုက်နာနိုင်သော် ၀စီကံသန့်ရှင်းစင်ကြယ်မှုဖြစ်ပွားကာကောင်းသော ၀စီကံမှုမှ သယ်ဆောင်လာသောလက်ဆောင်ကောင်းများ ဘ၀တွင် ဖူးပွင့်ဝေဆာလာ ပေလိမ့်မည်။

ဟင်းလေးအိုးမှကူးယူဖော်ပြသည်။

အပြည့်အစုံဖတ်ရန်

ထေရ၀ါဒဗုဒ္ဓဘာသာ ဘုရားရှင်အကြောင်း

ဖွားမြင်ခြင်းနှင့်တောထွက်ခြင်း



ယနေ့ ဗုဒ္ဓဘာသာဝင်တို့အား တရား စတင်ညွှန်ပြသူသည် သမ္မာသမ္ဗုဒ္ဓဘုရားဖြစ် သည်။ ဘုရားရှင်၏ မျိုးနွယ်မှာ ဂေါတမဖြစ်၍ ဂေါတမဗုဒ္ဓ -ဟု အမည်တွင်သည်။ ဘုရားကို ရှေးမြန်မာတို့က (ပုသျှ) ဟု ခေါ်ခဲ့ကြသည်။ ကာလအလျောက် ပုသျှ-ပုရား-ဖုရား-ဘုရား စသည်ဖြင့် ပြောင်းလဲခေါ်ဝေါ်ခဲ့ခြင်းဖြစ်သည်။ ဟိန္ဒူဗြဟ္မဏတို့ က လူအများအား လမ်းညွှန်ပြသော ခေါင်းဆောင်ကို (ပုရုသျှ)ဟု ခေါ်သည်။ ပုရုသျှ သည် ပါဠိလို (ပုရိသ)ဖြစ်သည်။ မြန်မာလို ယောက်ျား ဟုအဓိပ္ပါယ်ရသည်။ ပုရိသမှ ပုဂံခေတ်တွင် ပုရဟာ၊ ပုရဟာမှ ပုရှာ၊ ပုရှာမှ ဘုရားဟု ပြောင်းလဲလာသည်။ တရား ညွှန်ပြသူ ဘုရားသည် လွန်ခဲ့သောနှစ်ပေါင်း ၂၅၅၀ကျော်က ပေါ်ပေါက်ခဲ့သူဖြစ် သည်။ ယခု အိန္ဒိယပြည်မြောက်ပိုင်း၊ နီပေါနယ်စပ်၌ကပိလ၀တ်ပြည် ရှိခဲ့သည်။ ယင်းပြည်သည် အများဆန္ဒဖြင့် အုပ်ချုပ်ကြသည့် “ဂဏ”တိုင်းပြည်ငယ် ဖြစ်သည်။ ကပိလ၀တ်ပြည့်ရှင် ဘုရင်သုဒ္ဓေါဒနနှင့် မယ်တော် မဟာမာယာဂေါတမီဒေ၀ီတို့မှ ဘုရားအလောင်းလျာကို မွေးဖွားခဲ့သည်။ ငယ်မည် သိဒ္ဓတ္ထကုမာရ ဖြစ်သည်။အမျိုး နွယ်ဟူသည်မှာ အမိဘက် အမျိုးအအမည်ဖြစ်၍ ဂေါတမအနွယ် ဖြစ်သည်။ အမျိုး မှာ အဖဘက်အမျိုးအမည် သကျဟုခေါ်သော သာကိယမျိုးဖြစ်သည်။ သိဒ္ဓတ္ထကု မာရ ၁၆နှစ်သားအရွယ်တွင် ဘဒ္ဒကဉ္စနာ ငယ်မည်ရှိသော ယသောဓရာ အမည်ရှိ မင်းသမီးနှင့် ထိမ်းမြား၍ ကပိလ၀တ်ထီးနန်းကိုဆက်ခံကာ ဘုရင်ပြုအုပ်ချုပ်ခဲ့သည်။ ဘုရင်အဖြစ် ကာမဂုဏ်စည်းစိမ်ချမ်းသာကို အသက်၂၉နှစ်အထိခံစားခဲ့သည်။ အသက်၂၉နှစ်တွင် တိုင်းခန်းလှည့်လည်ရင်းလောကကြီး၏ နိမိတ်လေးပါး ကိုမြင်ခဲ့သည်။



ယင်းနိမိတ်လေးပါးမှာ-

(၁) လောကကြီး၏ မရှင်မသန်တော့ဘဲ အိုမင်းရင့်ရော်နေခြင်းနိမိတ်၊(သူအို)

(၂) လောကကြီး၏ ပျက်စီးယိုယွင်းနေသည့် နိမိတ်၊(သူနာ)

(၃) လောကကြီး၏ ရှင်သန်မှုကင်း၊ သေဆုံးနေခြင်း နိမိတ်၊(သူသေ)

(၄) လောကကြီးအတွက် အပြစ်အနာအဆာ ကင်းမဲ့ရာကို ရှာဖွေခြင်းနိမိတ်၊(ရဟန်း) ဟူ သောနိမိတ်ကြီးလေးပါး ဖြစ်သည်။

ယင်းနိမိတ်ကို နှောင်းလူများက သူအို၊ သူနာ၊ သူသေ၊ ရဟန်း ဟု တင်စားပြောဆို သိနားလည်ခဲ့ကြ၏။ ယင်းနိမိတ်များကို ဆင်ခြင်သံဝေဂယူခါ သိဒ္ဓတ္ထကုမာရ သည် အမိ၊ အဖတို့ မျက်ရည်အသွယ်သွယ် စီးကျစဉ်၊ အမိအဖတို့မျက်မှောက်မှ ထီးနန်း ကိုစွန့်ခါ ဖန်ရည်စွန်းအ၀တ်ကိုဝတ်၍ အိုမင်းရင့်ရော်ခြင်း၊ ပျက်စီးယိုယွင်းခြင်း၊ ရှင်သန်မှုကင်း သေဆုံးခြင်းတို့မှ လောကကြီးလွတ်မြောက်ရေး ရနိုင်မည့် တရား (ဥတ္တရိမနုဿဓမ္မ)ကို ရှာဖွေခဲ့သည်။



တရားရှာခြင်း

သိဒ္ဓတ္ထကုမာရသည် တရားရှာဖွေရန်ထွက်ခွါရာ၌-

(၁) ငါ -တရားသိသလို လူတွေအားလုံး တရားသိစေရမည်၊ (ဗုဒ္ဓေါဗောဓေယျံ)။

(၂) ငါ -တရားကျင့်သလို လူတွေအားလုံး တရားကျင့်စေရမည်၊(တိဏ္ဏော တာရေ ယျံ)။

(၃) ငါတရားရ၍ လွတ်မြောက်ပြီး ငြိမ်းချမ်းသလို၊လူတွေအားလုံးတရားရ၍ လွတ် မြောက်ပြီး ငြိမ်းချမ်းစေရမည်၊ (မုတ္တော မောစေယျံ)-ဟု ရည်ရွယ်ချက်ထားရှိခဲ့ သည်။



သိဒ္ဓတ္ထမင်းသားသည် တရားရှာဖွေသည့်အခါ ကာမအာရုံများကိုအပြစ်မြင် စွန့်ခွါခဲ့ပြီးနောက်၊

(၁) အာရုံအများကို ၀င်စားခြင်း အတွေးစိတ်များကို ပယ်ဖျက်၍(သညာဝိရာဂ)၊ တစ်နေရာတည်းတွင် တစ်ကိုယ်တည်း၊ တစ်အာရုံတည်းမှာ တစ်စိတ်တည်းဖြင့် (ရုပ်)အာရုံတစ်ခုတည်းမှာစွဲမြဲစေသော ရူပဈာန်အကျင့်ကိုလည်းကျင့်ခဲ့သည်။ ထိုအ ခါအသိမဲ့ချမ်းသာကို ခံစားရသည်။ ထိုအသိမဲ့ချမ်းသာသည် ကာမချမ်းသာ ထက် ပို၍ပို၍ အလှိုင်းကြီးချမ်းသာသော်လည်းလောကကြီးလွတ်မြောက်ရေး ရနိုင်မည့်တရား(ဥတ္တရိမနုဿဓမ္မ)ကို မရခဲ့ပေ။

(၂) ထိုနောက် အာဠာရ၊ ဥဒက ဟုအမည်ရှိသော ရသေ့များထံ နည်းခံ၍ ရုပ်အာရုံ များကိုပယ်ဖျက်ခြင်း(ရူပ၀ိရာဂ)၊ ထိုမရှိအာရုံ၌စွဲမြဲစေသောအရူပဈာန်အကျင့်ကို လည်းကျင့်ခဲ့သည်။ ထိုအခါ အရှိမဲ့ချမ်းသာကို ခံစားရသည်။ ထိုအရှိမဲ့ချမ်းသာသည် ကာမချမ်းသာထက် ပို၍ချမ်းသာသော၊ ရူပဈာန်(အသိမဲ့ချမ်းသာ)ထက် ပို၍ပို၍ အလှိုင်းကြီး ချမ်းသာသော်လည်း လောကကြီးလွတ်မြောက်ရေးရနိုင်မည့်တရား (ဥတ္တရိမနုဿဓမ္မ)ကို မရခဲ့ပေ။ သိဒ္ဓတ္ထကုမာရသည် ဤရူပဈာန်၊ အရူပဈာန်များကို ပြင်းပြင်းထန်ထန် အဆင်းရဲအပင်ပန်းခံ၍ သေလုနီးပါး ၆နှစ်မျှကျင့်သော်လည်း လောကကြီးလွတ် မြောက်ရေး ရနိုင်မည့်တရား (ဥတ္တရိမနုဿဓမ္မ)ကို ရှာမတွေ့ခဲ့ ပေ။ အရူပဈာန်ကျင့်ရင်း သေလုနီးပါး ဖြစ်သောအခါမှ သတိပြန်လည်ကာ ယင်းအကျင့်များသည် ကိုယ့်ကိုယ်စိတ်ညှဉ်းပမ်းရေးလမ်း တစ်နည်းအားဖြင့် ဘ၀ ညှိုးနွမ်းခြောက်ခန်းစေသောအကျင့်(အတ္တကိလမထာနုယောဂ)အဖြစ်ဖြင့်တရားမရစေသောလမ်း ဟု သိမြင်၍၊ ယင်းအကျင့်များ စွန့်ပယ်လိုက်သည်။



သမ္မာသမ္ဗုဒ္ဓဘုရားဖြစ်ခြင်း

ထို့နောက် ငယ်စဉ်ပက်လက်မျှနေစဉ် လူမမည်ဘ၀က၊ ဖခင်သုဒ္ဓေါဒနဘုရင်ကြီး လယ်ထွန်မင်္ဂလာဆင်းစဉ် အထိန်းတော်များသည် မိမိကိုသပြေပင်ရိပ်၌သိပ်ခါ နို့ချို မတိုက်၊ ရေမတိုက်ဘဲနံနက်မှသည်ညနေစောင်းသည်ထိအထီးတည်းထားခဲ့သော် လည်း၊ မိမိ၌စိတ်ဆိုး၊ စိတ်ဆာမှုမရှိဘဲ ငြိမ်းချမ်းစွာကြည်ကြည်လင်လင် နေထိုင် သောကြောင့် ဖခင်ဘုရင်ကြီး၏ ဂရုဂါရ၀ပြုခံရမှု၏ အကြောင်းရင်းများကို ပြန်လည်ဆင်ခြင်ကာ၊ ယင်းနေထိုင်မှုကို ပြန်လည်ကျင့်သုံးရင်း အမြင့်မြတ်ဆုံးသော လူသား၏ ဂုဏ်ရည်သိက္ခာတရား (ဥတ္တရိမနုဿဓမ္မ)ကို ထိုးထွင်းသိမြင်ခဲ့သည်။ တရားကိုသိမြင်၍ အရိယသစ္စာစက်လည်ကာ သမ္မာသမ္ဗုဒ္ဓဘုရား ဖြစ်သည်။ ထိုနေ့ သည် မဟာသက္ကရာဇ် ၁၀၃ခုနှစ်၊ ကဆုန်လပြည့်နေ့၏ နေအရုဏ်တက်ချိန်ဖြစ် သည်။ ထို့ကြောင့် ဘုရားဘ၀တွင် အကျင့် သုံးပိုင်းရှိခဲ့သည်-

(၁) ကပိလ၀တ် ထီးနန်းစည်းစိမ်၌ အသက်၂၉နှစ်ထိနေထိုင်သောကာလ တစ်ပိုင်း၊ (ယင်းကို ကာမသုခလိကာနုယောဂ ဟုဆိုရသည်)။

(၂) ရူပဈာန်၊ အရူပဈာန် ၆နှစ်ကြာ ကျင့်ကြံသောကာလ တစ်ပိုင်း၊(ယင်းကို အတ္တ ကိလမထာနုယောဂဟု ဆိုရသည်)။

(၃) ဘုရားဖြစ်၍ တရားဖြင့် ၄၅နှစ်ကြာ နေသောကာလတစ်ပိုင်း ဖြစ်သည်။



ဗုဒ္ဓဘုရားသည် ဘုရားမဖြစ်မီ ထီးနန်း၌နေရာတွင် သမုတိသစ္စာတရား၌ မိမိကိုယ် မိမိမပိုင်မှု၊ လွတ်မြောက်ခြင်းမရှိမှုတို့ကို ငြီးငွေ့ရာမှ ပရမတ္ထသစ္စာကို ပြောင်းလဲ ကျင့်သုံးခဲ့သည်။ တဖန် ပရမတ္ထသစ္စာ၌လည်း မိမိကိုယ်မိမိ မပိုင်မှုကို ထပ်မံသိပြန် ၍၊ စွန့်ရပြန်သည်။ ထို့နောက် စိတ်ဆိုးစိတ်ဆာမရှိအောင် သတိဖြင့် ကျင့်သုံးနေထိုင် ရာမှ အရိယသစ္စာကိုတွေ့မြင်ပြီး၊ မိမိကိုယ်မိမိ ပိုင်စိုးသည့် သမ္မာသမ္ဗုဒ္ဓဘုရား အဖြစ် ရလေသည်။ ထို့ကြောင့် ဗုဒ္ဓဘုရားသည် လောကမှလွတ်မြောက်ရေး တရား အဖြစ် သမ္မာ တစ်လုံးကို သိမြင်သွားခြင်းဖြစ်သည်။ ထို့ကြောင့် ဘုရားကို တရားက မွေးဖွားခြင်းဖြစ်သည်။



တရားဟောခြင်း

သိဒ္ဓတ္ထကုမာရကို သမ္မာသမ္ဗုဒ္ဓဘုရားအဖြစ်ကို ရောက်စေသော အရိယသစ္စာတရား မှာလူသည် ကောင်းတာလုပ်လျင် ကောင်းသူဖြစ်၍၊ မကောင်းတာ လုပ်ပါက မကောင်းသူဖြစ်သည် ဟူသောအချက်ပင်ဖြစ်သည်။ ဤတရားသည် ရိုးစင်းလှ သည်။ လူတိုင်းသိသည် ဟုထင်ရဖွယ်ရှိသည်။ သို့သော် ဆင်းရဲနှင့်ချမ်းသာဖြစ်မှု များဆိုင်ရာတွင် မရိုးသားသော အမြင်များသည် လူတို့၌ လက်ဦးစွဲရောက်နေသဖြင့် ဤရိုးစင်းသော တရားကိုမမြင်နိုင်ကြခြင်းဖြစ်သည်။ မိမိ၏ ဆင်းရဲနှင့်ချမ်းသာ ကိုတန်းခိုးရှင်က ဖြစ်စေ၊ နက္ခတ်တာရာကဖြစ်စေ၊ ဓာတ်ကဖြစ်စေ၊ နတ်ကဖြစ်စေ၊ လူမဖြစ်မီရှေးကံကဖြစ်စေ၊ ပြုလုပ်သည် ဟု ခံယူကြသည့် အမြင်များဖြစ်သည်။ ဤအမြင်များသည် မရိုးသားသော အမြင်များဖြစ်၍ အမှန်မမြင်ရန်ဖုံးကွယ်ထား သည်။ ဤအမြင်များကို ခံယူထားကြသူတို့သည် ကိုယ်ပြုသမျှကိုယ်ခံရ၊ စံရသည် -ဟူသော ဘုရား၏တရားကို အပြင်းအထန် ငြင်းဆန်ကြသည်။ ထို့ကြောင့် ဘုရား သည် သိနိုင်သူအချို့ကိုသာ ရွေးချယ်ဟောပြောခဲ့သည်။ ဘုရား၏ စားဝတ်နေ ရေးမှာ အစားအတွက် ဆွမ်းခံစားသည်။ ဆွမ်းခံခြင်းဟူသည် ထမင်းတောင်းခြင်း မဟုတ်။ ထမင်းပေးခြင်းကို လက်ခံခြင်းသာဖြစ်သည်။ အ၀တ်အတွက် ပိုင်ရှင်မဲ့အ ၀တ်များကို ရှာဖွေဝတ်သည်။ အနေအတွက် သစ်ပင်၊ တောင်ခေါင်း၊ သူတပါးလှူ သော ဇရပ်၊ ကျောင်းတို့၌နေသည်။ ဘုရားသည် စားဝတ်နေရေးအတွက် သီးခြား အားထုတ်၍ အလုပ်မလုပ်။ တရားဓမ္မ ဟောပြောပြသမှုကို ပြုနိုင်ရန်အတွက်သာ စားဝတ်နေမှုကိုမှီဝဲသည်။ လောကလူသားများကား အလုပ်လုပ်ဖို့ စားခြင်းမဟုတ်၊ စားဖို့အလုပ်လုပ်ခြင်းသာ ဖြစ်သည်။ ဘုရားသည် တရားထိုးထွင်းသိမြင်ပြီး နှစ်လ တရားမဟောဘဲ တရားကိုသာ အဖန်ဖန် ပြန်လည်သုံးသပ်ကာနေသည်။ ဘုရားဖြစ် ၍နှစ်လတိတိအကြာ ၀ါဆိုလပြည့်နေ့၌ မိဂဒါတော(မိဂဒါဝုန်)၌ တရားနာသူငါးဦး အဖွဲ့ကို ပထမဆုံး တရားဟောသည်။ ပဉ္စ၀ဂ္ဂီဟု အသိများကြသည်။ တရားဟော ကြားရာ၌ တရားရှာသူများ ရှောင်ရမည့် တရားအန္တရာယ်နှစ်ပါးနှင့် အရိယသစ္စာ လေးပါး တရားပြချက်၊ တရားစက်လည်ပုံများဖြစ်သည်။ ထိုတရားကို (ဓမ္မစကြာ တရားတော်) ဟု ယနေ့သိကြသည်။ ဓမ္မစကြာတရားတော်သည် ဘုရားရှင် တရားရ ပုံ(ဗုဒ္ဓ၀င်)ကို ပြန်လည်ပြောပြသောတရား ဖြစ်သည်။ ဘုရားရှင်ဟောသောတရားမှာ သိဒ္ဓတ္ထကုမာရကို သမ္မာသမ္ဗုဒ္ဓ စင်စစ်ဖြစ်စေသော (ပဋိစ္စသမုပ္ပါဒ်တရား)ဖြစ်သည်။ ထိုတရားကိုအခြေခံ၍ အရိယသစ္စာလေးပါးတရားကိုဟောခြင်းဖြစ်သည်။



လောကလွတ်မြောက်ငြိမ်းချမ်းရေး တရားဟောစေလွှတ်ခြင်း

ဓမ္မစကြာတရားဒေသနာသည် ဘုရားရှင်၏ ၄၅နှစ်တာကာလအတွင်း ဟောကြား သော တရားအားလုံး၏ အုတ်မြစ်တရားလည်း ဖြစ်သည်။ ပထမနေ့၌ တရားနာ သူငါးဦးအဖွဲ့မှ တစ်ဦးသာ ဘုရားတရားကို နားလည်ခဲ့သည်။ ထိုနေ့မှာပင် ထိုတရား သိသူသည် ဘုရားထံ တပည့်သံဃာအဖြစ်ခွင့်ပန် ၀င်ရောက်ခဲ့သည်။ နောက်တစ် ရက်စီ၌ တစ်ဦးစီ တရားရပြီး သံဃာဝင်များ ဖြစ်ကြသည်။ ဤသို့ဖြင့် ၀ါတွင်းသုံးလ ကာလ တရားဟောခဲ့ရာသီတင်းကျွတ်တွင် သံဃာဦးရေခြောက်ဆယ် ရရှိလာ သည်။ ဘုရားရှင်သည် ဤသံဃာဝင်များကို လူအများအတွက် အကျိုးစီးပွားဖြစ်စေ ရန်(ဗဟုဇန ဟိတာယ)၊ လူအများအတွက် ချမ်းသာသုခရစေရန်(ဗဟုဇန သုခါယ)၊ လောကကြီး ငြိမ်းချမ်းရှင်သန်စေရန်(လောကာနုကမ္ပါယ)- ဟူသော တရားရည်မှန်း ချက်များချပေးပြီး၊ တရားဟောရန်အတွက် တစ်ခရီးလျင် နှစ်ပါးမသွားဘဲ တစ်ပါး ကျစီသွားကြ ဟုမိန့်ကြား စေလွှတ်ခဲ့သည်။



သံဃာ့အဖွဲ့ဝင်များ

ဘုရားရှင်သည် တပည့်အဖွဲ့ဝင် သံဃာကို ဘုရားဖြစ်ပြီး နှစ်လအကြာတွင် စတင်ထူ ထောင်ခဲ့သည်။ ပထမဆုံး သံဃာအဖွဲ့ဝင်မှာ ပဉ္စ၀ဂ္ဂီဟူသော ငါးဦးအဖွဲ့မှ “အရှင် ကောဏ္ဍည”ဖြစ်သည်။ နောက်ဆုံးအဖွဲ့ဝင်မှာပါဝါပြည် မလ္လာမင်းတို့၏ အင်ကြင်း ဥယျာဉ်၌ ဘုရားလွန်ခါနီး သံဃအဖွဲ့ဝင်အဖြစ် ခွင့်ပန်ခဲ့သော “အရှင်သုဘဒ္ဒ”ဖြစ် သည်။ ဘုရားသည် တပည့်အဖွဲ့ဝင် သံဃာကို လက်ခံထားသော်လည်း ပုရိမဗောဓိ ခေါ်သော ပထမနှစ်၂၀တွင် သံဃာဝင်စည်းကမ်းဟူ၍ သတ်မှတ်မထားဘဲ တရား နှင့်သာ နေစေခဲ့သည်။ သံဃာဝင်များကို လပြည့်၊ လကွယ်နေ့တိုင်း ၁၅ရက်တစ် ကြိမ် ဥပုသ်ပြုစေကာ သြ၀ါဒပေး၍ စစ်ဆေးခဲ့သည်။ သြ၀ါဒ-ဟူသည်ကား ခံနိုင်ရည်ရှိခြင်း၊ ခံစားမှုနောက် မလိုက်ခြင်း၊ အခွင့်လွှတ်ခြင်း၊ မကောင်းမှုမပြုခြင်း၊ ကောင်းမှုပြည့်စုံအောင်နေခြင်း၊ စိတ်ဖြူစင်အောင်နေခြင်း၊ ဤသည်တို့ကား ဘုရား တို့၏အဆုံးအမပင်တည်း ဟူ၍ ဖြစ်ပါသည်။ ယင်းကို “သြ၀ါဒပါတိမောက်”ဟု ခေါ်ကြသည်။ ဥပုသ်ပြုခြင်း- ဆိုသည်မှာ-ဘုရားထံ ဆည်းကပ်မှုပြု၍ စစ်ဆေးခံခြင်း ဖြစ်သည်။ စစ်ဆေးခံပုံမှာ ဘုရားပေးသော သြ၀ါဒအတိုင်း မိမိ-ရှိ၊ မရှိနှင့်မရှိလျင် ရှိအောင်နေထိုင်ပါမည်ဟု ဖွင့်ဟ၀န်ခံ၍၊ ၀န်ခံရန် မရှိပါက ဆိတ်ဆိတ်နေခြင်းဖြစ်ပါ သည်။ ဘုရားသည် နှစ်ပေါင်း၂၀ကြာအောင် ဤသြ၀ါဒကို ပေးနေခဲ့သည်။ နှစ်ကာလ ရှည်လာသောအခါ သံဃာလိုက်နာသောတရား ကောင်းမွန်သောကြောင့် လူအများက အားထားကြည်ညိုလာကြသည်။ ထို့ကြောင့်သံဃာသည် ပစ္စည်းလေးပါး ချမ်းသာလာ၍ ဂုဏ်ပြုချီးမွမ်းမှု များစွာခံရသည်။ ထို့ကြောင့် ချမ်းသာကြွယ်ဝ လိုသော၊ ဂုဏ်ပြုမှု ချီးမွမ်းမှု ခံယူလိုသောအချောင်သမားများ သံဃာ့ဘောင်သို့ဝင် လာကြသည်။ ထိုသူတို့သည် တရားကို မသိကြ၊ သိရန်လည်း အားမထုတ်ကြ။ လာဘ်များ၍ စည်းစိမ်ချမ်းသာရရန်၊ ကျော်စောရန်၊ အချီးမွမ်းအပူဇော်ခံရန်(လာဘ၊ သက္ကာရ၊ သိလောက)ကိုသာ ကြိုးစားလာကြသဖြင့် သံဃာသည် ဂုဏ်ညှိုးလာ သည်။ ထို့ကြောင့် ဘုရားသည် ထိုအကြောင်းကိုသိ၍ သံဃာဝင်အသက်နှစ်(၂၀) အကြာတွင် “သံဃာ့ဝိနည်း”-ဟူသော သံဃာဝင်များ လိုက်နာရမည့်စည်းကမ်းကို စတင်ထုတ်ပြန် ပညတ်ခဲ့သည်။ ထို့ပြင် အမှုမဖြစ်ပေါ်ဘဲ ကြိုတင်၍စည်းကမ်းပြု ခြင်း (၀ါ) ၀ိနည်းပညတ်ခြင်း မပြုခဲ့၊ ပေါ်သောအမှုအလျောက် ၀ိနည်းကို ပညတ်ခဲ့သည်၊ စည်းကမ်းပြုခဲ့သည်။



ဘုရားမဟောသောတရား

ဘုရားရှင်သည် ဘုရားဖြစ်သည်မှ လွန်သည့်အချိန်ထိ ၄၅နှစ်တာကာလ၌ သံဃာ ၀င်များနှင့် ဆည်းကပ်သူ လူအများကို တရားဟောခဲ့သည်။ တရားများ ဟောကြားရာ တွင် ဘုရားသည် လူ၊ လူ့အသက်နှင့် လူမရှိသည့်အရာများကို ပြတ်ပြတ်သားသား ငြင်းဆိုဟောပြောခဲ့သည်။ လူများ(လောက)မြဲသလား၊ မမြဲသလား၊ လူများ (လောက) အဆုံးရှိသလား၊ မရှိသလား ပြဿနာ၊ သေပြီးနောက် ဖြစ်သလား၊ မဖြစ်သလား၊ တစ်ချို့ဖြစ်၍ တစ်ချို့မဖြစ်သလား၊ ဖြစ်လည်းမဟုတ်၊ မဖြစ်လည်းမဟုတ်သ လား ပြဿနာ၊ လူနှင့်အသက် တူသလား၊ မတူသလား ပြဿနာ၊ ဤပြဿနာ (၁၀)ချက် ဖြစ်သည်။ ဤပြဿနာ(၁၀)ချက်သည် လူ့ငြိမ်းချမ်းမှု အရိယသစ္စာတရား နှင့်မဆိုင်ဘဲ၊ အမြင်မှောက်မှား စိတ္တဇပွားစေသည့် ပြဿနာများ ဖြစ်စေသည့် တရားများသာ ဖြစ်သည်ဟု ဘုရားရှင်ရှင်းပြခဲ့သည်။ ထို့ကြောင့် ဘုရားဟောသော တရားများသည် လူ၏အရည်အသွေးခြင်းရာကို ဖော်ပြနေသော၊ လူ၏ဂုဏ်ရည်များ ဖြစ်သော လူ၏ ပြုမူလှုပ်ရှားမှုကံများ၏ဖြစ်ရာ၊ ဖြစ်ကြောင်းနှင့် ငြိမ်းရာ၊ ငြိမ်းကြောင်း ဟူသော အချက်လေးချက်သာ ဖြစ်သည်။ ယင်းကို “အရိယသစ္စာလေးပါး” ဟု သိကြသည်။ ထို့ကြောင့် ဘုရာ့တပည့်သာဝကများက အရိယသစ္စာလေးပါးမှ လွတ် သော ဘုရားတရားဟူသည် မရှိ(စတုသစ္စ ၀ိနိမုတ္တောဓမ္မောနာမ နတ္ထိ) ဟုမှတ်တမ်း ပြုခဲ့ကြခြင်းဖြစ်သည်။ ဘုရာရှင်သည် သက်တော်ရှစ်ဆယ်၌ ၀မ်းလျောရောဂါဖြင့် ပရိနိဗ္ဗာန်ပြုတော်မူသည်။ ပါဝါပြည် မလ္လာမင်းတို့ အင်ကြင်းဥယျာဉ်ရှိ ညောင်စောင်း ၌လဲလျောင်းရင်း ဘုရားရှင်သည် ပရိနိဗ္ဗာန် မပြုမူမီ နောက်ဆုံးနာရီအနီးတိုင် နောက်ဆုံးသာဝကဖြစ်သော သုဘဒ္ဒပရိဗိုဇ်ကို တရားဟောတော်မူသည်ထိ လုံ့လ၊ ၀ီရိယကြီးမားစွာဖြင့် တရားကိုအလေးထားတော်မူခဲ့သည်။ သုဘဒ္ဒပရိဗိုဇ်ကို တရား ဟောရာတွင်- “ငါဘုရား၏ အဆုံးအမသာသနာ၌သာ မဂ္ဂင်ရှစ်ပါးအကျင့်မြတ်တရား ရှိသည်၊ ထိုအကျင့်မြတ်ကို လိုက်နာကျင့်ကြံနေသမျှ ကာလပတ်လုံးလူ လောကတွင် ရဟန္တာမဆိတ်သုဉ်းကြောင်း” ဟောခဲ့သည်။



ဘုရားရှင် ပရိနိဗ္ဗာန်ပြုတော်မူခြင်း

သုဘဒ္ဒပရိဗိုဇ်ကို တရားဟောအပြီး ဘုရားရှင်သည်ညောင်စောင်းထက်၌ လျောင်းလျက်ပင် တပည့်သံဃာဝင်များအား မိမိအပေါ်၌ အပြစ်မြင်လျင် ပြောကြရန်၊ တရား၌ ယုံမှားရှိလျင် မေးကြရန် အခွင့်ပေးရာ တပည့်သံဃာဝင်တစ်ဦး တစ်ယောက်ကမျှ ဘုရားအပေါ် အပြစ်စိုးစဉ်းမျှ မမြင်ကြကြောင်း၊ တရား၌ ယုံမှား သင်္ကာ မရှိကြကြောင်း ပြန်လျှောက်ကြသည်။ ထို့နောက် ဘုရားသည် မှတ်သားဖွယ် စကားလေးခွန်းပြောခဲ့သည်။

(၁) ဘုရားကို ဆွမ်း၊ သင်္ကန်း၊ ပန်း၊ ဆီမီး၊ ရေချမ်း အစရှိသော အာမိသပူဇာဖြင့် ပူဇော်သက္ကာရ ပြုခြင်းထက် တရားကို မြတ်နိုးမှုကသာလွန်ကောင်းမွန်ကြောင်း၊

(၂) ပြောဆိုဆုံးမ၍ မရသူအား ကောင်းမကောင်း လမ်းညွှန်ဆုံးမမှု မပြုတော့ဘဲ လျစ်လျူရှုထားခြင်း ဗြဟ္မဒဏ် ထားရန်၊

(၃) ဘုရားအစား တရားနှင့်ဝိနည်းကို ဆရာအဖြစ် ကိုးကွယ်ရန်၊

(၄) ၀ိနည်းအငယ်များကို ပြင်ဆင်ခွင့်အာဏာကို သံဃာ့ထံ ပေးအပ်ကြောင်း တို့ ဖြစ်သည်။ (မှတ်သားသင့်ပါသည်)။

ဘုရားလွန်ပြီးနောက် ရုပ်ကြွင်းကို ရက်အနည်းငယ်ထားပြီး၊ မီးသင်္ဂြိုဟ်သည်။ မီးသင်္ဂြိုဟ်သောအခါ မီးရှိန်ပြင်းခိုက် အားလုံးပြာမကျမီရေဖြင့်ငြှိမ်းသောကြောင့် အရိုးဓာတ်အချို့ ပကတိအတိုင်းကြွင်း၍၊ အများအားဖြင့် အလုံးအခဲများအဖြစ်ကြွင်း သည်။ ဤဓာတ်ကြွင်းများကို ပါဠိလို “အ၀သေသရီရ”၊ မြန်မာလို ကိုယ်ကြွင်းများဟု ခေါ်သည်။ ယနေ့ ဓာတ်တော်များဟု ခေါ်ကြသည်။ ဓာတ်တော်ဟူသည်မှာ ဘုရား၏ဓာတ်လေးပါးဖြစ်၍ ခေါ်ခြင်းဖြစ်သည်။ ထိုကိုယ်ကြွင်း ဓာတ်တော်များသည် ယနေ့ဗုဒ္ဓဘာသာဝင်များ၏ ကိုးကွယ်ပူဇော်စရာများအဖြစ် တည်ရှိနေသည်။ ဓာတ်တော်များနှင့်အခြားသော ဘုရားအသုံးအဆောင် ပစ္စည်းအကြွင်းအကျန်များ ကို စေတီ၊ ပုထိုးအဖြစ် ဘုရားအထိမ်းအမှတ်များ စိုက်ထူကိုးကွယ်ကြသည်။ ဘုရား ရုပ်ထုများကိုလည်း ထုလုပ်ကိုးကွယ်ကြသည်။ ဗုဒ္ဓဘာသာဝင်များသည် ဘုရား အထိမ်းအမှတ်နှင့် ရုပ်တုများ၊ ဓာတ်တော်များ အနီးအပါးသို့ရောက်လျင် ဦးညွှတ် ရိုသေဂါရ၀ပြု (ရှိခိုး) ကြရသည်။ ထိုသို့ ရှိခိုးပူဇော်ရာတွင် ဘုရားရှင် သက်ရှိထင် ရှားရှိသကဲ့သို့အာရုံပြု၍ ပူဇော်ကြရပါမည်။ ဘုရာရှင်အား ရှိခိုးပူဇော်ခြင်းထက် ဘုရားရှင်ဟောကြားခဲ့သော တရားများအတိုင်း ကျင့်ကြံနေထိုင်သွားရန်မှာ ပို၍ပင် အရေးကြီးပါသည်။ တရားသိလာလျှင် ဘုရားကို ပို၍ပင်ယုံကြည်မှု၊ ဘုရားရှင်၏ ဂုဏ်ကျေးဇူးတော်များကို ပို၍သိတက်လာမှု များဖြစ်လာပါလိမ့်မည်။ ထို့ကြောင့်စာဖတ်သူများသည်လည်း မိမိတို့သိနေကြတော့ တရားတော်များအတိုင်း သတိရှိကာ ကြိုးစားကျင့်ကြံအားထုတ်ကြပါ ရန်အရေးကြီးပါသည်။



အဆင်းသာရှိ၍ အနံ့မရှိသော တင့်တယ်လှပသော(ပေါက်ပန်းပွင့်စသော)ပန်းသည် ပန်ဆင်သူ အားလုံး အားအနံ့တည်းဟူသော အကျိုးကိုမဆောင်နိုင်သကဲ့သို့ ကောင်းစွာဟောကြားတော် မူအပ်သော (ပိဋကတ်)တရားတော်သည် မလိုက်နာ မကျင့်ကြံသူအား အကျိုးကိုမဆောင်နိုင်။

(ဓမ္မပဒ)



ထို့ကြောင့် အောက်တွင်ရေးသားထားပါသော မဂ္ဂင်ရှစ်ပါးတရားတော်သည် စာဖတ်သူတို့ လိုက်နာကျင့်ကြံရန် တစ်ခုတည်းသော လမ်းစဉ်ပင်ဖြစ်ပါတော့သည်။



စိရံတိဋ္ဌတု သဒ္ဓမ္မော

သဒ္ဓမ္မော- မွေးသေလွတ်သောသူတော်ကောင်းတရားသည်၊

စိရံ- ကြာမြင့်စွာသော ကာလပတ်လုံး၊

တိဋ္ဌတု- တည်ပါစေသတည်း။

အပြည့်အစုံဖတ်ရန်

ထေရ၀ါဒ နှင့် မဟာယာန ကွာခြားချက်များ

မဟာယာနဘာသာကို လူတော်တော်များများ စိတ်ဝင်တစားရှိသော်လည်း အကြောင်းကြောင်း

ကြောင့်မလေ့လာဖြစ်ပဲ အလှမ်းဝေးနေကြတာကို သတိထားမိပါတယ်၊ အထူးသဖြင့် ကိုယ်နဲ့ မဆိုင်ပါဘူးလေ ဆိုပြီး ဖာသိဖာသာနေတာလဲ ပါမှာပါ၊ သို့သော်လည်း တိုင်းတပါးကို ရောက်လာ

တဲ့အခါမှာတော့ ကိုယ့်ပတ်ဝန်းကျင်မှာ ဘာသာမျိုးစုံ၊ လူမျိုးပေါင်းစုံ၊ နောက်ဆုံး ဘာသာမဲ့ ၀ါဒသမားကအစ တွေ့မြင်နေကြရတာကြောင့် မသိမဖြစ်အနေနဲ့ လိုအပ်လာတယ်၊ စာရေးသူတို့ ဘုရားသားတော် ရဟန်းတွေမှာတောင် မြန်မာပြည်မှာတုံးက မလိုအပ်ဖူးလို့ ထင်ခဲ့မိတယ်၊

အခုတော့ ကိုယ့်ဝန်းကျင်မှာ မဟာယာနဘုန်းကြီးတွေ၊ သီလရှင်တွေ ၊ တရုတ် ကိုးရီးယား ဂျပန်လူမျိုးတွေကို တွေ့လာ၇တဲ့ အခါမှာတော့ သူတို့ဘာသာအကြောင်းကို မသိလို့ မရတော့ဘူး၊ သူ့တို့ဘာသာကို အစအဆုံး ဘုရား တရားက အစ လိုက်မေးနေရတယ် ဆိုရင် ကိုယ့်မြန်မာလူမျိုး သိက္ခာတော်တော်ကျနေပြီ၊ သီတဂူဆရာတော်ကြီး ပြောတဲ့ စကားတခွန်းကို မှတ်သားမိဘူးတယ်၊ ဘယ်ဘာသာကို မဆို လေ့လာထားပါ၊ သူတို့နဲ့ စကားပြောလို့ အနိုင်လိုချင်၇င် သူ့တို့ ဘာသာရဲ့ အားနည်းချက်ကို သိနေတော့ ပြောဆိုရတာ ( နောက်ဆုံး ငြင်းခုံရင်တောင် ကိုယ်က အနိုင်ရမယ် ) သိပ်လွယ်တယ် တဲ့။ အထူးသဖြင့် စာရေးသူတို့ မြန်မာနိုင်ငံမှာ မဟာယာန ဗုဒ္ဓဘာသာ ဆိုတာ တရုတ်ဘုန်းကြီးကျောင်းတွေမှာသာ ရှိတာမို့ ရဟန်းသံဃာတွေရော ဒကာ ဒကာမတွေပါ အလှမ်းဝေးနေခဲ့ကြတယ်။ ဒါကြောင့် လက်လှမ်းမှီသလောက်ကို တင်ပြလိုက်ပါတယ်။

ထေရ၀ါဒ ဗုဒ္ဓဘာသာ - မည်ပုံ



ဘုရားရှင် ပရိနိဗ္ဗာန်စံတော်မူသော မဟာသက္ကရာဇ် ( ၁၄၈ )ခုနှစ် ကဆုန်လပြည့်နေ့မှနောက် ၃ လလွန်မြောက်ပြီးသောအခါ အရှင်မဟာကဿပဦးဆောင်သော ရဟန္တာမထေရ် ၅၀၀ ဖြင့် ရာဇဂြိုလ်မြို့တွင်ဘုရားရှင်၏ တရားတော်တို့ကို တလုံးတပါဒမျှ ပြင်ဆင် ဖြည့်စွက်ခြင်း၊ ထုတ်နှုတ်ပယ်ရှားခြင်း အလျင်းမရှိခဲ့ပဲ ဟောတော်မူခဲ့သည့်အတိုင်း တသွေမတိမ်း ပထမသင်္ဂါယနာ တင်တော်မူခဲ့ကြသည်။

အချုပ်အားဖြင့် ဘုရားဟောတော်မူခဲ့ပြီးသော တရားတော်တို့ကို ယနေ့အချိန်အထိ တလုံးတပါဒမျှ ပြင်ဆင်ဖြည့်စွက်ခြင်းမရှိပဲ တပည့်သား သာဝက အစဉ်အဆက် လက်ဆင့်ကမ်း သယ်ဆောင်လာသော ၀ါဒကို ထေရ၀ါဒ ဗုဒ္ဓဘာသာ ( တပည့်သား သာဝက မထေရ်အစဉ်အဆက် သယ်ဆောင်လာသော ဘုရားဝါဒ ) ဟု မှတ်နိုင်ပါသည်။



ဒုတိယ သင်္ဂါယနာ

မြတ်ဗုဒ္ဓ လွန်တော်မူပြီး သာသနာနှစ်ပေါင်း (၁၀၀)ကြာပြီးနောက် ၀ဇ္ဇီတိုင်းသားရဟန်းများ (ဒေ၀ဒတ်

တပည့်များ )မှ အဓမ္မ၀တ္ထု (၁၀)ပါးကို တောင်းဆိုခဲ့ကြသည်။ ဥပမာ နေလက်တစ်သစ်လွဲသည့်

အချိန်အထိ ၀ိကာလဘောဇန လုပ်နိုင်တယ်၊ သေနု(အရက်ခပ် ပျော့ပျော့ ယခုခေတ် ထန်းရည်လိုမျိုး )ကို သောက်နိုင်တယ်၊ ရွှေငွေများကို လူတွေလို စိတ်ကြိုက် ကိုင်တွယ်အသုံးပြုနိုင်တယ် -- စသဖြင့် တောင်းဆိုခဲ့ပြီး ထေရ၀ါဒဗုဒ္ဓသာသနာတော်အား ပြုပြင်ပြောင်းလဲရေးလုပ်လာသဖြင့် ထိုရန်သူတို့အား ကာကွယ်ရန် ဒုတိယအကြိမ် သင်္ဂါယနာတင်ရပြန်သည်။



(၂) သာသနာနှစ် (၁၀၀)နှစ်

(၃) နေရာ ဝေသာလီပြည်၊ ၀ါဠုကာရာမကျောင်း

(၄) ခေါင်းဆောင် အရှင်ယသမထေရ် ဦးဆောင်သော အရှင်ရေ၀တနှင့် အရှင်သဗ္ဗကာမိ

(၅) သံဃာဦးရေ ရဟန္တာပေါင်း (၇၀၀)

(၆) မင်း ကာလာသောကမင်း

(၇) ကြာမြင့်ချိန် (၈) လ

အရှင်ယသ၊ အရှင်ရေ၀တ အရှင်သဗ္ဗကာမီ ဦးဆောင်သော ၇ဟန္တာများ ဝေသာလီပြည်၌ သင်္ဂါယနာတင်နေစဉ် ၀ဇ္ဇီတိုင်းသားရဟန်းပျက်များကို သံဃာထု၊ မင်းပရိသတ်ထု၊ ပြည်သူလူထု ပေါင်းပြီး နှင်ထုတ်ခဲ့ကြသည်၊ ထိုရဟန်းပျက် များကာ တစ်သောင်းကျော် ပမာဏ ရှိခဲ့သည် ဟူ၏။



ထိုရဟန်းပျက်တို့ ကို တိုင်းပြည်မှ နှင်ထုတ်လိုက်ရာ ၎င်းတို့သည် ဟိမ၀န္တာတောင်ခြေဖက် သို့ သွားရောက်

ပြီး ရှင်ဘုရင်တစ်ပါးမှ သနားကာ ခိုလှုံခွင့်ပေးလိုက်ရာမှ ထိုရဟန်းတို့သည်လည်း သင်္ဂါယနာစင်ပြိုင် တင်ခဲ့ကြသည်။



ထိုရဟန်းတို့အား တစ်သောင်းကျော်ဟူသော ကြီးမားသော အင်အားရှိသဖြင့် မဟာသံဃိကဂိုဏ်းဟု နာမည် တွင်ခဲ့သည်၊ ထိုဂိုဏ်းမှ မဟာယာန၀ါဒ ဖြစ်လာသည်။

ထိုမှတဖန် ဝေသာလီ၌ ကျန်ရှိခဲ့ကြသော ရဟန္တာ ( ၇၀၀ )အဖွဲ့အား ဟီနယာနဂိုဏ်း သေးငယ် သောဂိုဏ်း ( တနည်းအားဖြင့် သဗ္ဗတ္ထိဝါဒဂိုဏ်း ) ဟု ခေါ်တွင်ခဲ့သည်။ ထိုဂိုဏ်းမှ ထေရ၀ါဒ ဆင်းသက်လာပါသည်။ အမှန်ကတော့ ငါတို့က ရွာရဲ့ မြောက်ပိုင်းမှာ နေတယ် ဆိုရင် သူတို့က တောင်ပိုင်းမှာ နေတယ် ဟု အလိုလို မပြောသော်လည်း ပြောသကဲ့သို့ ထေရ၀ါဒ ကိုလည်း မဟာယာန ၀ါဒီ တို့သည် ဟီနယာန ဟု သုံးစွဲခဲ့ကြလေသည်၊

အိန္ဒိယ တောင်ပိုင်းဒေသမှ စကာ ပြန့်နှံ့ခဲ့သောကြောင့် တောင်ပိုင်းဗုဒ္ဓဘာသာ(ထေရ၀ါဒ) ဟုလည်းအလွယ်တကူ မှတ်နိုင်ပေသည်။ ယခုအချိန်အထိ သီရိလင်္ကာ၊ ထိုင်း၊ မြန်မာ၊ ကမ္ဘောဒီယား၊ လာအို နိုင်ငံတို့တွင် သာသနာထွန်းကားနေဆဲမို့ ထေရ၀ါဒ ၅ နိုင်ငံ ဟု အများက အသိအမှတ်ပြု လက်ခံထားဆဲဖြစ်သည်။



မဟာယာနမှာတော့ မဇ္ဈိမဒေသ အိန္ဒိယပြည် မြောက်ပိုင်း ဟိမ၀န္တာကနေ ပြန့်ပွားခဲ့သောကြောင့် မြောက်ပိုင်း ဗုဒ္ဓဘာသာ ( မဟာယာန ) ဟု မှတ်နိုင်သည်၊ဘီစီ ၁ ရာစု မှ စကာ အေဒီ ၁ ရာစု အအတောအတွင်း မဟာယာန ၀ါဒ စတင်ဖြစ်ပေါ်လာသည်ဟု သိရသည်၊ မဟာယာနတို့၏ Saddharma Pundarika Sutra သဒ္ဓမ္မပုဏ္ဍရိက သုတ်တွင်မူ အေဒီ ၂ ရာစုမှ စကာ ခေါင်းဆောင်ဖြစ်သော Nagarjuna နာဂဇုန သည် သူ၏ သုညတ၀ါဒကို စွဲကိုင်ကာ အင်အားကြီးမားစေခဲ့သည်၊ အေဒီ ၄ ရာစုလောက်တွင်တော့Asanga အသင်္ဂ နှင့် Vasubandhu ၀သုဗန္ဓု တို့ လက်ထက်တွင် မဟာယာနဘာသာသည် အထွတ်အထိပ်အခြေအနေသို့ ရောက်ရှိအောင် ပြန့်ပွားခဲ့သည်ဟု ဆိုရပါမည်။

( မဟာ - မြင့်မြတ်သော၊ ယာန - နိဗ္ဗာန်သို့ ပို့ဆောင်ပေးသော အရာ၊ ယာဉ်ဟူသော၊ ၀ါဒ - အယူရှိသူ )

ထိုအချိန်မှစ၍ မြောက်ပိုင်း ဗုဒ္ဓဘာသာ ခေါ် မဟာယာန သည် တရုတ်ပြည်၊ တိဗက်၊ ပါကစ္စတန်၊ မွန်ဂိုလီးယား၊ ဗီယက်နမ်၊ ကိုးရီးယား ဂျပန် စသော တောင် အာရှ နိုင်ငံများအထိ နှစ်ပေါင်းများစွာ ခေတ်အဆက်ဆက် ပြန့်ပွားခဲ့သည်၊ ထိုနိင်ငံတို့တွင် ထေရ၀ါဒ ဘာသာ အားကောင်းစွာ ပျံ့နှံ့သည်ဟူ၍ မကြားဖူးခဲ့ပေ။ အနည်းစုတော့ ရှိခဲ့လိမ့်မည်၊ ထို့ကြောင့် တရုတ် ဂျပန် ကိုးရီးယား တို့၏ ဘာသာရေး အခန်းကဏ္ဍများတွင် တုံးခေါက်ခြင်း၊ ဖယောင်းတိုင် အမွှေးတိုင် ထွန်းခြင်း သေသူအား ရည်စူးကာ စက္ကူများအားမီးရှို့ ပြာချခြင်း စသည်များသည် နိုင်ငံ ဓလေ့ ယဉ်ကျေးမှု့အရ အနည်းငယ် ကွဲလွဲသည်မှအပ တူညီနေကြပေသည်။



ပြိုကျခါနီး အိမ်ကို ကျားကန် ထားရသလိုဖြစ်နေတဲ့ မဟာယာန ဘာသာဟာ နောက်ပိုင်းခေတ်မှာတော့ ဂျပန်နိုင်ငံက စပြီး ရဟန်းတော်များ အိမ်ထောင်ပြုသင့်တဲ့ဂိုဏ်း၊ မပြုသင့်တဲ့ ဂိုဏ်း ဆိုပြီး ကွဲပြားလာတယ်၊ တချို့အရက်သောက်ကြတယ်၊ တချို့က မသောက်ဘူး၊ တချို့သက်သက်လွတ်စားတယ်၊ တချို့က မစားကြဘူး၊ ဒါကြောင့် ယခုအချိန်မှာ ကိုးရီးယား ဂျပန် ဘုန်းကြီးတော်တော်များများဟာ

အိမ်ထောင်ရှိကြတယ်၊ အရက်သောက်ကြတယ်၊ ပါတီ နိုက်ကလပ်တက်ကြတယ် လို့ တဆင့်စကား ကြားဖူးပါတယ်၊ တရုတ်၊ တိဗက် ဟောင်ကောင် ထိုင်ဝမ် စတဲ့ နိုင်ငံတွေမှာ ရှိတဲ့ မဟာယာနဘုန်းကြီး တွေကတော့ အိမ်ထောင်ပြုတယ် လို့ မကြားမိပါဘူး၊ ဒါကြောင့် သူတို့ကတော့ နည်းနည်း သန့်ရှင်းသေးတယ် လို့ ယူဆ၇မှာပါ။ သက်သက်လွတ်ဝါဒကတော့ တော်တော် ကြီးစိုးနေဆဲပါပဲ၊ ဒါကလဲ ဘုရားရှင်လက်ထက်တော်အခါကတည်းက အရှင်ဒေ၀ဒတ်က တောင်းဆု ငါးပါးထဲမှာ ရဟန်းတော်များသက်သက်လွတ် စားဖို့ သိက္ခာပုဒ်ပညတ်တော်မူပါဘုရား - ဆိုပြီး တောင်းပန်ခဲ့ဖူးပေမယ့် ဘုရားရှင်က ခွင့်မပြုခဲ့ဘူး။

အရင်းစစ်တော့ အမြစ်မြေက - ဆိုသလို မြောက်ပိုင်း ဗုဒ္ဓဘာသာခေါ် မဟာယာန၀ါဒ ဟာလဲ ဒုတိယသင်္ဂါယနာ တင်ချိန် ကတည်းက အဓမ္မ၀ါဒက နေ ဆင်းသက်လာတာမို့ အယူဝါဒတော်တော်များများ လွဲနေတာ မထူးဆန်းတော့ပါဘူး။



လွတ်မြောက်ရာ လမ်းများ နှိုင်းယှဉ်ချက်

ထေရ၀ါဒ ဘာသာ တွင် နိဗ္ဗာန် ပန်းတိုင်သို့ -

၁ ။ သမ္မာသမ္ဗုဒ္ဓ အဖြစ်နှင့် ကူးမြောက်ခြင်း၊

၂ ။ ပစ္စေကဗုဒ္ဓါ ဘုရားငယ်အဖြစ် ကူးမြောက်ခြင်း၊

၃ ။ သာဝက ဗောဓိ - ခေါ် ရဟန္တာအဖြစ် ကူးမြောက်ခြင်း ဟု သုံးမျိုးရှိသည်။



မဟာယာန ဘာသာတွင်လည်း -

Bodhisattvayana, ( ဗောဓိသတ္တ ယာန ) ဘုရားအလောင်းယာန၊

Prateka-Buddhayana, ( ပစ္စေက ဗုဒ္ဓယာန ) ပစ္စေဗုဒ္ဓါလောင်း ယာန၊

Sravakayana ( သာဝက ယာန ) သာဝကလောင်း ယာန၊ဖြင့် ကူးမြောက်ခြင်း ဆိုပြီး တူညီသော အမျိုးအစားများ တွေ့ရသည်။



ထေရ၀ါဒ နှင့် မဟာယာန၀ါဒတွင် တူညီသော အင်္ဂါ ( ၆ ) ချက်

(၁) မြတ်စွာဘုရားကို နှစ်ဖက်စလုံးက ဆရာ အဖြစ်လက်ခံကြတယ်။

(၂) သစ္စာ လေးပါး တရားတော်ကို နှစ်ဖက်လုံးက အပြည့်အ၀လက်ခံကြတယ်။

(၃) မဂ္ဂင်ရှစ်ပါး တရားကိုလဲ လက်ခံတာချင်း တူညီတယ်၊



(၄) ပဋိစ္စသမုပ္ပါဒ် ဒေသနာတော်ကို လက်ခံတာလဲ တူညီတယ်၊

(၅) ဖန်ဆင်းရှင်ကို နှစ်ဖက်လုံးမှာ လက်မခံပဲ ပယ်မြစ်ပါတယ်။

(၆) အနိစ္စ ၊ဒုက္ခ၊အနတ္တ နဲ့ သီလ၊သမာဓိ ၊ပညာတွေကို နှစ်ဖက်လုံးက လက်ခံကြတယ်။



Mahayana and Theravada

Now, what is the difference between Mahayana and Theravada?

I have studied Mahayana for many years and the more I study it, the more I find there is hardly any difference between Theravada and Mahayana with regard to the fundamental teachings.



1- Both accept Sakyamuni Buddha as the Teacher.

2- The Four Noble Truths are exactly the same in both schools.

3- The Eightfold Path is exactly the same in both schools.

4- The Paticca-samuppada or the Dependent Origination is the same in both schools.

5- Both rejected the idea of a supreme being who created and governed this world.

6- Both accept Anicca, Dukkha, Anatta and Sila, Samadhi, Panna without any difference.



အနတ္တကို နှစ်ဖက်စလုံးက လက်မခံကြပေမယ့် ကွဲပြားချက်က တရားတော်တွေ မဟုတ်ဘဲ ဗောဓိသတ္တ လို့ ခေါ်တဲ့ ဘုရားလောင်း ၊ ဘုရားကျင့်စဉ် အပေါ်မှာ ထားတဲ့ သဘောထား ဖြစ်နေတယ်။

ထေရ၀ါဒ က ဘုရားလောင်း ကို ပုထုဇဉ်ပဲရှိသေးလို့ မကိုးကွယ်ဘူး။ ထေရ၀ါဒဆိုတာ ရဟန္တာ ဖြစ်ဖို့ ကျင့်တဲ့ ၀ါဒဖြစ်ပြီး ၊ မဟာယာနကတော့ ဗုဒ္ဓဖြစ်မယ့် ဘုရားလောင်း ဗောဓိသတ္တကျင့်စဉ်ကို လက်ခံတဲ့ ၀ါဒပါ။

ထေရ၀ါဒမှာ ဗောဓိသတ္တကို လွတ်မြောက်ရာ သစ္စာတရားကို မသိသေးတဲ့ ပုထုဇဉ်မို့ မကိုးကွယ်

သေးပေမယ့် ၊ မဟာယာန မှာတော့ ကိုးကွယ်စရာ ဗောဓိသတ္တတွေ များပါတယ်။ ဘုရားလောင်း ၊ ဘုရားရဲ့ မိခင်၊ ဖခင် အများကြီး ရှိပါသေးတယ်။



ဖားအောက်ဆရာတော်ကြီးရဲ့ ဓမ္မစကြာနှင့် ၀ိပဿနာ တရားတော်ကို နာဖူးပါတယ်၊

မဟာယာန အယူဝါဒမှာ - အရဟတ္တဖိုလ်ရပြီးသား ရဟန္တာပုဂ္ဂိုလ်ဟာ ဒီဘ၀ကနေ နိဗ္ဗာန်ကို မျက်မှောက်ပြုလို့ မရသေးဘူး။ ရဟန္တာအဖြစ်ကနေ အနာဂမ် ၊ သကဒါဂမ် ၊ သောတာပန် အထိ ပြန် လျှောကျသွားတယ်။ ပုထုဇဉ်ပြန်ဖြစ်သွားရမယ် ။ ပြီးမှ ဘုရားဆုပန်ပြီး ဘုရားဖြစ်ဖို့ ပြန်ကြိုးစားကြရမယ်။

ထေရ၀ါဒ မှာတော့ မဟုတ်ဘူး - ပုထုဇဉ်ဘ၀ကနေ သောတာပန်၊ သကဒါဂါမ်၊ အနာဂါမ်၊ ရဟန္တာ အစဉ်အတိုင်းဖြစ်ပြီးရင် နိဗ္ဗာန်ကို မျက်မှောက်ပြုရတာပါပဲ၊ နောက်ဆုံးဘ၀ပေါ့၊ သူ့အတွက် ဒီဘ၀ ဒီခန္ဓာကိုယ်ဟာ နောက်ဆုံးပါပဲ၊ ဘုရားဟောထားတဲ့ စကားလေးတခွန်းရှိတယ်၊ ရဟန္တာဖြစ်တဲ့သူ များလဲ ပြောလေ့ရှိကြတယ်၊ အထူးသဖြင့် ဘုရားရှင်ကိုယ်တိုင်ပါ။



(၁) အကုပ္ပါ မေ ၀ိမုတ္တိ = ငါ၏ ရရှိပြီးသော အရဟတ္တဖိုလ် ဥာဏ်သည် ဘယ်လိုအကြောင်း

ကြောင့်မှ မပျက်စီးနိုင်တော့ပေ။

(၂) အယမန္တိမာ ဇာတိ ၊ နတ္ထိ ဒါနိ ပုန ဗ္ဘဝေါတိ = ဒီဘ၀သည် နောက်ဆုံးဘ၀ပဲ။ နောက်ထပ် ဘ၀သစ် ဆိုတာ မရှိတော့ဘူး၊

(၃) နာပရံ ဣတ္ထတ္ထာယာတိ ပဇာနာတိ - ၇ဟန္တာ ဖြစ်ပြီးရင် နောက်ထပ် ကျင့်ကြံစရာ လုံးဝ မရှိတော့ဘူး - တဲ့။



ဒါကို ထောက်သောအားဖြင့် ထေရ၀ါဒဟာ အားလုံး ဘုရားဟောစကားနဲ့ တူညီနေသေးတယ်။

မဟာယာနမှာတော့ ကိုယ်မကြိုက်တာတွေကို ပယ်လိုက်၊ ထုတ်လိုက် ပြန်ထည့်လိုက်၊ အသစ်ထပ်တိုးလိုက်နဲ့ ခေတ်အ ဆက်ဆက် ဖြတ်သန်းခဲ့တာမို့ ဘယ်တရားက ဘုရားဟော တရား အစစ်အမှန်လဲ ဆိုတာ တိတိကျကျ ပြောနိုင်ဖို့ ခက်ခဲတဲ့ အခြေအနေကို ရောက်နေပါပြီ။ စစ်မှန်သော တရားတော်တို့ သည် မိမိတို့ လက်ထဲမှာသာ ရှိနေသေးသောကြောင့် အကျိုးရှိရှိ အသုံးချနိုင်ကြပါစေ ဟုသာ တိုက်တွန်းစကားဆိုရင်း နိဂုံး ချုပ်ပါရစေ --



မေတ္တာဖြင့်

အရှင်သုနန္ဒာလင်္ကာရ M A ( ပန်းကမ္ဘာ )



ကိုးကား --

စူဠ၀ါပါဠိတော်

အနတ္တလက္ခဏသုတ်တော်

ဖားအောက် တရားတော်

Theravada-Mahayana Buddhism written by Ven. Dr. W. Rahula



(Credit to အရှင်သုနန္ဒာလင်္ကာရ M A ( ပန်းကမ္ဘာ ))

အပြည့်အစုံဖတ်ရန်

အပါယ်လေးပါးရောက်ကြောင်း အလှူဒါန(၁၀) ပါး

၁။ သမဇ္ဇဒါန-ကချေအလှူ ( အငြိမ့်ဇာတ်ပွဲ )။



၂။ မဇ္ဇဒါန -သေရည်သေရက်အလှူ။



၃။ ဣတ္ထိဒါန - မိန်းမအလှူ။



၎။ ဥသဘဒါန -နွားလား၊ မြင်းလား အလှူ။



၅။ စိတ္တကမ္မဒါန - ကာမဂုဏ်ကို နိုးကြွစေသော ပန်ချီဆေးရေး အလှူ။



၆။ သတ္ထဒါန - လက်နက် ခဲယမ်းမီးကျောက် အလှူ။၇။ ၀ိသဒါန - အဆိပ်အလှူ။



၈။ သင်္ခလိကဒါန - လက်ထိတ် သံခြေချင်း နှောင်ကြိုးအလှူ။



၉။ ကုက္ကုရ သူကရ ဒါန-ကြက် ၀က် သားကောင်အလှူ။



၁၀။ တုလာကူဋ မာနကူဋ - ချိန်စဉ်းလဲ၊ တင်းစဉ်းလဲ အလှူ။တို့ဖြစ်ပါတယ်။



(၁) - သမဇ္ဇဒါနလို့ခေါ်တဲ့ ကချေအလှူ(အငြိမ့်ဇာတ်ပွဲ)ကတော့ ယခုခေတ် ရှင်ပြု ရဟန်းခံ ပွဲတွေမှာ များစွာမှတွေ့ရပါတယ်။ဆိုင်းဝိုင်းတွေ ဇာတ်ပွဲတွေထည့်သွင်းပြီး ကျင်းပကြပါတယ်။ရင်နှီးသူအချင်းချင်းလည်း "သူငယ်ချင်း' မင်းရဲ့ ရှင်ပြု ရဟန်းခံ ပွဲမှာ ငါလည်း ကုသိုလ်ဖြစ်စေဖို့ ဇာတ်ပွဲလေး ဆိုင်းလေးတော့ထည့်ဝင်လှူဒါန်းပါရစေဆိုပြီး" အပြစ်ကင်းတဲ့အလှူဟု ထင်မှတ်ပြီး အပြစ်မကင်းသော အပ္ပါယ်လေးပါးရောက်စေတတ်သော မကောင်းသော အလှူကိုပေးလှူတတ်ကြပါတယ်။အဲဒီအလှူဒါနသည် ကုသိုလ်မရသည့်အပြင်အပ္ပါယ်လေးပါးကိုရောက်စေတတ်ပါသောကြောင့် အားလုံးသော ဒကာ ဒကာမ များ ထိုထိုသော အလှူကိုမပေးလှူမိဖို့တိုက်တွန်းအပ်ပါတယ်။



(၂) - သရည် သေရက်(ဘီယာ ထန်းရည် ဆေးခြောက်စသည်)လို့ခေါ်တဲ့ မဇ္ဇဒါနပါ။ အဲဒီအလှူကိုလည်းယခုခေတ်မှာ အများကြီးတွေ့ရတတ်ပါတယ်။ မိမိရဲ့မွေးနေ့မှာသော်လည်းကောင်း အလုပ်အကိုင်အဆင်ပြေလို့ သော်လည်း သူငယ်ချင်း မိတ်ဆွေ များကို ဖိတ်ပြီး သေရည် သေရက် ဘီယာစသည့်ဖြင့် ပေါ့လေ ပြုလုပ်ကောင်း လှူဒါန်းကောင်း အပြစ်ကင်းသည်ဟုထင်မှတ်ပြီး ဒါနပြု ကျွေးမွေးတဲ့အလှူဒါနကိုပြောလိုတာပါ။တကယ်တော့အဲဒီဒါနဟာလည်း အပြစ်မကင်းတဲ့ဒါန ကုသိုလ်မရတဲ့ ဒါန အကုသိုလ်ဖြစ်တဲ့ဒါန အပ္ပါယ်လေးပါးရောက်စေတတ်တဲ့ဒါနပါ။ဒါကြောင့်ထိုထိုသောဒါနကိုလည်း အားလုံးသော ဒကာ ဒကာမများမပေးလှူမိဖို့တိုက်တွန်းအပ်ပါတယ်။



(၃) - ဣတ္ထိဒါန ဆိုတာ မရိုသေစကား ယခုခေတ်အတိုင်းတာနဲ့ပြောရမယ်ဆိုရင် မိမိ၏ မိတ်ဆွေ သူငယ်ချင်း ညီအစ်ကိုများ ကာမဂုဏ်ပျော်ပါးစေဖို့အတွက် မိမိက အခကြေးငွေအကုန်ကျခံပြီး ငှားရမ်းပေးတဲ့(prostitute) အလှူဒါန ကိုပြောလိုခြင်းဖြစ်ပါတယ်။အဲဒီလို အခကြေးငွေအကုန်ကျခံပြီးလုပ်လိုက်တဲ့ အလှူဟာလည်း အပြစ်မကင်း ကုသိုလ်မရ အပ္ပါယ်လေးပါးရောက်စေတတ်တဲ့ဒါနဖြစ်လို့ ထိုထိုသော အလှူဒါနမျိုးကို မပေးလှူမိဖို့ တိုက်တွန်းပါတယ်။



(၄) - ကတော့ နွားတို့မှာ ဦးဆောင်နွားလား ..မြင်းတို့မှာလည်းဦးဆောင်မြင်းလား တို့ကိုပေးလှူတဲ့အလှူဒါနပါ။ ယခုခေတ်မှာအနည်းငယ်ရှားပါးပါတယ်။



၅။ စိတ္တကမ္မဒါန - ကာမဂုဏ်ကို နိုးကြွစေသော ပန်ချီဆေးရေး အလှူ။ ဆိုတာက မိမိမိတ်ဆွေ အပေါင်းသင်းနဲ့ ဘုန်းတော်ကြီးကျောင်းများသို့ ကာမဂုဏ်စိတ် ကာမရာဂ စိတ်တွေဖြစ်ပေါ်စေတတ်သော အမျိုးသမီးဓာတ်ပုံများ ။ပြက္ခဒိန်များ။ ပန်းချီရုပ်များကိုပေးလှူတဲ့အလှူဒါနကိုဆိုလိုခြင်းဖြစ်ပါတယ်။ ထိုထိုအလှူသည်လည်း အပြစ်မကင်းသော ကုသိုလ်မရသော အပ္ပါယ်လေးပါးရောက်စေတတ်သော အလှူဒါနဖြစ်သည့်အတွက် ထိုအလှူဒါနကိုလည်း မပေးလှူမိဖို့တိုက်တွန်းပါတယ်။



၆။ သတ္ထဒါန - လက်နက် ခဲယမ်းမီးကျောက် အလှူ ဆိုတာက လူတစ်ဦးတစ်ယောက် ဒါမှမဟုတ် အုပ်စုတစ်စု ဒါမှမဟုတ်အဖွဲ့တစ်ဖွဲ့စသည်ဖြင့်ပေါ့လေ သတ်ဖြတ်ဖို့အတွက် သေစေနိုင်သော လက်နက်များကို အခမဲ့ လုပ်ပေးခြင်း ပေးလှူခြင်း အလှူဒါနကိုပြောခြင်းဖြစ်ပါတယ်။





၇။ ၀ိသဒါန - အဆိပ်အလှူ ဆိုတာက တစ်ဦးတစ်ယောက် ကိုသေစေလိုသောစေတနာဖြင့် သေစေနိုင်သော အဆိပ် ဆေးများကိုပေးလှူတဲ့ဒါနကိုခေါ်ဆိုခြင်းဖြစ်ပါတယ်။



၈။ သင်္ခလိကဒါန - လက်ထိတ် သံခြေချင်း နှောင်ကြိုးအလှူ ဆိုတာက တစ်ဦးတစ်ယောက်ကိုချုပ်နှောင်ဖို့ ဒုက္ခဖြစ်စေဖို့ ဆင်းရဲစေဖို့အတွက် လှူဒါန်းတဲ့အလှူဒါနကိုဆိုလိုခြင်းဖြစ်ပါတယ်။



၉။ ကုက္ကုရ သူကရ ဒါန -ကြက် ၀က် သားကောင်အလှူဆိုတာက သူတစ်ပါးအား အသက်ရှင်လျက်ရှိသော ကြက် ဝက် များကို ကိုယ်တိုင်သတ်ပြီးတော့၎င်း သူတစ်ပါးအားသတ်စေပြီး ချက်ပြုတ်စားသောက်ရန်အလို့ငှာ လှူဒါန်းတဲ့အလှူဒါနကိုခေါ်ဆိုခြင်းဖြစ်ပါတယ်။



၁၀။ တုလာကူဋ မာနကူဋ - ချိန်စဉ်းလဲ၊ တင်းစဉ်းလဲ အလှူဆိုတာက ရောင်းတဲ့(အလေး)တစ်မျိုး။ ဝယ်တဲ့(အလေး)ကတစ်မျိုး။ (ချိန်ခွင်နဲ့ဈေးရောင်းသူ)ထို့ပြင် ရောင်းတဲ့(ပြည်တောင်း)ကတစ်မျိုး။ ဝယ်တဲ့ (ပြည်တောင်း)ကတစ်မျိုး(ဆန်ရောင်းသူများ)ဖြစ်စေဖို့အတွက် အလေးချိန်ခွင် ပြည်တောင်းများကိုထုတ်လုပ်ရောင်းချခြင်း။ ဒါမှမဟုတ် ပေးလှူခြင်း စတဲ့အလှူဒါနမျိုးကိုဆိုလိုခြင်းဖြစ်ပါတယ်။



(Credit to အရှင်ဝိမလဝံသ (နာလန္ဒာတက္ကသိုလ်၊အိန္ဒိယနိုင်ငံ))

အပြည့်အစုံဖတ်ရန်

“ဒုစရိုက် (၁၀)ပါး”

မကောင်းသောကိုယ်မူ၊ နူတ်မူ၊ စိတ်မူတို့ကို ဒုစရိုက် ဟုခေါ်သည်။
(ဒု = မကောင်းသော၊ စရိတ = ကျင့်ကြံပြုလုပ်ခြင်း)

ဒုစရိုက် ကာယကံသုံးပါး
(၁) ပါဏာတိပါတ = သူ့အသက်သတ်ခြင်း။
(၂) အဒိန္နာဒါန = ပိုင်ရှင်သည် ကိုယ်နူတ်တို့ဖြင့် မပေးအပ်သော သူတပါးဥစ္စာကို ခိုးယူခြင်း။
(၃) ကာမေသုမိစ္ဆာစာရ = ကာမဂုဏ်တို့၌ မှားယွင်းစွာကျင့်ခြင်း။

ဒုစရိုက် ၀စီကံလေးပါး
(၁) မုသာဝါဒ = မဟုတ်မမှန် ပြောဆိုခြင်း။
(၂) ပိသုဏ၀ါစာ = ကုန်းတိုက်စကားပြောဆိုခြင်း၊ ချစ်သူနှစ်ဦး ကွဲသွားအောင် ရန်တိုက်ပေးခြင်း။
(၃) ဖရုသ၀ါစာ = ဆဲရေး တိုင်းထွာခြင်း စသော ကြမ်းတမ်းသော စကားပြောဆိုခြင်း။
(၄) သမ္ဖပ္ပလာပ = အကျိုးမရှိ အနှစ်မဲ့သော စကားကို ပြောဆိုခြင်း။

ဒုစရိုက် မနောကံသုံးပါး
(၁) အဘိဇ္ဈာ - သူတပါးပစ္စည်းကို “ငါ့ဟာဖြစ်လျှင် ကောင်းလေစွ”ဟု မတရား ကြံစည်ခြင်း။
(၂) ဗျာပါဒ = သူတပါးကို သေကြေပျက်စီး စေလိုခြင်း။
(၃) မိစ္ဆာဒိဋ္ဌိ = အမှားယူခြင်း (ကံ - ကံ၏အကျိုး မယုံကြည်ခြင်း)။

ဤဆယ်ပါးကို အပါယ်သို့ ရောက်စေတတ်သော လမ်းခရီးဖြစ်သောကြောင့် “အကုသလကမ္မပထ” ဟူ၍ ခေါ်သည်။
ဤဒုစရိုက် ၁၀-မျိုး အကုသိုလ်အမျိုးမျိုးတို့တွင် မိစ္ဆာဒိဋ္ဌိ (ကံ၊ ကံ၏အကျိုးကို မယုံကြည်မူ)သည် အပြစ်အကြီးလေးဆုံးဖြစ်ကြောင်း ဟောတော်မူသည်။
မိစ္ဆာအယူအစွဲသန်လျှင် သန်သလောက်၊ အယူသည်းလျှင် သည်းသလောက် သေပြီးနောက် ငရဲသို့ တောက်လျှောက် ကျရောက်ခံရကြောင်း ကမ္ဘာပျက်၍ သတ္တ၀ါအများ ဗြဟ္မာဘုံသို့ ပြောင်းရွေ့ကြသော်လည်း မိစ္ဆာဒိဋ္ဌိ ငရဲသားမှာ ပြောင်းခွင့်မရ၊ ဆက်၍ခံနေရကြောင်း ကျမ်းဂန်တို့၌ အတိအလင်း မိန့်ဆိုထားသည်။
ထို့ကြောင့် မခိုင်မာသေးသော အယူမှန်ရှိသူ တို့သည် မိစ္ဆာဒိဋ္ဌိတို့နှင့် အရောတ၀င် မနေသင့်ကြောင်း ဟောကြားတော်မူထားသည်။

ဆောင်ပုဒ်။ ။
(၁) သက်သတ်ခိုးမူ၊ ကာမေသု၊ သုံးခု ကာယကံ။
(၂) လှည့်ဖျားရန်တိုက်၊ မိုက်မိုက်ကန်းကန်း၊ နူတ်ကြမ်းလေခြင်း၊ ပြိန်ဖျင်းစကား၊ ပြောဆိုငြား၊ လေးပါးဝစီကံ။
(၃) သူ့ဥစ္စာမှန်၊ မတရားကြံ၍၊ ဖေါက်ပြန်သေကြေ၊ ပျက်စေလိုငြား၊ အယူမှား၊ သုံးပါး မနောကံ။
(၄) ဒုစရိုက်ဆယ်ဖြာ၊ ဤကမ္ဘာတွင်၊ မိစ္ဆာအယူ၊ ရှိသောသူကား၊ သေမူမလွဲ၊ ကျငရဲတည့်၊ ဖေါက်လဲကမ္ဘာ၊ ပျက်သောအခါပင်၊ ဗြဟ္မာဘုံထက်၊ အများတက်လည်း၊ တက်ခွင့်မရှိ၊ အ၀ီစိဝယ်၊ ကံ၏ စေရာ၊ ခံရမှာ၊ မိစ္ဆာအပြစ် ကြီးဆုံးတည်း။
(မှတ်ချက်။ ။ ပြည်ထောင်စု မြန်မာနိုင်ငံတော် အစိုးရ သာသနာရေးဝန်ကြီးဌာန ဗုဒ္ဓဘာသာ တရားတော် အခြေံခံအဆင့် စာအုပ်မှ ထုတ်နုတ်ဖော်ပြထားသည်။)

အပြည့်အစုံဖတ်ရန်

“ရတနာသုံးပါး”

'ရတနာမည်ပုံ'  

စိတ်နှလုံး မွေ့လျော် ရွှင်ပျော် နှစ်သက်ခြင်းကို ဖြစ်စေတတ်သော သက်ရှိ-သက်မဲ့ အရာဝတ္ထုဟူသမျှသည် ရတနာမည်၏။
စိန် ရွှေ ငွေ ကျောက်သံ ပတ္တမြား ရတနာတို့သည် လောကရှိ လူအပေါင်းတို့၏ စိတ်နှလုံးကို နှစ်သက်စေတတ်၊ မွေ့လျာ် ပျော်ရွှင်စေတတ်သောကြောင့် လောကီရတနာဟု ခေါ်ဆိုရသည်။
ထို့အတူ ဘုရား၊ တရား၊ သံဃာတို့သည် လူနတ်ဗြဟ္မာ သတ္တ၀ါတို့၏ စိတ်နှလုံးကို နှစ်သက်စေတတ်၊ မြတ်နိုးစေတတ်သောကြောင့် လောကုတ္တာ ရတနာ ဟု ခေါ်ဆိုရပါသည်။

ရတနာ၏ လက္ခဏာ သဘောထား - - အလေးအမြတ်ပြု ခံရခြင်း၊ - အဖိုးများစွာ ထိုက်တန်ခြင်း၊ - အတုမရှိ အသာဆုံးဖြစ်ခြင်း၊ - တွေ့ခဲ၊ ကြုံခဲ၊ ရခဲခြင်း၊ - ဘုန်းကံရှိသူတို့၏ အသုံးအဆောင်၊ သို့မဟုတ် ကိုးကွယ်ရာ ဖြစ်ခြင်း။

ဆောင်ပုဒ်။ ။
အလေးပြုအပ်၊ ဖိုးမပြတ်တည့်၊
နိူင်းအပ်ပြိုင်ဖွယ်၊ မရှိကွယ်သား၊
မလွယ်တွေ့ဖို့၊ ရှေးကံချို့သည့်၊
လူတို့သုံးစရာ၊ မဟုတ်ပါသည်၊
ရတနာပစ္စည်း၊ ခေါ်သတည်း။

'ဗုဒ္ဓရတနာ' -
ဗုဒ္ဓသည် အရဟံ စသော ဂုဏ်တော်ကိုးပါးနှင့်ပြည့်စုံပြီး ဗုဒ္ဓတရားကို နာကြားရသူတို့မှာ စိတ်၏ အေးချမ်းသာယာမူ၊ အသိဉာဏ် တိုးတက်မူကို ရသောကြောင့် ဆည်းကပ်ကိုးကွယ်သူတို့ အလေးအမြတ်ပြုအပ်သော ရတနာဖြစ်သည်။ - စိန် ရွှေ ငွေ ရတနာတို့သည် အဖိုးထိုက်တန်၏။ ထိုရတနာအတွက် ဥစ္စာရှင်မှာ စိတ်ချမ်းသာမူအကျိုး ခံစားရသကဲ့သို့ ဘုရားရှင်ကို ဖူးတွေ့ရ ကိုးကွယ်ရ ဆည်းကပ်ရသော ပုဂ္ဂိုလ်တို့သည် လောက၊ သံသရာ နှစ်ဖြာသော အကျိုးကိုရကြသည်။ ထိုပုဂ္ဂိုလ်များအတွက် ဗုဒ္ဓရတနာသည် တန်ဖိုး မဖြတ်နိုင်သော ရတနာဖြစ်သည်။ - ပြည်တန်ပတ္တမြားသည် အခြားတန်းတူ ရတနာမရှိနိုင်သကဲ့သို့ ဘုရားရှင်၏ သီလ၊ သမာဓိ၊ ပညာဂုဏ်နှင့်တူသော ပုဂ္ဂိုလ်သည် လောကတွင်မရှိ၊ သို့အတွက် ဗုဒ္ဓသည် အတုမရှိသော ရတနာဖြစ်သည်။ - ပြည်တန်ပတ္တမြားကို တွေု့ဖို့ကြုံဖို့ ခဲယဉ်းသကဲ့သို့ လေးအသင်္ချေနှင့် ကမ္ဘာတစ်သိန်းကြာအောင် ပါရမီဖြည့်ပြီးမှ ဘုရားဖြစ်လာရသော ဗုဒ္ဓမည်သော ပုဂ္ဂိုလ်ထူးနှင့် တွေ့ဖို့၊ ကြုံဖို့၊ ဖူးတွေ့ဖို့ အလွန်ခဲယဉ်းလှ၍ ဗုဒ္ဓသည် ရတနာဖြစ်သည်။ - လောက၌ ကျောက်သံပတ္တမြား စိန် ရွှေ ငွေ ရတနာတို့သည် လူသာမန်တို့ မသုံးနိုင်၊ ချမ်းသာကြွယ်ဝသူတို့သာ သုံးဆောင်နိုင်သကဲ့သို့ ဗုဒ္ဓရတနာကိုလည်း ဘုန်းကံရှိသူတို့သာ ဆည်းကပ်ကိုးကွယ် နိုင်သောကြောင့် ရတနာမည်ပေသည်။ လောကတွင် လူနေအားဖြင့် အထက်တန်းကျကျ နေထိုင် စားသောက်နိုင်သည် မှန်သော်လည်း ဗုဒ္ဓရတနာကို မယုံကြည်၍ ကိုးကွယ် ဆည်းကပ်ခွင့် မရကြပေ။

'ဓမ္မရတနာ'
မဂ်လေးတန်၊ ဖိုလ်လေးတန်၊ နိဗ္ဗာန်၊ ပရိယတ္တိ ဤဆယ်မျိုးကို ဓမ္မ ဟုခေါ်သည်။ - ထိုဆယ်မျိုးသော ဓမ္မကို ရိုသေလေးမြတ်စွာ နာယူမှတ်သားအပ် ကျင့်ကြံ ပွားများအပ်၏။ - တန်ဖိုးမဖြတ်နိုင်လောက်အောင် အဖိုးထိုက်တန်၏။ - မဂ်ဖိုလ်နိဗ္ဗာန်တရားတော်များကို မဆိုထားဘိ ပရိယတ္တိ တရားတော်များသည်ပင် အတုမရှိ အသာဆုံး တရားတော်ဖြစ်၏။ - ထိုတရားတော်သည် ဘုရားပွင့်တော်မူမှ ကြားသိရသော တရားများဖြစ်ရကား ဘုရားရှင်ကို ဖူးတွေ့ရဖို့ မလွယ်သလို တရားတော်ကို ကြားနာရဖို့ မလွယ်ကူချေ။ - ထိုတရားတော်ကို ဘုန်းကံနည်းသူများ မသိနိုင် မသုံးစွဲနိုင်၊ ဘုန်းကံရှိသောသူတို့၏ အသုံးအဆောင်ဖြစ်၏၊ ဤသို့လျှင် တရားတော်သည် ရတနာ၏ဂုဏ်အင်္ဂါငါးပါးနှင့် ပြည့်စုံသောကြောင့် “ဓမ္မရတနာ” မည်ပါသည်။

'သံဃရတနာ'
သမ္မုတိနှင့် အရိယာ နှစ်ဖြာသော သံဃာတော် အရှင်မြတ်အပေါင်းသည် သံဃရတနာ မည်၏။ - ထိုသံဃရတနာသည် ရိုသေလေးစားထိုက်၏။ မရိုမသေလုပ်လျှင် ထိုမရိုမသေလုပ်သူမှာ လောကကြီး၌ ကြီးပွားခြင်း အန္တရာယ်ဖြစ်၏၊ နောင်သံသရာ၌လည်း မကောင်းကျိုးကို ခံရမည်။ - သံဃာတော်ကို ရိုသေ လေးမြတ် ဆည်းကပ်ကိုးကွယ်သူမှာ လောက သံသရာ နှစ်ဖြာသောအကျိုးကို ရရှိနိုင်၏။ - သံဃရတနာသည် ဗုဒ္ဓရတနာ ပေါ်ထွန်းချိန်၌သာ တွေ့ရကြုံရ ဖူးမြင်ရသောကြောင့် အလွန်တွေ့ကြုံခဲသော ရတနာဖြစ်သည်။ - ထို သံဃရတနာကို ဘုန်းကံကြီးသူ လူတို့သာ ဖူးတွေ့နိုင် ဆည်းကပ် ကိုးကွယ်နိုင်သောကြောင့် သံဃရတနာသည် ဘုန်းကံ ရှိသူတို့၏သာ ကိုးကွယ်ရာဖြစ်သည်။

(မှတ်ချက်။ ။ ပြည်ထောင်စု မြန်မာနိုင်ငံတော် အစိုးရ သာသနာရေးဝန်ကြီးဌာန ဗုဒ္ဓဘာသာ တရားတော် အခြေခံအဆင့် စာအုပ်မှ ထုတ်နုတ်ဖော်ပြထားသည်။)

အပြည့်အစုံဖတ်ရန်

“ဈာန် မဂ် ဖိုလ် မရနိုင်သူ (၅)ဦး”

ဤအခန်းတွင်ပြဆိုထားသော သမထ၀ိပဿနာရူပွားနည်းအတိုင်း ကြိုးစားအားထုတ်ပါက အားထုတ်မူနှင့်လျော်ညီစွာ သက်ဆိုင်ရာတရားထူးများကို ရရှိခံစားရမည်ဖြစ်သည်။ သို့ရာတွင် လက်ရှိဘ၀၌ မည်မျှပင် ကြိုးစားအားထုတ်စေကာမူ ဈာန်မဂ်ဖိုလ်ရရေးအတွက် လုံးဝမျှော်လင့်ချက်မရှိသော ပုဂ္ဂိုလ်များလည်း ရှိနေသေးသည်၊ ထိုပုဂ္ဂိုလ်များမှာ -
(၁) ကံကြီးထိုက်သူ (ကမ္မန္တရာယ်)၊
(၂) နိယတမိစ္ဆာဒိဋ္ဌိအယူရှိသူ (ကိလေသန္တရာယ်)
(၃) အဟိတ်ပဋိသန္ဓေနေသူနှင့် ဒွိဟိတ်ပဋိသန္ဓေနေသူ (၀ိပါကန္တရာယ်)၊
(၄) အရိယာကို ကဲ့ရဲ့စွပ်စွဲသူ (အရိယူပ၀ါဒန္တရာယ်)၊
(၅) မြတ်စွာဘုရားပညတ်ထားသော သိက္ခာပုဒ်များကို ကျူးလွန်သူ (အာဏာဝီတိက္ကမန္တရာယ်)
- တို့ဖြစ်သည်။

(၁) ဤ၌ မာတုဃာတကစသော ကံကြီး(၅)ပါးနှင့် ဘိက္ခုနီမကို ကာမကျူးလွန်ဖျက်ဆီးမူ ကံများသည် အလွန်ကြီးလေးသော အကုသိုလ်ကံများဖြစ်ကြ၏၊
ထိုအကုသိုလ်ကံများသည် ကျူးလွန်သူများကို ဈာန်၊ မဂ်၊ ဖိုလ်တရားထူးများ မရရှိအောင် အနှောင့်အယှက်(အန္တရာယ်) ပြုတတ်သည်။ ထိုကံများအနက် တမျိုးမျိုးကို ကျူးလွန်သူသည် ကမ္မဋ္ဌာန်းတရားကို အားထုတ်သော်လည်း ဈာန် မဂ် ဖိုလ်တရားထူးများကို မရရှိနိုင်ချေ။
အထူးအားဖြင့် အာနန္တရိယ ကံကြီးထိုက်သူသည် ဈာန် မဂ်ဖိုလ်တရားထူး မရရှိရုံသာမက နောက်ဘ၀၌ အဆင့်မြင့်(သုဂတိ) ဘုံဘ၀သို့လည်း ရောက်ခွင့်မရှိ၊ အပါယ်ငရဲသို့သာ ဧကန်ကျရောက် ရမည်ဖြစ်၏၊
ဘိက္ခုနိမကို ကာမကျူးလွန်သူကား ဈာန် မဂ် ဖိုလ်တရားထူးများကို မရနိုင်သော်လည်း ယခုဘ၀၌ ကောင်းမွန်စွာ ကျင့်ကြံနေထိုင်ပါက သုဂတိဘုံ ဘ၀များသို့ ရောက်ရှိနိုင်ပေသည်။
[ယခုအခါ မြတ်စွာဘုရား သက်တော်ထင်ရှား မရှိတော့သဖြင့်လည်းကေင်း၊ ဘိက္ခုနီမများလည်း မရှိတော့သဖြင့်လည်းကောင်း မြတ်စွာဘုရားကို သွေးစိမ်းတည်အောင်ပြုသော (လောဟိတုပ္ပါဒက) ကံနှင့် ဘိက္ခုနီမကို ကာမကျူးလွန်သော (ဘိက္ခုနီ ဒူသက) ကံများ သင့်ရောက်ဖွယ် မရှိတော့ချေ။] 

(၂) နိယတမိစ္ဆာဒိဟူသည် ကိလေသာ ဆယ်ပါးတွင် ပါဝင်သော ဒိဋ္ဌိပင် ဖြစ်၏၊
အဇိတ၊ မက္ခလိဂေါသာလ၊ ပူရဏကဿပ ဆရာကြီးများ၏ အယူဝါဒများသည် မြတ်စွာဘုရားရှင်တို့ ချေချွတ်၍ မရလောက်အောင် ခိုင်မြဲသောကြောင့် နိယတ မိစ္ဆာဒိဋ္ဌိများပင်ဖြစ်သည်။
ထိုဆရာကြီးသုံးယောက်အနက် အဇိတမည်သော ဆရာကြီးက နောက်ဘ၀မရှိ၊ သေလျှင် ဘ၀ပြတ်၏ (ဥစ္ဆေဒအယူ)၊ ကောင်းမူ မကောင်းမူ ပြုလုပ်ခြင်းအတွက် ကောင်းကျိုး ဆိုးပြစ်မရှိ(နတ္ထိကအယူ) စသည်ဖြင့် အယူရှိ၏၊
မက္ခလိဂေါသာလသည် အကြောင်းအကျိုးနှစ်ပါးလုံးကို ပယ်သော(အဟေတုက) အယူရှိသူဖြစ်၏၊
ပူရဏကဿပသည်ကား ကောင်းကံ မကောင်းကံများကို ပြုလုပ်သော်လည်း ပြုလုပ်ရာမရောက် စသည်ဖြင့် အကြောင်းကံကို ပယ်သော(အကိရိယ) အယူရှိသူဖြစ်၏။
အချုပ်အားဖြင့် ထိုပုဂ္ဂိုလ်ကြီးတို့၏ အယူဝါဒသုံးမျိုးလုံးသည် ကံနှင့် ကံ၏အကျိုးကို ပယ်သော ၀ါဒများပင်ဖြစ်ကြသည်။ ထိုဆရာကြီးတို့၏ အယူဝါဒများကို တော်ရုံသင့်ရုံ ယူဆနေရုံမျှဖြင့် နိယတမိစ္ဆာဒိဋ္ဌိ မဖြစ်နိုင်သော်လည်း လေးလေးနက်နက် လက်ခံယုံကြည်ခြင်း၊ ကြံစည်တွေးခေါ်ခြင်း၊ အထပ်ထပ် လေ့လာအားထုတ်ခြင်း ပြုသဖြင့် နောက်ဆုံး၌ အခိုင်အမာ စွဲမြဲစွာ အတည်ပြုဆုံးဖြတ်ချက်ချလိုက်မိသည်နှင့် တပြိုင်နက် နိယတမိစ္ဆာဒိဋ္ဌိအယူရှိသူ ဖြစ်လေတော့၏။
တနည်းဆိုရလျှင် ထိုအယူဝါဒကို လက်ခံကျင့်သုံးသူသည် သေလွန်သည့်အခါ အပါယ်ငရဲ၌ မလွဲမုချ ကျရောက်ရလေ၏၊
ထိုသို့ငရဲ၌ အကျိုးပေးမြဲသောကြောင့်လည်း ဖော်ပြပါ အယူကို နိယတမိစ္ဆာဒိဋ္ဌိဟု ခေါ်လေသည်။
ထို နိယတမိစ္ဆာဒိဋ္ဌိအယူသည် ဈာန် မဂ် ဖိုလ် နိဗ္ဗာန် မရအောင် တားဆီးပိတ်ပင်တတ်၏၊
သို့ဖြစ်၍ ယင်းအယူဝါဒသည် ကိလေသန္တရာယ် ဖြစ်သည်။
ထို နိယတမိစ္ဆာဒိဋ္ဌိ အယူရှိသူသည် ဈာန် မဂ် ဖိုလ် တရားထူးများကို မရနိုင်သည့်အပြင် သေလွန်သည့်အခါ အ၀ီစိငရဲသို့ ကျရောက်ပြီး ထိုအ၀ီစိငရဲ သက်တမ်းနှင့်အမျှ ဆင်းရဲဒုက္ခများကို ခံစားရလေသည်။
ဤကံသည် အာနန္တရိယကံကြီးငါးပါးတွင် အပြစ်အကြီးလေးဆုံးဖြစ်သော သံဃဘေဒက ကံကြီးထက်ပင်ပိုမို အပြစ်ကြီးလေး၏။ အကယ်၍ ကမ္ဘာပျက်ခဲ့လျှင် ကမ္ဘာပေါ်ရှိ သတ္တ၀ါမှန်သမျှသည် ဗြဟ္မာ့ဘုံသို့ ရောက်ရှိနေထိုင်ကြရ၏၊
ထို နိယတမိစ္ဆာဒိဋ္ဌိ အယူရှိသူမှာမူ ကမ္ဘာနှင့်တကွ ယင်းကျရောက်နေသည့် မဟာအ၀ီစိငရဲကြီးပါ ပျက်စီးသွားသော်လည်း ကျွတ်လွတ်ခွင့်မရဘဲ ပျက်စီးသော ကမ္ဘာကြီး၏ အပြင်ဘက်ရှိ ကမ္ဘာပျက်ဘေးလွတ်ရာ စကြ၀ဠာတစ်နေရာသို့ ပြောင်းရွေ့လျက် ဆင်းရဲဒုက္ခကို ဆက်လက်ခံစားရလေသည်။

(၃) အဟိတ်ပဋိသန္ဓေ ၀ိပါက်စိတ်နှင့် ဒွိဟိတ် ပဋိသန္ဓေ၀ိပါက်စိတ်များသည်လည်း ဈာန် မဂ် ဖိုလ် တရားထူးများကို မရရှိအောင် အန္တရာယ်ပြုတတ်၏။
“မျိုးစေ့မမှန် ပင်မသန်၊ ဖူးတံ ငုံကင်း အသီးဖျင်း၏”ဟု ဆိုရိုးစကားရှိသည့်အတိုင်း ထိုစိတ်များနှင့် ပဋိသန္ဓေတည်နေခဲ့သူများသည်လည်း ပင်ကိုယ်ပဋိသန္ဓေ မျိုးစေ့ကညံ့သည့်အတွက် လက်ရှိဘ၀၌ ဈာန် မဂ် ဖိုလ် တရားထူးရရှိရေးအတွက် လုံးဝ မျှော်လင့်ချက်မရှိကြပေ။
သို့သော ဤဘ၀၌ သမထ၀ိပဿနာ တရားများကို ကျင့်ကြံပါမူကား နောက်ဘ၀၌ အဆင့်မြင့်ဘုံဘ၀များသို့ ရောက်ရှိပြီး ထိုဘုံဘ၀၌ တရားထူးများကို ကျင့်ကြံရရှိနိုင်ကြပေသည်။

(၄) ယုတ်မာပြစ်မှားလိုသော စိတ်မျိုးဖြင့် အရိယာမှန်းသိသည်ဖြစ်စေ၊ မသိသည်ဖြစ်စေ အရိယာပုဂ္ဂိုလ်အား မဟုတ်မတရား စွပ်စွဲကဲ့ရဲ့လျှင်လည်း ထိုသို့ ကဲ့ရဲ့သည့်အပြစ်က ဈာန် မဂ် ဖိုလ်တရားထူးများ မရရှိအောင် အန္တရာယ်ပြုတတ်သည်။
ထိုအပြစ်ကို အရိယူပ၀ါဒန္တရာယ်ဟုခေါ်၏။ ဤ ကံကား ဈာန် မဂ် ဖိုလ် ကိုသာမက သုဂတိဘုံဘ၀ကို မရရှိအောင်လည်း အန္တရာယ်ပြုတတ်သည်။
အရိယာမဟုတ်သော်လည်း ကောင်းမွန်စွာ ကျင့်ကြံနေထိုင်သော သီလ၀န္တပုဂ္ဂိုလ်များကို ပြစ်မှားမိလျှင်လည်း အရိယာကို ပြစ်မှားသော ကံ နီးပါး အပြစ်ကြီးလေးလှသည်။
သို့ဖြစ်၍ အရိယာပုဂ္ဂိုလ်နှင့် သီလ၀န္တပုဂ္ဂိုလ်များအား မပြစ်မှားမိစေရန် အထူးသတိရှိအပ်ပေသည်။
ဤသို့ အရိယာပုဂ္ဂိုလ်၊ သီလ၀န္တပုဂ္ဂိုလ်များကို ပြစ်မှားမိသူသည် မိမိပြစ်မှားခဲ့သည့် ပုဂ္ဂိုလ်ထံ တိုက်ရိုက်ဖြစ်စေ၊ ထိုပြစ်မှားမိသည့် ပုဂ္ဂိုလ် သေဆုံးသွားလျှင် ထိုသူအား ရည်မှတ်၍ဖြစ်စေ သွားရောက် ၀န်ချတောင်းပန်ပါက အပြစ်ကင်းလွတ်ပြီး ဈာန် မဂ် ဖိုလ်တရားထူးများကိုလည်း ရခွင့်ရှိပေသည်။ 

(၅) မြတ်စွာဘုရားရှင်သည် ရဟန်းယောက်ျားနှင့် ရဟန်းမိန်းမများ လိုက်နာကျင့်သုံးရန်အတွက် သိက္ခာပုဒ်(၀ိနည်းဥပဒေ) များကို သတ်မှတ်ပြဋ္ဌာန်းထား၏။
ထိုသိက္ခာပုဒ်များကို တမင်လွန်ကျူးလိုစိတ်ဖြင့် လွန်ကျူးခြင်းသည် မြတ်စွာဘုရား၏ အာဏာ(အာဏာပါတိမောက်) တော်ကို ပစ်ပယ်ရာရောက်၏။
ထိုသို့ လွန်ကျူးခြင်းကြောင့် ၀ိနည်းအပြင်(အာပတ်)သင့်သည်။
ထိုအာပတ်များကို အလေးအပေါ့(ဂရုကလဟုက) အာပတ်အလိုကိ ငြိမ်အောင် မကုစားသမျှ ကာလပတ်လုံ သမထ ၀ိပဿနာ တရားများကို ကြိုးစားအားထုတ်သော်လည်း ဈာန် မဂ် ဖိုလ် တရားထူးများကို မရနိုင်သည့်အပြင် သေဆုံးသောအခါ၌လည်း သုဂတိဘုံဘ၀များကို ရရှိနိုင်မည်မဟုတ်၊
အာပတ်တန်းလန်းနှင့် သေဆုံးသွားပါက အပါယ်သို့ မုချကျရောက်ရမည်ဖြစ်၏။
ဖော်ပြပါ အန္တရာယ်(၅)မျိုးသည် ပစ္စုပ္ပန်ဘ၀၌ ဈာန် မဂ် ဖိုလ် တရားထူးများနှင့် တမလွန်ဘ၀၌ သုဂတိဘုံဘ၀များကို မရနိုင်အောင် တားဆီးနှောင့်ယှက်တတ်သဖြင့် လောကီ လောကုတ္တရာ ချမ်းသာသုခများ ဆုံးရူံးနစ်နာရ၏၊ 

သို့ဖြစ်၍ ထိုအန္တရာယ်(၅)မျိုးမှ ကင်းလွတ်အောင် အထူးပင် ကြိုးစားရှောင်ရှားသင့်ကြသည်။
ထိုအန္တရာယ်များမှ ရှောင်ရှားနိုင်ရေးမှာလည်း ဗုဒ္ဓဘာသာဝင်တို့၏ ကြည်လင်သော အသိအမြင်မျိုးရှိမှသာ ဖြစ်နိုင်မည်။
ထို့ကြောင့် ဗုဒ္ဓဘာသာဝင် ဖြစ်ရခြင်းသည် အလွန်တန်ဖိုးရှိသော ဘ၀ရတနာကို ပိုင်ဆိုင်ရရှိနိုင်ခြင်းပင် ဖြစ်ပေသည်။

(ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။)

အပြည့်အစုံဖတ်ရန်